Inuit pillugit paasissutissanut politikki

Illit pillutit paasisutissanik Tusassimi qanoq pissarsisarnersugut qanorlu suliarinnittarnersugut soorlu taamaaliortarnersugut politikkimi uani nassuiarneqarput. Isumannaallisaaneq Tusassimi pimoorupparput, ataaniittullu pillugit apeqqutissaqaruit imaluunniit ajornartorsiutitut isigigukkit attaveqarfiginissatsinnut tikilluaqqusaavutit.

Illit pillutit paasissutissat paasissutissanik illersuineq pillugu peqqussut atuuttoq (Europami Parlamentipaamma Siunnersuisoqatigit peqqussutaat (EU) 2016/679 17. april 2016-immersoq) aamma taaneqartartoq GDPR, naatsorsuusiortarneq pillugu inatsisit, tele pillugu inatsisit aamma paasissutissaateqarfinnut qaraasiakkut iserneq pillugu nalunaarut naapertorlugit suliarisarpagut.

1.     Paasissutissanut akisussaasoq attaveqarfissarlu

Paasissutissanut akisussaasoq:

Tusass A/S
Farip Aqqutta 8
3900 Nuuk
Kalaallit nunaat

CVR-normu: 17516345

(tamassuma kingorna taaneqartoq”Tusass”)

Attavissaq:

Josefine Andreasen – Inuit pillugit paasissutissanut akisussaasoq

E-mail: privacy@tusass.gl

2.     Isumasiuutit

“Inuit pillugit paasissutissat” – Paasissutissat tamarmik inuup kinaaneranut toqqaannartumik toqqaannanngitsumilluunniit atorneqartartut. Taakku assersuutigalugu tassaasinnaapput ateq, najugaq, IP-adressi, oqarasuaatip normua aamma sumiinneq pillugu paasissutissat.

”Suliarinninneq” – Ingerlatsineq sunaluunniit illit pillutit paasissutissanik suliarninnerusoq. Tassani ilaatigut pineqarput Tusassip paasissutissanik uninngatitsisarnera, paasissutissanik piiaasarnera, paasissutissanik misissueqqissaartarnera imaluunniit paasissutissanik ingerlatitseqqiisarnera.

”Paasissutissanut akissussaasoq” – Tusassimi paasissutissanut akisussaasoq. Tamassumunnga illit pillutit paasissutissanik qanoq sunillu siunertaqarluta suliarinninnissamik aalajangertarnerput pissutaavoq.

3.     Paasissutissat suut pissarsiarineqartarpat?

Tusassimit sullinneqaleraangavit sullinneqartutut nalunaarsorsinnaajumallutit inuk pillugu paasissutissat ilaannik pissarsisarpugut. Sullinneqaleraangavit sullississutitsinnik atuileraangavit paasissutissat annertunerusut Tusassip ingerlaannaq katersortarpai ilaatigullu paasissutissat ilaannik suleqatit pingajuannit pissarsisarluni.

Paasissutissat ilinnit toqqaannartumik pissarsiarineqartartut

Sullissatut nalunaarsorniarlutit inuttut kinaanerit qulakkeerssinnaajumallugu Tusassilu akiliutinnik pissarsiaqarsinnaaniassammat paasissutissat ilaannik atorfissaqartitsivugut. Paasissutit uku sullinneqartutut nalunaarsorneqaraangavit katersortarpagut;

• Ateq. najugaq, oqarasuaatip normua, e-mail aamma CPR normu, akiliinermi paaissutissat aamma akiliisarnermi paasissutissat

Nutaarsiassanik pissarsisarnissat kisaatigigukku siunertamut tassunga ilinnut attaveqarfissat atorneqartarput.

Paasissutissat ingerlaannartumik pissarsiarineqartartut

Tusassip attaveqaatinik sullississutaanik atuigaangavit Tusassi paasissutissat ilaannik ingerlaannartumik pissarsisarpoq. Paasissutissat taakku tassaapput:

• Oqarasuaatip normua sianerfigisat aamma/imaluunniit allaffigisat aamma oqarasuaatip normua ilinnut sianernermi allannermiluunniit atorneqartoq aamma sianernermi nalunaaruteqarnermilu nalunaaquttap qanoq ilinera.

