Poortugarsiassat
Poortukkamik aasassaqaruit internetikkulluunniit pisiniarsimaguit paasissutissat assigiinngitsut maani nassaarisinnaavatit.
Poortukkap ingerlaarnera malinnaaffigiuk
Track & Trace atorlugu nassiussisoq tigusisussarlu poortukkap ingerlaarnera pillugu qaqugukkulluunniit malinnaasinnaapput.
Ammasarfiit
Poortukkat nassiussat, tikittussat assigisaalluunniit pillugit apeqqutissaqaruit Atuisunut Sullissivitsinnut saaffiginninnissannut tikilluaqqusaavutit.
Poortugarsiassat
Apeqqutigineqakulasut
Poortugarsiassat
Apeqqutigineqakulasut
Poortugarsiassara Track & Tracekkut takusinnaavara “Assartorneqariaannaq” allaqqasoq, tamanna qanoq isumaqarpa?
Tamanna isumaqarpoq poortugaq tikiffissaminut apuussimasoq assartorneqaqqittariaannaasorlu. Nassiussat tuaviortut, allakkat ilaasullu poortukkanit timmisartukkoortitanit siulliunneqartarput, tamannalu pillugu poortukkat kingusinaarnerusinnaasarput.
Sooq poortugaq ima nalunaarsorsimasoq aaneqarsinnaanngila? “Tikissimavoq - piareeqqanngilarli”
Tamanna poortukkap akitsuusigassaaneranik misissuinermik imaluunniit tunniunneqarnissaanut poortugaasivimmut suli ilineqarsimannginneranut tunngassuteqarsinnaavoq.
Sumiiffigisanni Tusass sukkut saaffigisinnaavara?
Adressit ammasarfiillu uani takuneqarsinnaapput. Aamma mailersinnaavutit uunga post@tusass.gl imalt. uunga sianerlutit 341255.
DHL Expressikkoortunik Track & Trace atorlugu ujaasisoqarsinnaava?
Aap! Tusassip nittartagaatigut Track & Trace aqqutigalugu ujaasisinnaavutit. DHL Expressikkut poortukkat malinnaaffigineqarsinnaapput nassiussap piece-ID (JD ....) atorlugu, taanna qulinik kisitsisitalik www.dhl.dk-kkut ujarsinnaavat. 'JD'-normu atorlugu Tusass.gl-ikkut aamma ujaasisinnaavutit. Naqinneq J allaqqaartariaqarpat, assersuut: JJD0100000.... Qulinik kisitsisitalik ilaatigut aamma atorneqarsinnaasarpoq, poortukkalli Københavnimiit aatsaat nassiunneqaraangata Tusassip JJD-normu atorlugu nalunaarsortarpai.
DHL Expressikkut poortukkat www.dhl.dk aqqutigalugu aamma malinnaaffigineqarsinnaapput, malugaluguli poortukkat paasissutissartaat eqqoriakannerlugit nalunaarsorneqartarmata. Tamanna pillugu Tusassip nittartagaa eqqornerusunik paasissutissartaqarmat innersuussutigineruarput.
Allagarsiassaq poortugarsiassarluunniit pillugu sumut saaffiginnissuunga?
Sumiiffigisanni Tusass saaffigisinnaavat imalt. mailerlutit uunga nassiussisinnaavutit post@tusass.gl.
Akitsuusiinerit
Danmarkimit nunanillu allanit Nunatsinnut nassiussinerit:
Allakkerivikkut nassiussat Nunatsinnut tikiuttut Tusassip akitsuuserisuinit suliarineqartarput. Suliarinninnermut Tusass akileeqqusissummik piumasaqarneq ajorpoq.
Nioqqutinik Kalaallit Nunaannut eqqussinermut malittarisassat Namminersorlutik Oqartussat nittartagaanni atuarneqarsinnaapput.
Nunatsinniit Danmarkimut nunanullu allanut nassiussinerit:
Nassiussisup akisussaaffigaa nassiussap imai akitsuusigassaanersut misissussallugit, kiisalu nunap nassiussiffigisap malittarisassai malillugit eqqunneqarsinnaasuunersut.
Eqqunneqarsinnaanerannut paasissutissat nunap nassiussivigisap Danmarkimi konsuleqarfianut aallartitaqarfianulluunniit attaveqarnikkut pissarsiarineqarsinnaapput.
Konsuleqarfiit aallartitaqarfiilluunniit Danmarkip nunanut allanut ministeriaqarfiata nittartagaani nassaarineqarsinnaapput.
Ujakkat naninngiliuk?
Atuisunut Sullissivik alakkaruk.