Whistleblowerimik aaqqissuussineq
Ammasuuneq, uppernassuseqarneq isertuaassuserlu aqqutigalugit ingerlatsinermi ileqqorissaarneq Tusass-ip takutikkumavaa.
Tamanna ilutigalugu ingerlatseqatigiiffimmik ingerlatsinermik nutaaliaasumik ingerlatsinermi suliffeqarfimmi namminermi aammalu avatangiisitsinnit naatsorsuutigisanik naammassinnikkumavugut, tamanilli annerusumik kissaatigaarput sulisutta maannakkut siunissamilu sulinerminni toqqissisimanissaat.
Taamaattumik tamatuma naammassinissaanut whistleblowerimik aaqqissuussaq pilersipparput.
Whistleblowerimilliuna aaqqissuussineq suusoq?
Whistleblowerimik aaqqissuussineq sulisunik, siulersuisuni ilaasortanik aammalu suliffiup iluani aammalu avataani piginneqatigisanik allanik periarfissiineruvoq inunnik suliffeqarfimmut attuumassuteqartunik isertuussamik nalunaarutiginnissinnaanermik ileqqorissaarnermut, niuernermut imaluunniit inatsisinut tunngatillugu unioqqutitsisoqarsimappat imaluunniit pasitsaassaqartoqarsimappat uagut ingerlatatsinni, soorlu makkuninnga:
Pissutsit ilungersunartut pineqaatissinneqaataasinnaasut, ass. peqquserlunneq, akiliilluni peqquserlutsitsineq aamma peqquserluttuliorneq
Isumannaallisaanermik inatsisinilu aalajangersakkanik unioqqutitsinerit ilungersunartut
Pissusilersornerit tulluanngitsut ilungersunartutut isigisariallit, ass. assigiinngisitsineq, uumisaarineq il.il.
Malitassat maleruaqqusallu
Suliffeqarfimmut politikki
tapiliussaq annertunerusumillu nassuiagaq
Arctic Law Greenland
Tusass-ip eqqartuussissuserinermik suliffeqarfik Arctic Law Greenland ApS suleqatigilerpaa, taassuma Tusass pillugu eqqartuussissuserinermik suliffeqarfiup nittartagaani www.arcticlawgreenland.gl-imi whistleblowerimut isertarfikkut nalunaarutigineqartut tigullugillu suliarisassavai.
Isertarfik kikkunnit tamanit iserfigineqarsinnaavoq isertaat tamanit atorneqartussiaq atorlugu:
Atuisup taaguutaa: Tusass
Kodi: Tusass