• Tusassip attaveqaataatigut sianernerup sivisussusia

• Sumiinneq pillugu paasissutissat

• Internetimik atuinerit

Tusassip nittartagaanik atuigaangavit paasissutissat uku pissarsiarineqatarput:

• IP-adressi

• Attaveqaatit pillugit paasissutissat

• Iserfiit pillugit paasissutissat (”Tusassera” atorukku)

• Nittartagaq sumi qaqugulu atorneqarnersoq

• Browserip suunera plug-insillu

Paasissutissat suleqatigisat pingajuannit pissarsiarineqartartut

Tusassi pisut ilaanni sullississutitsinnik atuinermut atatillugu paasissutissanik suleqatit pingajuannit pissarsisariaqartarpoq. Tamanna taamaallaat illit tamassumunnga akuersiguit imalunniit inatsini atuuttuni piumasaqaataappat pisarpoq. Tamanna pisinnaavoq CPR-normumik Danmarkimi CPR-inik nalunaarsuiffimmit uppernarsaanikkut.

4.   Siunertaq aamma illit pillutit paasissutissanik atuineq

Illit pillutit paasissutissat uagutsi,nit sullinneqarninni sullissisinnaajumalluta sullississutillu akilertakkatit pillugit paasissutissat Tusassimi uninngatittarpagut suliarisarlugillu. Paasissutissat taamaallaat atorfissaqartitagut pissarsiarisarpagut paasissutissallu taamaallaat piffissami pisariaqartumi inatsisilluunniit tunngivigalugit pisussaafeqarnitsinni uninngatittarlugit .

Paasissutissani Tusassim pissarsiareqqusaasuni pissarsiarisinnaasatsinnilu arlalinnik siunertaqarpagut.

1.       Atuisuuninnik allaffissornikkut aqutsineq

Sullississummik pisinermi isumaqatigiissut Tusassip eqqortissinnaaniassammagu sullississut taanna allaffissornikkut aqussinnaajumallugu paasissutissat ingerlaavartumik suliarisarpagut. Tamanna assersuutigalugu tassaasinnaavoq mobilimik internetimilluunniit atuisuuneq. Illit pillutit paassissutissat sullinneqartutut kinaanerit paasisisnnaaniassagatsigu sullississullu neqeroorutigisarput akilertakkat akilersissinnaajumallugu uninngatittarpagut.

2.      Imminut sullinneq (Tusassera)

Illit pillutit paasissutissat imminut sullinnerit atorsinnaaniassagakku Tusassera-mi uninnatittarpagut. Illit pillugit paasissutissat saniatigut kontot iserfigisinnaaniassagakku nammineq atugassannik oqaatsimik ilisarnaammik pilersitsissaatit. Oqaaseq ilisarnaat taanna aamma Tusassimi nalunaarsuiffimmi uninngatinneqartarpoq.

3.      Pisininnut atatillugu attaveqarneq

Illit pillutit paasissutissat imatut uninngatittarpagut tunisassiaq sullissilluunniit uagutsinnit paasineqarsinnaalersillugu taamaalillunilu assersuutigalugu utertitsinermut naammagittaalliuteqarnermulluunniit atatillugu sullissanik pitsaanerpaamik sullissisinnaajumalluta.

4.      Attaveqarnerit sumiiffillu pillugit paasissutissat

Tusassimit sullinneqaruit attaveqarnermi napparutip eqqortup atorneqarnissaa qulakkeersinnaaniassagatsigu sumiinnerit ilisimassavarput, taamaalillutit attaveqarfiginiakkatit kissaatillu malillugu attaveqarfigisinnaaniassagakkit. Assersuutigalugu sianernermi SMS-ernermiluunniit.

Peqatigitillugu nunarsuarmi sumiinnerit malillugu eqqortumik akiligassinniassagatsigit attaveqarneq sumiinnerlu pillugit paasissutissat qulakkeerneqartarput.

