Sumik ikiorsinnaavatsigit?

Ujaasiffissaq atorlugu imalt. aterpiaanukarlutit tuugassani ujaasigit.
Atuisuuffik meeqqanoortoq suua?

Atuisuuffiuvoq meeqqanut tallimaniit 17-nut ukiulinnoortoq. Atuisuuffik inersimasup atuisuuffianut pioreersumut atassaaq.

Atuisuuffik meeqqanoortoq qanoq akeqarpa?

Qaammammut 89 koruuneqarpoq.

Atuisuuffik meeqqanoortoq sunik imaqarpa?

Killeqanngitsumik oqaluussineq, SMS qaavatigullu 1 GB data ilaareerput.

Atuisuuffik meeqqanoortoq kia atuisuuffinngortissinnaavaa?

Inersimasup minnerpaamik 18-inik ukiullip, mobilikkut atuisuuffillip nammineq atuisuuffigisami ataani meeqqanoortumik atuisuuffinngortissinnaavaa. Tamanna aamma atuuppoq atuisuuffinnut internetimut imaluunniit Tusass Suliffeqarfiutillit mobiliisa atuisuuffiinut.

Tusass meeqqanut qanoq ilillugu pissarsiarissavara?

Tusassimut atuisuuffeqassaatit, aamma Tusass internettimut imaluunniit Tusass Suliffeqarfiutillit mobiiliinut atuisuuffiusinnaavoq. Taakku Tusass meeqqanut atuisuuffimmik ataatsimik arlalinnilluunniit pisaarsinnaatippaatsit.

Atuisuuffik meeqqanoortoq qanoq iliorlunga pilersissinnaavara?

Meeraq tallimat 17-illu akornanni ukioqassaaq CPR-normoqassalluni kiisalu Kalaallit Nunaanni allakkeriveqarnermut normulimmik sumi najugaqarnermut allagartaqassalluni.

Atuisuuffimmik meeqqanoortumik atuisuuffinngortitsiniarninni meeqqap CPR-normua sooq pissavisiuk?

Meeqqap tallimat 17-illu akornanni ukioqarnera meeqqallu Kalaallit Nunaanni najugaqartuunera misissugassaraarput, minnerunngitsumillu qulakkeerniarlugu atuisuuffimmut ataatsimut meeqqap ataasiinnaanera. Tamakku saniatigut meeqqap CPR-normua atorneq ajorparput.

Atuisuuffik meeqqanoortoq meeqqama pisaarussaguniuk qassinik ukioqartussaava?

Atuisuuffik meeqqanoortoq pisaarissaguniuk meeraq tallimat 17-llu akornanni ukioqassaaq.

Meerara 18-liippat meeqqanoortumik atuisuuffigisaa taava qanoq pissava?

Meeraq 18-liippat atuisuuffik qaammatip naanerani nammineertumik aamma nuutsinneqassaaq immertaganngorlugu.

Atuisuuffik meeqqanoortumut meeqqat qassit atuisunngortissinnaavakka?

Atuisuuffinngortissinnaasatit killeqanngillat. Kisianni meeraq ataaseq atuisuuffimmut ataasiinnarmut atuisuusinnaavoq.

Tusassimut atuisuuffeqanngilanga, atuisuuffik meeqqanoortoq pissarsiarisinnaavara?

Ajoraluartumik naamik. Meeqqanoortoq inersimasup atuisuuffianut atasussaavoq, tassa Tusassimi atuisuuffimmut, internetsimut nioqqummut imaluunniit Tusass Suliffeqarfiutillip mobilianut nioqqummut.

Taamaallaat Tusass immertagaqarpunga, Tusass meeqqanut atuisuuffeqalersinnaavunga?

Naamik, oqaluussinissamut immiisarneq Tusassimut atuisuuffiunngilaq. Tusass meeqqanut Tusassimut atuisuufimmut atasussaavoq, tassa Tusassimut atuisuuffimmut, Tusass internetsimut nioqqummut imaluunniit Tusass Suliffeqarfiutillip mobiilianut nioqqummut.

Taamaallaat Mobil Mikisoq, Akulleq imaluunniit Angisooq pigaara, meeqqanoortumik atuisuuffittaarsinnaavunga?

