Imaatigut kabeli

Tassaavoq fiberiusumik attavik 5404 kilometerinik takissusilik teknologii nutaaliarujussuaq. Kalaallit Nunaata imaatigut kabelia Greenland Connect 2009-mi martsimi atulerpoq.

Imaatigut kabeli Canada-mi Newfoundland-imiit Nuummut ingerlavoq. Tassanngaanniit Qaqortumut Island-imullu ingerlaqqilluni. Akissutip anngunnissamut sivisussusaa 23 millisekundiinnaavoq, taannalu Atlantikoq ikaarlugu attaviit sukkanerpaat ilagaat. Imaatigut kabelip aappaa Greenland Connect North Nuummiit Maniitsoq Sisimiullu aqqusaarlugit Aasiannut attaveqarpoq.

Nunatta kitaani immap naqqata misissorneqarnissaa

Nunatsinni immakkut kabeli ukiut qulit sinnerlugit atuussimalereerpoq, sillimaniarnikkullu pitsaanerulersitsinissaq eqqarsaatigalugu periarfissat misissorneqassappata Nunatta kitaata sineriaani immap naqqata misissorneqarnissaa pisariaqarpoq. Misissuinissamut pilersaarusiorneq Tusassip periusissiaanut 2024-moortumut atatillugu aallartereerpoq.

Paasisaqarnerugit

Imaatigut kabeli pillugu imarsiortunut paasissutissiineq

Imaatigut kabeli illugiillugu 200 m-imik illersugaavoq. Qallunaat/kalaallillu inatsisaat malillugit sumiiffimmi illersukkami aalisarluni kalittoqassanngilaq, kisarsimasoqassanngilaq, sioqqanik milluaasoqarnani ujarattarnanilu.

Aalisarnermut atortunik kitsamilluunniit ajutoornikkut imaatigut kabeli qalusoorsimagussiuk ima iliussaasi:

Imaatigut kabeli pillugu angallatinut ataatsimoortumik paasissutissiissutit 

Ataatsimoortumik paasissutissat akkit (zip)

Paasissutissiissutit ataatsimoortut imaraat nalunaarutiginninnermut immersugassaq, angallatinut paasissutissat aammalu qallunaatut, kalaallisut aammalu tuluttut upalungaarsimanissamut ilitsersuut.

Paasissutissiissutini ataatsimoortuni aammattaaq imaatigut kabelip aqqutai ikkussinnaasatit aammalu sumiissusersiornernut atortutigut nalinginnaasutigut amerlanertigut takutissinnaasatit, ilaatigut Google Earth-ikkut, takusinnaavatit.

Tamatta imaatigut kabelimik ima paarsilluarsinnaavugu

Isiginnaagassiami takusinnaavat qanoq pingaaruteqartigisoq tamattaalluta nunatta digitalikkut taqarsuaanik paarsilluarnissarput - immap naqqatigoortoq kabeli.

Kabelersuaq paaritigu

Attavigisigut

Saaffiginnissutinnut qujanaq,
ulluinnaat 5-t qaangiutsinnagit attavigineqassaatit.
*
*
*
*
*
*
*