5.      Sullissutinik ineriartortitsineq ajoqutinillu paasiniaasarneq

Tunisassianik sullississutinilluunniit pisiguit aaqqiissutissap pitsaanerpaap neqeroorutiginissaa Tusassimi akisussaaffigaarput. Tamassuma aamma kinguneraa sullississutigut tnisassiagullu ingerlaavartumik misilerartassagigut ineriartortillugillu. Tamanna assersuutigalugu attaveqarfiit, satelitikkut attaveqaatit, radiut atassuteqaqatigiiaat pitsanngortinneranni misileraanermut atatillugu pisinnaavoq aammalu nammineq sullississutit ilaatigut suliniutini assigiinngitsuni pisusissamittut ingerlanissaat qulakkeerniassagatsigu..

Illit pillutit paasissutissat peqatigitillugu sullississutitsinnik tunisassiaatitsinnilluunnit ajornartorsiuteqaruit ajoqutip sukkanerusumik paasiniarnissaanut ikiuutaasinnaapput.

6.      Inatsisini piumasaqaatit

Tusass sullississutinik neqerooruteqarnitsinni inatsinik eqqortitsisussaavugut. Tamassumani ilaatigut tele pillugu inatsit atuuppoq, tassani Tusassip inuit sullississutitsinnik atuineranni inatsisitigut piginnaatitsisoqartinnagu paasissutissanik ingerlatitseqqinngisaannarnissaa qulakkeerneqarpoq. Tele pillugu aamma allaqqavoq Tusassi pilersuinissamut pisussaaffeqartoq, tamassumalu kinguneraa inuit elektroniskinngorlugu tunngaviusumik sullississutinik akit naleqquttut atorlugit atuinissaasa qulakkeernissaanut pisussaaffeqartugut.

Tusassip sullississutinik atuineq pillugu nalunaarut malittussaavaa. Inatsisip taassuma kinguneraa telemi suliffeqarfittut atuinerit pillugit paasissutissat ukiumi ataatsimi uninngatissagigut

Tamassuma saniatigut naatsorsuusiortarneq pillugu inatsit malittussaavarput, tassani pisussaaffigiliisoqarpoq aningaasatigut paasissutissat tamaasa ukiuni tallimani isumaqatigiissutillu atorunnaarnerata kingorna ukiuni ingerlaavartuni toqqortassagigut. Illit pillutit paasissutissat tamassuma kingorna nalunaarsuiffitsinnit piiarneqassapput imaluunniit kimut tunngasuuneri paasinarsarunnaarneqassallutik.

7.      Ajornartoorneq aamma normunik paasiniaavik

Tusassip ajornartoornermi, taamaaliortoqarsinnaapput, sumiiffiit illugu paasissutissat Politiinut annaassiniartartunulluunniit allanut tunniussinnaavai, taamaalillutik tamanna pisariaqassappat nassaarisinnaaniassammatsit.

Normut aamma, taamaaliortoqannginnissaa nalunaarutigisimanngikkukku, normunik paasiniaavimmut tunniunneqassaaq.

8.      Takoqqusaarineq

Tusassimi sullinneqarsinnaajumaaluni toqussaarinermut nalunaarnissaq piumasaqaataanngilaq. Takoqqusarisoqarnissaa akuersimagukku assersuutigalugu neqerooruteqarnermut, sullississutinut imaluunniit unammisitsinermut atatillugu attaveqarfigisinnaavatsigit.

Eqqumaffigiuk uagutsinnit mailinik takoqqusaarutinilluunniit allanik tigusisarnissat kissaatiginngikkukku akuersinerit tamatigut tunuartissinnaagit.