Naamik, kingumoortumik atuisuuffinnut meeqqanoortumik pisaarnissaq ajornarpoq. Nioqqut Tusassimi atuisuuffilimmut atasussaavoq, tassa Tusassimut atuisuuffimmut, internetsimut imaluunniit Tusass Suliffeqarfiutillip mobilianut nioqqummut.

Meeqqama Mobil Mikisoq, Akulleq imaluunniit Angisooq pigaa, meeqqanoortumut qaqugu allanngortitsisoqassava?

Allanngortitsineq tamatigut pisassaaq qaammatit nikinneranni. Meeqqavit atuisuuffia ingerlaannaq allanngortinneqarsinnaanngilaq, illillu nuutsinneqarnissaanik kissaateqarsimassaatit kingusinnerpaamik qaammatip ulluisa 20-ani, meeqqavit qaammatit nikinneranni atuisuuffik pissarsiarissappagu. Qaammatip 20-ata kingorna nuunnissaq kissaatigisimagaanni, tulliani qaammatit nikinneranni tamanna aatsaat pisinnaavoq.

Tusass meeqqanut meeqqama pisaarissaguniuk, atuisuuffik sorleq taava pigissavaa?

Meeqqavit Tusass immertagaqanngikkuni namminerisaminik Tusass mobilnormoqassaaq imaluunniit mobiliminut normoqassalluni akiligassinneqartarnermik atuisuuffilimmik, soorlu Mobil Mikisumik, Akullermik imaluunniit Angisuumik.

Tusass Suliffiutilinnut mobilnormut imaluunniit suliffiutilinnut normut akiligassinneqartartut Tusass meeqqannut atuisuuffimmut nuutsinneqarsinnaanngilaq.

Meerara immertakkamik normoqarpoq, meeqqanoortumik pisaarnissaanut atorsinnaavara?

Aap, illit atuisuuffivit ataani immertagaq meeqqanoortumut allanngortissinnaavat.

Meerara immertakkamik normoqarpoq, meeqqanoortumut allanngortinnera qaqugu pissava?

Qaammatip sinneranut naammaginartumik akiliuteqarluni meeqqat ingerlaannaq nuussinnaavoq.

Suliffeqarfiutilinnut mobilima atuisuuffia Atuisuuffimmut Tusass meeqqanut-mut allangortissinnaavara?

Naamik, Tusass Suliffeqarfiutilinnut mobilnormora imaluunniit akiligassinneqartarlunga suliffeqarfiutilinnut normut Tusass meeqqanut-mut nuutsinneqarsinnaanngilaq.

CPR-ima ataani mobilnormoqarpunga meeqqama atugarisaanik, uangali Tusass Suliffeqarfiutilinnut mobili atugaralugu, qanoq iliorlunga meerara meeqqanoortumik pisaartissinnaavara?
  1. Tusass.gl-imi mit.tusassimi meeqqavit mobilnormua atorlugu iseqqaarallassaatit.

  2. Indstillinger iserfigissavat mobilnormulu nalunaarsoriigaasimasoq illit Tusass Inuussutissarsiutilinnut mobilnormunnut allanngortillugu.

  3. Konto taamaalilluni allanngortinneqassaaq meeqqap mobilnormuata isertaataaniit illit nammineq isertaatinnut.

  4. Illit inersimasutut maanna mit.tusass-imi imaluunniit tusass.gl-imi mobilinut quppernermi innersuussissut aqqutigalugu meeqqannut atuisuuffik pilersissinnaanngussavat.

Meerara mobilikkut atuisuuffeqarpoq 2 GB-ilimmik annerusumilluunniit, meeqqanoortumut qaqugu nuussava?

Meeqqap atuisuuffia ingerlaannaq nuussinnaanngilaq, illillu kingusinnerpaamik qaammatip ulluisa 20-ani nuussimassaatit, meeqqavit qaammatit nikinneranni atuisuuffik pissarsiarissappagu. Qaammatip 20-ata kingorna nuunnissaq kissaatigisimagaanni, tulliani qaammatit nikinneranni tamanna aatsaat pisinnaavoq.

Meerara mobilikkut atuisuuffeqarpoq 1 GB-limmik imaluunniit dataqanngivissumik, meeqqanoortumut qaqugu allanngortitsisoqassava?

