Illit qupperninni Tusassit nammineertumik immertittalersinnaavat, tamatigullu Tusass kontut 20 kr. ataakkaangagu nammineertumik kreditkorterniit immertinneqartassaaq

Qaqugukkulluunniit datamik Tusass mobiili atuisuuffinnut ilanngussisinnaavutit. Datamik ilanngussiguit, GB-it tamakkiisumik pissavatit qaammammilu atuuttumi ullunut sinneruttunut taamaallaat akiliillutit. Killeqanngitsumik oqaluussineq SMS-ernerlu aallaqqaataaniit pisiareqqissanngilatit Tusass mobiili atuisuuffik siumoortumik akilertagaammat.

Naamik, mobiilimik atuisuuffiit Tusass mobiili atuisuuffimmut nuunniarukku imaluunniit killormut tamarmik akeqanngillat. Datamik allannguineq aamma akeqanngilaq

Pisinernut uppernarsaatit Tusass.gl-imi iserlutit takusinnaavatit.

1. 'Atuisuuffik' (abonnement) atuinissamut isumaqatigiissutaavoq killiligaanngitsumik atuinissamut pituttuisoq.

2. Atuisuuffik siullermeerluni akilerneqaraangami atuutilertarpoq.

3. Qaammatikkaartumik kortimiik ilanngaatinnikkut akilerneqartarpoq. Tusassip kortimiit aningaasanik ilanngaatsinneq isumagisarpaa.

4. Isumaqatigiissut qaqugukkulluunniit taamaatinneqarsinnaavoq.

- Qaammammi atuuttumi 20-at qaangertinnagu taamaatinneqassaaq qaammammi tulliuttumi atorumanngikkaanni. 20-ata kingorna atuisuuffik taamaatinniarlugu nalunaaraani qaammatip tullia akilerneqaqqaassaaq. Tamatuma kingorna SIM-korti immertaganngussaaq, nammineerluni pisariaqartitat naapertorlugit immertariaqagaq.

Mobilikkut atuisuuffik unitsissinnaavat tusass.gl-ip iserfissaa qulaaniittoq iserfigalugu; una tooruk

Malugiuk:

Qaammatip ingerlanerani qaffaasimaguit imaluunniit atuisuuffik pisiarisimagukku, tassani qaammammi appaasinnaanallu atorunnaartissinnaanngilat. Taamaammat "una tooruk" aamma takusinnaanagu. Toorfissaq aatsaat qaammat nutaaq aallartereerpat ersissaaq.

Aamma eqqumaffigissavat qaammatimi 20-aatinnagu qamitsinnissaa suliarissagakku, taava qaammat taanna naappat qamissaaq. Qaammatip 20-ata kigorna qamitsinniarlugu suliarigukku, qaammatip tullia ilanngullu akilissavat aammalu atorsinnaassallugu.

Qamitsereeraluarit normut suli atorsinnaavoq. Atuisuuffik qaammammut akilersugaq unissaaq, kisiannili normut suli atorsinnaalluni immertaganngussaaq.