Tusass piujuartitsinerlu
Tusassimi suliassatta pingaarnersaraat inuiaqatigiit digitalimik pisariaqartitaat tunngavigalugit isumannaatsunik piujuartitsisunillu attaveqaasersuutinik ineriartortitsissalluta.
Digitalikkut periarfissarititaasut peqatigiinnermik nukittorsaasut pillugit sulivugut, taamatullu meeqqanit atuartuniit innuttaasunut suliffeqarfinnullu isumannaatsumik digitalimik atuinermik pilersitseqataalluta.
Nunarsuarmi anguniagaq 4:
Ilinniartitaaneq pitsaassusilik
Kinguaariit tulliuttut digitalimik piginnaasaqarnissaannik siuarsaaqataarusuppugut. Meeqqat inuusuttullu piginnaasaasa qaffassarneqarnissaannut angusaasa pitsaasuunissaannik naleqquttuunissaannillu pilersitseqataarusulluta.
Nunarsuarmi anguniagaq 7:
Piujuartitsilluni nukissiorneq
Attaveqaasersuutit isumannaatsut piujuartitsineq tunngavigalugu qulakkeerusuppagut teknologiillu avatangiisimut eriaginnittut Nunatsinni atulernissaannut peqataalluta.
Nunarsuarmi anguniagaq 9:
Suliffissuit, Nutaaliorneq Attaveqaasersuutillu
Nunatsinni innuttaasunut tamanut attaveqaasersuutit isumannaatsut patajaatsullu ineriartortikkusuppagut, anguniagaralugulu inuiaqatigiinni interneteqarusuttut tamaqqinnaasa periarfissinnissaat.
Nunarsuarmi anguniagaq 17:
Suleqatigiinnikkut anguniagaqarneq
Ataatsimoorluni piujuartitsilluni ineriartortitsinermik qulakkeerinninniarluni suleqatigiinnikkut anguniagaqarnerit pilersitseqataaffigerusuppagut.

Piujuartitsilluni ineriartortitsinermi anguniakkat

Piujuartitsineq pillugu nunarsuarmi anguniakkat 17-iupput 2030-llu tungaanut piujuartitsilluni aningaasarsiornikkut, inooqatigiinnikkut avatangiisimullu ineriartortitsinissamut anguniagaallutik.
Tusass piujuartitsineq tunngavigalugu sulivoq. Tamanna isumaqarpoq aalajangiussat suliallu aallartinneqartut inuiaqatigiinni inooqataaffigisatsinni taamatuttaarlu suliffeqarfitsinni naleqartitsinerulernermik kinguneqassasut.
Nunarsuarmi anguniakkani qulequttat sisamat sulinitsinni tunngavigissallugit aalajangiussimavarput.

Piujuartitsineq pillugu malittarisat ilaasortaaffiilu

Tusassip Naalagaaffiit Peqatigiit attaveqaqatigiiffiannut Global Compactimut ilaasortatut pisussaaffigaa
inuit pisinnaatitaaffiinut, sulisut pisinnaatitaaffiinut, avatangiisimut aamma peqquserluttoqannginnissaanik tunngaviusut qulit malitsissallugit. Taassuma saniatigut Tusass CRS Greenlandimut aammalu Transparency International Greenlandimut Nunatsinni akisussaassuseqaqataanermik suliaqartunut ilaasortaavortaaq.

Digitalikkut ilinniartitaanerup qaffassarnera

Ineriartorneq ilikkarsarnerlu

Meeqqat inuusuttullu ineriartornerisa digitalimut sammisumik suliniuteqartarnitsigut tapersersimanissaat ukkataraarput. Meeqqat inuusuttullu tassaaginnassanngillat atuisinnaalluartut, tassaassappulli inuiaqatigiinni pingaarutilinnik digitalimik aaqqiissutissanik suliaqarsinnaasut, pilersitsisinnaasut nutaaliortullu.

Tusassip piffissami digitaliusumi Nunatsinni attaveqaatit qulakkeertarpai. Tamanna inuiaqatigiinni ataatsimut naleqartitsinerulersitsivoq taamatullu Tusassip suliaqarfiini tamani siunissamut digitaliusumut sammisunut.

