5G suua?
5G qanoq atorsinnaava?
Angallattakkanut teknologiit siusinnerusukkut atorneqarsimasutuulli, tassa 2G-tut, 3G-tut aamma 4G-tut atorsinnaavoq.
5G-p mobiltelefonit atortutilluunniit allat angallattakkanut attaveqaammut taamaalillunilu internettimut attavilissavai. Assersuutigalugu antennemiit mobiltelefoninni ikkusimareersumiit mobiltelefonit nammineertumik angallattakkanut attaveqaammut angallattakkanut napparussuarnut attavilertarpoq, tassanngaanniillu signali telefoninnut nassiuttarpaat.
Sumi 5G-mik pissarsisinnaavunga?
Ullumikkut illoqarfinni ukunani 5G neqeroorutaavoq: Nuuk, Maniitsoq, Narsaq, Qaqortoq, Paamiut, Nanortalik, Qasigiannguit, Aasiaat, Ilulissat, Sisimiut.
Attaviit siammarsarnissaat pitsanngorsarnissaallu sulissutigiuaannarparput. Quppernitsinni uani inunnullu attaveqaatitsinni, qaqugu 5G illit najukkannut apuutissanersoq malinnaavigiuk.
*Qaammataasanut attavilinnut nunaqarfinnullu atuutinngilaq
Nunatsinni kikkut 5G-mut attaveqaasersuisuuppat?
Tassaavoq Tusass Ericsson suleqatigalugu Nunatsinni angallattakkanut attaveqaammik 5G-mik suliarinnittuusoq.
2G-p, 3G-p, 4G-p aammalu 5G-p suna assigiinngissutigaat?
Angallattakkanut teknologiinut siusinnerusukkut atugarineqarsimasunut Datanik pingaartitsinnginnerusumik kiffartuussissuteqarluni oqalulluni attaveqartarnermut ukkatarinninnerulluni atorneqarsimasumut naleqqiulluni, 5G ilusilersugaavoq sullitanik suli amerlanerusunik sullissisinnaanermut taakkulu internettimut isernissamut annertusigaluttuinnartumik pisariaqartitsinerannut.
Teknologiit attaveqaatillu marluk taakku assigiinngissusaat pillugit allanik suleqatigisatsinni atuarit uani: Ericsson
5G-mi suut iluaqutissartaappat?
Sukkassuseq: 5G eqqartortillugu Mbit-iniit Gbit-inut eqqartuivugut. Sukkassutsit sukkanerit atorlugit utaqqinertaqanngitsumik aliikkusersuutit sarsuatitat, internettikkut kiffartuussinernik atuinerit allallu periarfissaqalissapput.
Båndbredde: 5G-ut attaveqaat ima angitigisumik båndbreddeqarpoq imaluunniit piginnaasaqarpoq, nunatsinni pisariaqartitagut ullumikkut aammalu siunissamut qaqugumorsuaq matussuserneqarlutik.
Nukimmik atuineq: 5G-mut attaveqaat naammassineqaruni, maannakkut atorneqartumit 4G-mut attaveqaammut naleqqiulluni tallimariaammik annikinnerusumik nukimmik atuissaaq.
Isumannaallisaaneq: 5G-mut attaveqaatip båndbredderujussua atorlugu allanngujaannerujussuussaaq isumannaannerussallunilu 4G-mut attaveqaammut naleqqiulluni.
5G ulorianarpa?
Naamik, 5G ulorianartuunngilaq. Danskit Qallunaat Peqqinnissamik Nakkutilliisoqarfiat, EU aamma WHO naapertorlugit 5G ulorianarnanilu peqqissutsimik ajoqusiisinnaanngilaq. Tamakku pillugit misissueqqissaarnerit takutippaat 5G-mut teknologii annertunerusumik ajoqusiisinnaassuseqarpianngitsoq.
Frekvensit 5G-mut atukkatta annersaasa siusinnerusukkut 3G-mut 4G-mullu atorneqartut assigaat. Nunani tamalaani malittarisassat aammalu radiup maligaasaanut qinngornernullu killiussat aalajangersarneqarput, tamakkulu Tusassip 5G-mullu atortunik pilersuisorisatta malippaat.
*Illoqarfinnut nunaqarfinnullu satellitimik attaveqarfiusunut atuutinngilaq.
Modemmiga taarsissavara?
Aap, teknologi nutaajummat modemmimik nutaamik taarsertariaqassaaq.
5G Orbi modem atulernissaanut ilitsersuut ugguuna takusinnaavat
Orbip atulersinnissaanut ilitsersuut
Modeminut reset-ernikunut imaluunniit atornikunut.
Ilitsersuut atuaruk
Modeminut reset-ernikunut imaluunniit atornikunut
1. Orbi App ammaruk
Mobil tablet-iluunniit atorlugit ammarneqarsinnaavoq.
2. Iluarsaassineq aallartiguk
CONTINUE tooruk.
3. Atortorissaarut toqqaruk
LTE Orbi toqqaruk.
4. Satelli-inik toqqaaneq
NO SATELLITES toqqaruk.
5. Ingerlaqqigit
NEXT marloriarlugu tooruk.
6. Atortoq attavinitsiguk
App nammineerluni atassusiissaaq. NEXT tooruk.
7. Status misissoruk (uani SIM aamma LTE misissorneqassapput)
Ajutoorpat, Manual APN setting toqqaruk.
APN allaguk
APN Value: mfinternet
(Username aamma Password allaffigisariaqanngillat)
NEXT tooruk.
8. WiFi-aqqa aamma kode isissutissaq
Allanngortissinnaavatit. NEXT tooruk.
9. Admin user-imik sanagit
Admin isertaatissaa assigiinngitsunik malitassaqarpoq.
Assersuut:
- Naqinnerit 10-32 akornani amerlassuseqassapput.
- Naqinnerit ANGISUUT aamma mikisut, kisitsisillu ilaassapput.
10. Isumannaallisaanermut apeqqutit
Apeqqutit marluk akisassat.
Assersuutigalugu ima tuluttut allaqqasumik aperissaaq:
- Sumi inunngorpit?
- Anaanat Suminngaannerpa? Akissusiarisimasannik akissavat.
11. Attavimmik ujarlerneq
App ujaasissaaq.
12. WiFi-mut attavininneq
WiFi-p aqqa aamma isertaataa allanngortissimagukkit attaviniffigeqqaalaassavat. Attavinikkuit CONTINUE tooruk.
13. Opdaterinik misissuineq
Orbi nammineerluni ujaasissaaq. Soqanngippat NEXT tooruk.
Netgear-imut immersuiffissanik nuisoqarpat immersussavatit.
14. Naammassivutit
Saqqani maanna nuisassaaq:
- ONLINE-mik allaqqasoqarpat – internetimut attavinissimassaatit.
Innersuut
Isumannaallisaanermut apeqqutit aamma admin-imut paasissutissaatitit isumannaatsumi toqqukkit.
