VHF

VHF – Very High Frequency - sunngiffimmi aammalu inuussutissarsiutitut angallatinut kiisalu umiatsiaaqqanut amerlaqisunut ikkussuunneqartarpoq.

Angallatini annerusuni VHF-it assigiinngitsut arlallit ikkussuunneqarsimasarput, tamakku angallatip iluani attaveqatigiinnernut aammalu angallatip sillimaniarnermi atortuata ilaatut atorneqartarput.

VHF radiut assigiinngitsut arlallit pigineqarput: 

Kangerlunni, kangerliumanerni, qaqqat sinertillugit aammalu sikup sinaa sinertillugu piffiit ilaanni VHF-imik atuisinnaanerup ajorsinnaanera imaluunniit kipisaqattaarsinnaanera ilimagineqartariaqarpoq.

VHF umiatsiamut ikkunneqarsimapput Aasiaat Radiuanik aammalu angallatinik qanittuniittunik attaveqartoqarsinnaassaaq, tassuuna VHF radio mobiltelefonimut naleqqiullugu pitsaaneroqaaq.

Aasiaat Radio sinerissami arlalissuarnik qatsissuni VHF stationeqarfeqarpoq. Inissisimanerusarput sakkortusaaveqarfiutigisuni, taamaalilluni atortut pioreersut atorluarneqartarput.

Inissisimaffii peqqutaallutik VHF-ikkut anguneqarsinnaasunut naleqqiullugu Aasiaat Radiuata angusinnaasai annertuneroqaat. Amerlasuut malugisassajunnarsivaat kangerloqarfiit ilarujussuini attaveqartitsisinnaasarnerput, soorlu assersuutigalugu Qeqertarsuup Tunua imaluunniit Nuup Kangerluani.

VHF-eqarfiit tamarmik immikkut sullissinermut atasumik ulloq unnuarlu naalaarneqartartumik kanaleqarnerisa saniatigut ajunaalernermi sullissinermut atassuteqaat kanal 16 sinerissami radioqarfinnit naalaarneqartuartuuvoq.

Sooq VHF-i?

Piffinnut mobiltelefonimik anguneqarsinnaasunut angalaaraluaraanniluunniit angallammi VHF-eqarneq pitsaanerujuaannarpoq.

Angallammi VHF-radioqaraanni makkua periarfissaassapput:

Ajornartorsiuleraanni angallammilu VHF-eqarluni, misilittarneqareersimasunik periuseqartoqartarpoq, taanna aqqutigalugu attaviginnittoqarsinnaavoq, annaassiniarnermummi oqartussaasut angallatillu allat qanittumiittut aammalu radioqarfiit qanoq iliornissamik aalajangersimaqqissaartunik periaasissaqarput.

VHF-imik iluaquteqarneq ajornartorsiutaannarnut tunngasuunngilaq. Angallatit allat qanittumiittut oqaloqatiginissaannut pisariitsuamillu attaviginissaannut VHF atussallugu mobilimit orniginartinneqarnerusarpoq.

VHF-kanalit

Nunatsinni VHF-ikkut sullissinernut kanalit

VHF DSC radiumut atortut

DSC – Digital Selective Calling – VHF radiuni nutaani atorneqaleraluttuinnarpoq.

VHF DSC radiumut GPS ikkunneqarsimappat ajornartorsiulernermi kalerrisaarineq toortagaq ataasiinnaq toorlugu nassiunneqarsinnaavoq.

VHF kanal 16-ikkut naalaartussaatitaanerup taamaatinneqarnissaanik pilersaarutit IMO-p kinguartippai. Taamaattumik Aasiaat Radiumut VHF DSC atulersinneqartussaajunnaarpoq aammalu angallatinut minnerusunut VHF DSC-nik atortoqartussaatitaaneq piumasaqaatigineqassanani.  

Taamaammat Kalaallit Nunaata imartaani ajornartorsiulernermi VHF DSC-kkut kalerrisaarisoqalissagaluaruni, angallatinit allanit VHF DSC-linnit – maannakkuugallartoq – taamaallaat tamanna tusarneqarsinnaassaaq.

VHF DSC radiut tunngaviusumik assigiinngitsut marluk pigineqarput:

Tamakku saniatigut VHF DSC-nik akikitsunik peqarpoq:

Nunatsinni angallatinut DSC-nik atortoqarnissamik piumasaqaatit pillugit annertunerusumik paasissutissat uaniipput Søfartsstyrelsen.

Angalallutit aallartinnak

Nunatta imartaani angalallutit aallannginninni silap qanoq innissaa paasiniaqqaartariaqarpat. Tassa najukkap qimatassap, ingerlaarfissap aammalu tikiffissap silaata qanoq innissaa paasiniarlugit.

Ulluni arlalinni angalasussaatilluni aallarnissaq ullunik arlalinnik sioqqullugu silassamik ilimasaarutit tusarnaaqqaartariaqarput:

Radiofoni: Silassamik ilimasaarutit Kalaallit Nunaata Radioata – KNR-ip radiofoniikkut aallakaatittarpai.

Telefonikkut: Tusass illoqarfinni silassaq pillugu telefonikkut 153/154-ikkut (kalaallisut/qallunaatut) nalunaaruteqartarpoq.

Internetikkut: Nunatta imartaani silassaq pillugu nittartagaq www.dmi.dk innersuussutigaarput.

Malugiuk, illoqarfinnut silassamik ilimasaarutit taamaallaat atuummata illoqarfiup eqqaanuinnaq; imartanulli silassamik ilimasaarutit atuummata sinerissami - 'ikkarlummiit avallermiit' - avammut.
Imartanut asseq DMI-meersoq takuuk.

Imaani angalassatillutit aallaleruit aamma eqqaamakkit:

Minnerunngitsumillu: Angalanissannik, qaqugu tikinnissamik naatsorsuutiginninninnik sumunnarfissannillu ilaquttatit ilisimatikkit.

Angalasunut nalunaaruteqarfissat

Aasiaat Radio angalasunut nalunaaruteqartuaannartarpoq inniminnikkat suut uninngasuutiginerat pillugu.

Nalunaarutit tamakku angalasunut nalunaarutinik taaneqartarput. Angalasunut nalunaarutit Aasiaat Radiuanit aallakaatinneqartarput nalunaaquttap-akunneri pingasukkaarlugit, piffissani aalajangersimasuni ataani takuneqarsinnaasuni.

Angalasunut nalunaarutit AASAANERANI

Aasiaat Radio

0135
0435
0735
1035
1335
1635
1935
2235

Angalasunut nalunaarutit UKIUUNERANI

Aasiaat Radio

0035
0335
0635
0935
1235
1535
1835
2135

Angalasunut nalunaarutit qulaani taakkartorneqartut aamma MF-imut HF-imullu atuupput.

Saaffissaq

Akissutinnut qujanaq, sullissisutsinnit ullut marluk pingasulluunniit qaangiutsinnagit saaffigineqarumaarputit.

title

Sullissisutsinnit saaffigineqarumaarputit.

*
*
*
*
An error occurred. Please try again later.