Tusassip sulinitit ilinniartitaanermut kivitseqataasussa makkua suleqataaffigai:

Coding Class – Tusassimi koderinermik ilinniarit

Tusassip 8. klassini atuartunut koderinermik ilinniartitsisinnaaneq neqeroorutigaa. Spilimik koderineq aqqutigalugu atuartut koderineq, ilusiliinermik periutsit, ajornartorsiummik aaqqiissutissanik suliaqarneq, nutaaliorsinnaaneq, suleqatigiissinnaaneq saqqummiussinerlu paasisaqarfigissavaat.

Meeqqanut inuusuttunullu nutaaliornermik, teknologiimik pilersitsisinnaanermillu ilinniartitsisinnaasunik marlunnik sulisoqarpugut.

Sukumiinerusumik paasisaqarusukkuit Coding Classinik aqutsisoq Tanja Christensen attaavigisinnaavat, uunga tanja@tusass.gl

Coding Classimi unammersuarneq

Tusassip Coding Classimik unammersuarneq atuartunut koderinermik 2021-mi pikkorissaqataasimasunut aaqqissuuppaa.

Qaqortumeersoq Johannes Blidstrand Nunatsinni Coding Classimi unammersuarnermi ajugaasuuvoq taamatullu ’Koderillaqqissup nersornaataa’ Danmarkimi internetikkut unammersuarnermi pissarsiaralugu.

Sunngiffimmi koderineq

Coding Pirates Danmark suleqatigalugu meeqqat inuusuttullu sunngiffimminni koderinermik misilittaallutik ilikkagaqarnissaanik periarfissinneqarput.

Coding Piratesimik aaqqissuussaq sukumiinerusumik paasisaqarfigerusukkukku suliamik aqutsisoq Tanja Christensen saaffigisinnaavat, uunga: tanja@tusass.gl

Ilinniartitsisunngorniat teknologiimillu paasinninneq

Ilinniarti Instituti Ilisimatusarfimmiittoq aamma Center for Undervisningsmidler v/ Future Classroom Lab suleqatigalugit misileraataasumik ilinniartitsinermik ingerlatsinermut peqataavugut. Tamanna kingusinnerusukkut teknologiimik paasinninneq pillugu Ilinniarfissuarmi fagitut ingerlanneqartalernissaa siunertaavoq, taamaaliornikkut siunissami ilinniartitsisut taassuma iluani ilinniartitsinissaannik tapersersimaneqarneruniassammata.

Silap pissusia avatangiiserlu

Ullut tamaasa Nunatsinni suliffeqarfiit innuttaasullu sumiikkaluartulluunniit pitsaasunik periarfissaqarnissaat qulakkeerniarlugu sulivugut. Tamanna nunami isorartoorsuarmi inukitsunnguamilu unammillernartuuvoq, inoqarfiit isorartussutsikkut ungasissut pinngortitallu pissusiata unammillernartimmagit. Nalunaarasuartaateqarnikkut attaveqaatit qulakkeeqqaniarlugit nukippassuit atortariaqartarpavut, taamaattumillu immikkut iliuuseqarfigisatta pingaarnersaasa ilagaat nukissiuutinik ataavartunik, seqernup anorrillu nukinganik, annertunerusumik atuilernissaq.

– Pisortaaneq, Kristian Reinert Davidsen

Tusassip anguniagaraa piujuartitsilluni nukissiornermik aallaavilimmik, avatangiisinut niuernikkullu akilersinnaasutut inissisimappat, sapinngisamik atuissalluni.

Taamaammat piujuartitsilluni nukissiorneq allisartuarniarlugu periutsinik ineriartortitsinissaq misileraajuarnissarlu ukkataraarput. Teknologimik nutaamik atuileraangatta nukimmik qanoq annertutigisumik atuinera nalilersoqqaartuaannarparput. Tamatuma saniatigut suliniutit silap pissusianut avatangiisimullu pitsaanerpaanik periusillit toqqartalugit.

Suliffeqarfiup politikkii

Suliffeqarfiup politikkia uunga
Inuiaqatigiinnut akisussaaffik (CSR)
Aajuk | pdf
Suliffeqarfiup politikkia uunga
Avatangiisit aamma silap pissusaa
Aajuk | pdf
Suliffeqarfiup politikkia uunga
Peqquserluttuliornaveersaartitsineq
Aajuk | pdf
Suliffeqarfiup politikkia uunga
Inuit pisinnaatitaaffii
Aajuk | pdf
Code of Conduct
Hent | pdf

 

Attavigisigut

Saaffiginnissutinnut qujanaq,
ulluinnaat 5-t qaangiutsinnagit attavigineqassaatit.
*
*
*
*
*
*
*