9.      Naatsorsueqqissaarineq paasiniaalluarnerillu

Tusassip tuniassiaatit pitsaanerpaamik misigisaqarsinnaajumallutit ingerlaavartumik ineriartortittarpai, misilerartarpai pitsanngortittarlugillu. Taamaaliorsinnaatillu paasissutissat kimut tunngasuunersut paasinarsarunnaartarpagut. Sullitanik immikkoortiterineq, sullitat atueriaasiat sullitallu iliuuseqartarnerat kikkut sullississutitsinnik atuisuunerannik misissuinerni ikiuutaagajuttarput, taamaalilluta tunisassiaatigut sullississutigullu inunnut eqqortunut pitsaanerusumik tunngatinniassagatsigit sullitagullu eqqarsaatigalugit atorfissaqartitsiviunerpaasuni pitsanngortinnissaat qulakkeertarlugu.

10.    Paasissutissanik kikkunnut tunngasuunerannik malunnarunnaartitsilluni suleqatit pingajuannut ingerlatitseqqiisarneq

Tusassip pisut ilaanni naatsorsueqqissaarinerit misissueqqissaarinerillu suleqatit pingajuannut tunniussinnaasarpai. Assersuutigalugu tassaasinnaavoq tunisinerit, attaveqaatinik atuinerit, sumiinnerit aamma atuinerit pingaarnertut allanngoriartorneri pillugit naatsorsueqqissaarinernut atatillugu. Paasissutissat naatsorsueqqissaarinerillu suleqatit pingajuannut tunniunneqartartut kikkunnut tunngasuuneri tamatigut paasinarsarunnaartittarpagut – Tassa paasissutissat inunnut ataasiakkaanut tunngatinnagit.

Paasissutissat taamatut pisoqarnerani kikkunnut tunngasuunersut paasinarsarunnaartinneqartarmata paasissutissat paasissutissanik illersuineq pillugu peqqussutip ataaniikkunnaartarput, tassa inuit kikkuunerisa paasinissaanut atorneqarsinnaanngimmata.

11.     Piiaasarnermi suleriaaseq

Tusassi paasissutissani suna pineqarnersoq malillugu piiaanermi assigiinngitsunik suleriaaseqarpoq. Inuit pillugit paasissutissat toqqortagut qaqugukkut piiarneqartarnersut ataani atuarsinnaavat.

Atuineq pillugu paasissutissat: Sullissitinik atuineq pillugu nalunaarut naapertorlugu ukiup ataatsip kingorna piiarneqartarput.

Inuit pillugit paasissutissat mobilimik internetimilluunniit atuisuunermut atatillugu nalunaarsorneqartut: Naatsorsuusioartarneq pillugu inatsit naapertorlugu ukiut tallimat ukiullu ingerlaavartut kingorna piiarneqartarput

Suliagt (assersuutigalugu akiitsunut akilerneqanngitsunut atatillugu): Suliat pisoqalisut pillugit inatsit naapertorlugu ukiut qulit kingorna piiarneqartarput.

5.   Meeqqat pillugit paasissutissanik suliarinnittarneq

Tusassi atuisuunissamut meeqqanut tallimat 17-inillu akornanni ukiulinnut neqerooruteqarpoq. Meeqqanut toqqaannartumik takoqqusaarinngisaannarpugut, taamatullu atuisuunermik pilertsiniarluta meeqqap ajoqaavata imaluunniit angajoqqaatut oqartussaassullip CPR-normuanut atassuteqartitsinissaq piumasaqaataavoq.

Paasissutissanik illersuineq pillugu peqqussut malillugu meeraq nammineq pilluni paasissutissanik immikkut illersorneqartussaatitaapput. Tusassip taamaammat meeraq pillugu paasissutissat qassinik ukioqarnerata uppernarsarnissaanut taamaallaat atortarpai, taamaalilluta 18-it inorlugit ukioqarnera qulakkeersinnaaniassagatsigu taamaalillunilu atuisuunermi aki appasinnerusoq atorneqarsinnaalluni.

6.     Inuussutissarsiortut sullitat

Inuussutissarsiortunut Tusassi mobilimik atuisuunikkut, inuussutissarsiortut oqarasuaataasigut aamma Kalaallit Nunaanni inuussutissarsiortunut naleqqussakkanik internetikkut sullississutinik assigiinngiiaartunik sullississutinik assigiinngitsunik Inuussutissarsiortunut sullitanut assigiinngitsunik neqerooruteqarpoq.

