Internetikkut pisiniarnissamik toqqissisimanartitsinngitsut ilagippatsit internetikkut pisiguit qanoq isumannaannerpaamik pisiniarsinnaaninnut siunnersuutitsiliaat katersorpagut.
Nunani allani psiniarnermi iluaqutaasunik nalilersuigit
Assersuutigalugu assiliivimmik digitalimik pisiniaruit 100 kr-mik sipaaruteqarsinnaavutit, nunanili allani quppernermi pisiguit sillimmasiinermut utertitsisinnaanermullu tunngatillugu piginnaatitaaffitit allaanerusinnaapput. Taamaammat piumasaqaatit tamatigut atuarluartakkit. Eqqaamajuk nioqqutissarpassuit aamma Kalaallit Nunaanni internetimi pisiniarfinni pisiarineqarsinnaasut.
Pisiniarfiit uukapaatitsiniutit imatut paasissavatit
Neqeroorut imatut pitsaatigippat uppernarnaniluunniit eqqumaffigilluaruk.
”Om os” (uagut pilluta) immikkoortumi adresseqarnersoq, maileqarnersoq oqarasuaatikkullu normoqarnersoq misissoruk. Danmarkimi internetimi pisiniarfiuppat aamma cvr-normu paasissutissiissutigineqarnersoq misissoruk
Internetimi pisiniarfik qanoq attavigineqarsinnaanersoq misissoruk. Taamaallaat attaveqarnissamut immersugassaq atorlugu attavigineqarsinnaappat tassani niuernak.
Internetimi pisiniarfik allanit inassuteqaatigineqarnersoq takujuk, assersuutigalugu uani trustpilot.com
Oqaassertai danskisut tuluttulluunniit ajortumik allassimapata, maskiinakkut ajortumik nutserneqarsimaneranut takussutissaavoq.
Internetimi apeqqutinik akisiffissat, poortukkat misiliutit unammisitsiniarnerilluunniit tassaasinnaapput uukapaatitsiniarnerit. Unammisitsinermi peqataatinnak neqeroorummulluunniit ptisaasumut angertinnak mikisisumik allassimasut tamatigut atuartakkit
Isumatusaarluarit.
Isumannaatsumik akiliigit
Intenetikkut pisiniaruit kortimik akiliummik akiliinissaq nalinginnaasumik isumannaannerpaajusarpoq, tassani kortip normua, ulloq atorunnaarfissaa kisitsisillu misissuissutit immersortussaavatit. Aamma MobilePay aamma Paypal isumannaatsumik akiliutaasarput.
Kortimik akiliummik akiliiguit aningaaseriviup aningaasat pisuni arlalinni utertissinnaasarpai – aamma taaneqartarpoq charge back. Tamanna internetimi pisiniarfik EU-miinnisoq EU-lluunniit aavataaniinnersoq apeqqutaatinnagu atuuppoq. Malittarisassat mobilimi akiliinermut app atorlugu akiliigui aamma atuupput.
Aningaaserifiup imatut pisoqarpat aningaasat utertissinnaavai:
Internetimi pisiniarfiup isumaqatigiissutigineqartumit annertunerusumik akiliisitsippat
Nioqqutissaq tigunngikkukku nioqqutissarluunniit kukkusoq tigugukku
Nioqqutissap tigunnginnerani pisineq peqqissimissutigigukku aamma internetimi pisiniarfiup aningaasat utertinngippagit
Momseqanngitsunik pisigit
Kalaallit Nunaanni nioqqutissat momseqanngillat. Eqqumaffigiulli nioqqutissat pisiatit momseqarnersut, assersuutigalugu Danmarkimi. Pisiniarfiup pisiffigisavit momsip utertinnissaa pisussaaffiginngilaa. Momsi nittartakkakkut pisiarinerani toqqaannartumik ilanngaatigineqanngippat, momsi utertissinnaaneraat momsillu utertinnissaanik qanoq isumaqatigiissuteqarsinnaanerlutit aperisinnaavat.
Tusassip poortukkat allakkallu Kalaallit Nunaanut apuunneranni eqqunneranni akitsuusiineq ajorpoq.
Akitsuusiinerit akitsuutillu pillugit uani annertunerusumik atuarit.
Kalaallit Nunaannut nioqqutissanik momsiliisannginneq pillugu apeqqutissaqaruit uunga allannissannut tikilluaqqusaavutit post@tusas.gl.
Poortukkat Track & Trace atorlugu malinnaavigikkit
Internetikkut pisiguit nioqqutissamik nassitsisussanngoruit tigusisussanngoruilluunniit Tusass toqqarukku, taava nassiunneqartut isumannaatsumik anngunnissaat Tusassip isumagissavaa. Track & Trace atorlugu tigusisutut nassitsutullu poortukkavit ingerlanneqarnera qaqugukkulluunniit malinnaavigisinnaavat. Una tooruk.
Uukapaatinneqaruit
Internetimi peqquserluffigineqaruit kortivit ingerlaannaq matunissaa isumagiuk kontonnilu atuinerit pasinapiluttut eqqumaffigilluakkit. Annertunerusumik ikiorneqarniarlutit aningaaseriviit attaveqarfigiuk. Nittatagaq politiinut unnerluutigisinnaavat.
Paasisaqarfiit: forbrug.dk, e-mærket, MobilePay aamma Tusass