Meeqqat allamik akiliutitaqanngitsumik ingerlaannaq nuussinnaavoq, siornatigut atuisuuffiusumut qaammatip sinneranik akileereersimanerit pissutigalugu. Atuisuuffik meeqqanoortoq akikinneruvoq qaammammut aallartereersumut akileriikkanut naleqqiulluni.

Atuisuuffiup nutaanngitsup aammalu atuisuuffiup meeqqanoortup akornanni akip nikingassutaanik utertoorsinnaavunga meeqqanoortumik pisaarnermi?

Naamik, atuisuuffitoqqat qaammat naallugu siumoortumik akiligaavoq, illit nammineq akisussaaffigaat meeqqanoortumut qaqugukkut allanngortitsinerit. Taarsiullugu qaammatit nikinneranni taamaallaat 89 kr.-nik akiliissaatit.

Konto aqqutigalugu atuisuuffik meeqqanoortoq akilertarsinnaavara?

Mobilikkut atuisuuffik assigalugu kontot aqqutigalugu akiliisinnaaneq periarfissaraat, qaammatillu naanerani akiliinermut kortit imaqarsimanngippat, atortulersuut qaammatip tulliuttup ulluisa siulliit arlaanni ullut tamaasa akiliinermut kortimiit kingornatigullu kontonniit aningaasanik nusutsiniartassaaq atuisuuffiup toqqarsimasavit akiata amerlaqataanik.

Tusass meeqqanut normu atuisuuffimmut Tusassimut qaffatsissinnaavara?

Naamik, taamaaliorsinnaanngilatit. Atuisuuffik Tusass normumut immertakkamut appartinneqaqqaassaaq atuisuuffimmut allamut qaffatseqqinneqannginnermini. Normu nammineq akisussaaffigissagaanni meeqqat 18-inik ukioqassaaq normumik allanngortitsisoqassappat.

Atuisuuffik meeqqanoortoq qaqugukkut atorunnaarsissinnaavara?

Tusass.gl-imi imminut kiffartuussivimmi atuisuuffik atorunnaarsissinnaavat. Atorunnaarsitsineq qaammatip ulluisa 20-at naatinnagu pissaaq, qaammatit tulliit nikinneranni atuutilissappat. Atuisuuffik immertakkamut nuussaaq.

Atuisuuffimmut meeqqanoortumut datanik saniatigut ilanngussisinnaavunga?

Naamik, taamaaliorsinnaanngilatit. Atuisuuffik taamatut akilik aalajangersimasumik 1 GB datamik imaqarpoq. Datanik annertunerusunik pisariaqartitsigaanni datavouchers-inik pisisoqarsinnaavoq GB-mut ataatsimut 100 kr.-linnik.

Atuisuuffik meeqqanoortoq akilinngitsoorukku qanoq pisoqassava?

Illit nammineq atuisuuffigisat akilerneqanngippat, tassunga atasoq atuisuuffik meeqqanoortoq aamma akilerneqassanngilaq, ullullu tallimat ingerlassapput datap sukkassusaata sukkaallinissaanut. Qaammatip naanerani akiliisoqarsimanngippat, qaammatip naanerani atuisuuffiit nammineertumik immertakkamut appartinneqassapput.

Atuisuuffinnut nutaanngitsumut akiligassaqarpunga, atuisuuffimmik meeqqanoortumik atuisuuffeqalersitsisinnaavunga?

Naamik, eqqartuussissutitaqanngitsumik Tusassimik isumaqatigiissusioqqaassaatit akiligassannik piffissami aalajangersimasumi akilersuinissamik isumaqatigiissusiussallutit. Atuisunik Sullissivimmut 808080-imut sianerlutit attaviginnigit Tusassimulluunniit qaninnerpaamut saaffiginnigit.

Ujakkat nassaarisinnaanngiliuk? Taamaappat attavigisigut
‘Attavigisigut’ tooruk apeqqutillu nassiullugu. Sapinngisamik piaartumik akineqarumaarputit.
Attavigisigut

Attavigisigut

Saaffiginnissutinnut qujanaq,
ulluinnaat 5-t qaangiutsinnagit attavigineqassaatit.
*
*
*
*
*
*
*