Tusassi tamassuma saniatigut attaveqaatitigut nittartakkanillu ingerlatsisuunikkut Kalaallit Nunaanni inuussutissarsiortunut naleqqussakkanik assigiinngitsunik neqerooruteqarpoq. Immikkoortuni taakkunani marlunni atuuppoq Tusassip sullitaq pillugu paasissutissat aamma/imaluunniit ingerlatsineri pillugit paasissutissat kisiisa toqqortarai sullitallu attaveqaataanik nakkutiginnittarluni.

Sullississutinik tuniassiaatinillu pisinermut atatillugu, Tusassi tassani sullitaq sinnerlugu paasissutissanik suliaqarsinnaalluni, paasissutissanik suliarinnittarneq pillugu illuatungeriit isumaqatigiissutaat atsiorneqartarpoq.

Inuussutissarsiortutut sullitatut pilersikkutsigit suliffeqarfik pillugu paasissutissat uku nalunaarsortarpugut:

• CVR-normu

• Najugaq

• Suliffeqarfimmi attaveqaatip oqarasuaataata normua e-mailialu

7.    Isumannaallisaaneq

Tusassi suliffeqarfittut ”teknikkikkut aaqqissuussaanermilu isumannaallisaarnermi iliuutsinik naleqquttunik atuutilersitsinissamut” akisussaaffeqarpoq. Tamasuma kinguneraa illit pillugit paasissutissat illersorneqarnissaasa qulakkeerneqarnissaannut akisussaaffeqartugut, taamaalilluni inuit avataaneersut nalunaarsuiffitsinnut iserlutik illit pillutit paasissutissanik atornerluisinnaassatik. Tusassimi malitassanik eqqortunik qulakkeerinniffiusartumik immikkoortortaqarfeqarpugut, taamaalilluni tunisassiaatinik sullississutinilluunniit uagutsinni pisiguit illit pillutit paasissutissat paarineqarnissaannik qulakkeerinnissinnaaniassagavit.

Ilaatigut taamaaliortarpugut nalunaarsuiffinni tamani firewallimik, marloqiusamik akuersisarnermik atuisunillu aqutsinermik atuinikkut. Peqatigitillugu inuit pillugit paasissutissanik suliarinnittarnermik IT-millu ataatsimut isigalugu isumannaallissaanrnermik Tusassimi sulisut ilinniartinneqartarput.

8.   Suleqatit

Tusassi ingerlatsinermi ulluinnarni ikiuuttartunik arlalinnik suleqateqarpoq. Pisut ilaanni sulianut taakkununnga atatillugu inuit pillugit paasissutissat tunniunnissaat pisariaqartarpoq. Tamanna pisinnaavoq assersuutigalugu akiligassiissutinik akileeqqusisarnermi avataani nalunaarsuiffinnut, suliffeqarfiit avataaneersut Tusassimi sullississutinik iluarsaanermi aserfallatsaaliuinermilu ikiuunnerannut aamma siunnersortit suliffeqarfiilluunniit nalunaarsuiffitsinnik qarasaasianilu nalunaarsuiffinnik suliaqarnerannut atatillugu.

Suleqatigiinnermut atatillugu inuit pillugit paasissutissat pisariaqartillugu tunniunneqartaraangata suleqatigiinneq aallartitsitsinnagu isumannaallisaanermi iliuuseqarnissaq Tusassip tamatigut isumagisarpaa, pisunilu taakkunani inatsisit atuuttut eqqortinneeqarnissaat qulakkeertarlugu. Pisuni taamaattuni Tusassip suleqatittalu akornanni paaissutissanik sulirinnittarneq pillugu isumaqatigiissut tamatigut atsiorneqartarpoq.

Tamassuma saniatigut paasissutissat normunik paasiniaavimmut ingerlateqqinnissaannik Tusassi pisussaaffeqarpoq, tamannali paasissutissat ingerlateqqinneqannginnissaat kissaatigigukku pissanngilaq. Tusassip illit pillutit paasissutissanik normunik paasiniaavimmut ingerlatitseqqinnginnissaanik tamatigut qinnuivigisinnaavat.

9.   Paasissutissanik nunat pingajuinut nuussineq

Tusassi paasissutissanik nunat pingajuinut EU-p aamma EØS-ip avataaniittunut pisut ilaanni nuussisarpoq. Taamatut pisoqarnerani paasissutissanik suliarinnittarneq pilugu isumaqatigiissutip Europakomissionillu isumaqatigiissutaa nalinginnaasoq atorlugu atsiornissaa Tusassip qulakkeertarpaa. Isumaqatigiissutini taakkunani inuit pillugit paasissutissanik nuussunermut uninngatitsinermullu tunngatillugu inuit pillugit paasissutissat EU-mi inatsisit malillugit sularineqarnissaat qulakkeerneqartarpoq.

10.   Cookiesit pillugit politikki

Tusassip nittartakkamik atuinernerit paasiniarlugu Cookiesit sakkulluunniit allat atorneq ajorpai.

11.  Pisinnaatitaaffitit

Uagutsinni sullinneqarninni illit pillutit paasissutissat pillugit inuttut psinnaatitaaffeqarputit. Pisinnaatitaaffitit pillugit ataani annertunerusumik atuarsinnaavutit:

1. Paasitinneqarsinnaatitaaneq: Illit pillutit paasissutissat qanoq, sooq qanorlu sivisutigisumik suliarineqartarnerannik ilisimatinneqarsinnaatitaavutit.

2. Paasisaqarsinnaatitaaneq: Tusassi illit pillutit sunik paaissutissaateqarnersoq tamatigut ilisimatinneqarsinnaatitaavugtit.

3. Naqqiuteqarsinnaatitaaneq: Illit pillutit paasissutissat equnngippata aaqqinneqarnissaannik pisinnaatitaaffeqarputit.

4. Piiaasinnaatitaaneq: Aamma ilisimaneqartoq ”puigorneqarsinnaatitaaneq” – Illit pillutit paasissutissat piiarneqarnissaannik Tusassi pisut ilaanni qinnuivigisinnaavat. Tamanna assersuutigalugu atuuppoq Tusassip illit pillutit paasissutissanik suliarinnittarnissaa pisariaqarunnaarpat, akuersinerit utertikkukku imaluunniit illit pillutit paasissutissa Tusassi unioqqutitsilluni suliarinnippat.

5. Suliarinninerup killilerneqarnissaanik pisinnaatitaaffeqarneq: Isumaqaruit illit pillutit paasissutissat Tussap siunertanut pisariaqanngitsunut atorai taamatut suliarinnerup killlerneqarnissaanik pisut ilaanni qinnuivigisinnaavatsigut

6. Paasissutissat pillugit paasitinneqarluarsinnaatitaaneq: Tusassi pisut ilaanni illit pillutit paasissutissat nalunaarsuiffitsinnit paaissutissanik akisussaasumut allamut nuussinissaanik pisinnaatitaaffeqarputit.

7. Ingerlaannartumik aalajangiiffigineqannginnissamik pisinnaatitaaffeqarpoq: Assersuutigalugu inuk aalajangiinermi paasitinneqarani akiitsoqaraluarluni atuisuusutut pilersinneqarnerit pillugu Tusassip aalajangiisinnaatitaannginneranik pisinnaatitaaffeqarputit.

8. Naammagittaalliorsinnaatitaaneq: Isumaqaruit Tusassip malittarisassat atuuttut eqqortinngikkai illit pillutit paasissutissat suliarineqarnerat pillugu naammagittaalliorsinnaatitaavutit. Nammagittaalliutit iserfissami uani Paasissutissanik Nakkutilliisoqarfiup nammineq nittartagaatigut nassissuinnaavat: https://www.datatilsynet.dk/borger/klage

Politikki qulaaniittoq pillugu apeqqutissaqaruit, paasisaqarnerorusukkuit imaluunniit paisinnaatitaaffitit atorniarukkit inuit pilugit paasissutissanut akisussaasoq Josefine Andreassen, privacy@tusass.gl attaviginissaanut tikilluaqqusaavutit.