Sumik ikiorsinnaavatsigit?
1. Atuisunut atugassarititaasut annertussusiat
Tusass-ip Suliffeqarfinnut Sullissiviani suliffeqarfiit mobilimik kiffartuussivimmut, Tusass-ip ingerlatseqatigiiffittut akuerisamik neqeroorutaanut atuisutut isersinnaasunut atugassarititai kiffartuussinermut immikkut tunngasut atuuttut makkuupput, Tusass A/S-ip kiffartuussiviini pilersuinermut ingerlatsinermullu atugassarititaasunut Nalinginnaasunut ilanngussaasut – Suliffeqarfinnut Sullissivimmi. Atugassarititaasut akornisigut akerleriittoqartillugu Tusass-ip Suliffeqarfinnut Sullissiviani mobilimut kiffartuussivimmi atugassarititaasut nalinginnaasumik atugassarititaasunit salliunneqartarput.
Tusass A/S-ip kiffartuussiviini - Suliffeqarfinnut Sullissivimmi pilersuineq ingerlatsinerlu pillugit atugassarititaasut nalinginnaasut qaqugumulluunniit atuuttussat 1.december 2016-imeersut takuneqarsinnaapput uani.
2. Piumasaqaatit
Tusass-ip nittartagaani, www.tusass.gl-imi Kalaallit Nunaanni mobilimik atuisinnaaneq qaqugumulluunniit atuuttoq takuneqarsinnaavoq imaluunniit Tusass-imut saaffiginninnikkut paasissutissiissutigineqarsinnaalluni. Mobilimik kiffartuussisoqarsinnaavoq sumiiffinni mobilimik atuisinnaaffiusuni.
Tusass-ip Suliffeqarfinnut Sullissiviani mobilinut kiffartuussivimmik atuinissamut piumasaqaataavoq atuisup attaveqaammut atortuisa tassunga naatsorsuussaanissaat aamma atuisup atortuisa eqqortumik katiterneqarsimanissaat.
Tusass-ip Suliffeqarfinnut Sullissivianit mobilimik pisinissamut piumasaqaataavoq, atuisup mobilit pigisani allat Tusass-imi atuisunngortissappagit taakkulu Tusass -ip Suliffeqarfinnut Sullissiviani pisiaanngippata, taava taakku aallaaviatigut Tusass-ip Suliffeqarfinnut Sullissivianut nuutissavai.
3. Atuisuunerup allaffissornertaa aamma imminut kiffartuunnissamut aaqqiissummik atuineq
Atuisoq imminut kiffartuunnissamut aaqqiissummut atuisunngortissaaq tusass.gl aqqutigalugu immersugassamik immersuinermigut.
Tusass-ip Suliffeqarfinnut Sullissiviani mobilimut atuisutut nalunaarneq, kiffartuussutinik pisineq kiisalu allanngortitsinerit imaluunniit Tusass-ip Suliffeqarfinnut Sullissivianit mobilimut atuisutut nalunaarsorsimanermik atorunnaarsitsineq atuisunut imminut kiffartuunnissamut aaqqiissut www.tusass.gl-imiittoq atorlugu taamaatissinnaavaa.
Imminut kiffartuussivimmik atuinerup eqqortumik pinissaa atuisup nammineq akisussaaffigaa, tassunga ilanngullugit nakkutigisassaralugit pisinerit, allannguutit, atuisuunermik taamaatitsinerit paasissutissallu eqqortuunissaat.
Tusass-ip Suliffeqarfinnut Sullissiviani imminut kiffartuunnissamut aaqqissuussaq atorlugu mobilimik atuisunngorneq, allanngortitsineq imaluunniit atuisuujunnaarnermik nalunaaruteqarnermi kukkusoqarsimappat, tamanna atuisup allakkatigut Tusass-imut nalunaarutigissavaa, nalunaaquttap akunneri 24-t qaangiutsinnagit. Tusass-ip sapinngisani malillugit kukkunerusinnaasut iluarsissavai. Iluarsiissuteqarnissaq ajornassappat imaluunniit nalunaarut piffissaliussap qaangiunnerani tiguneqarsimanngippat, allannguutaasoq atuisumut tuttussanngussaaq, atugassarititaasut atuuttut malillugit.
Atuisup Tusass-imut piaartumik nalunaarutigissavaa, atuisutut attavigineqarnissamut paasissutissat allannguuteqarpata, tassunga ilanngullugit e-maili nutartersimappat, aamma tassunga ilanngullugit atuisuunermi paasissutissat attuumassuteqartut allat.
Tusass-ip akisussaaffigisinnaanngilai, imminut kiffartuunnissamut aaqqiissutip atornerani annaasat, kukkunerit imaluunniit amigaatit iliuutsinik tunuliaqutaqartut.
4. Tusass-ip pilersuinissamik pisussaaffia, tassunga ilanngullugit atortorissaarutit aamma atuuffiit
4.a. Atortorissaarutit aamma atuuffiit
Tusass-ip nioqqutaasa allattorsimaffianni Tusass-ip Suliffeqarfinnut Sullissivimmit mobilimut atuinissamik neqeroorut tamakkiisoq toqqaraanni allaqqavoq atortorissaarutit atuuffiillu sorliit atuisup pissarsiarisinnaanerai.
Tusass-ip Suliffeqarfinnut Sullissiviani atuisup taamaallaat pissarsiarisinnaavai, akiliinermigut, Tusass-ip mobilimut kiffartuussiviata mobilikkullu paasissutissanik kiffartuussiviup atornissai kiisalu SMS-inik aamma MMS-inik nassiussuineq tigooraanerlu. Taakkuninnga atuinissamut piumasaqaataavoq atuisup telefoniata taamatut atorneqarsinnaanissaa.
Tusass-ip Suliffeqarfinnut Sullissiviata atuisoq aammattaaq periarfissippaa imarisanut tunngatillugu kiffartuussissutinik pisinissamik, soorlu taakkuusinnaasunik assit, siarngup nipai imaluunniit unamminissamut peqataaneq. Atuisup akisussaaffigaa qulakkiissallugu atuisup telefoniata tamakkununnga atorsinnaanissaa. Aammattaaq atuisup kiffartuussutit taakku akilersugassarai pisiassatut allatuulli. Tassunga atatillugu atuisumit maluginiarneqartariaqarpoq kiffartuussinernut akigititat Tusass-ip Suliffeqarfinnut Sullissivianut nalinginnaasut akiligassat saniatigut akiligassaammata. Tusass-ip Suliffeqarfinnut Sullissiviata akigititani paasissutissiissutigisarpai nioqqutit nittarsaanneqarneranni. Imarisanik akiligassartalinnik kiffartuussinerit Tusass-imit neqeroorutaasarput imaluunniit imarisanik neqerooruteqartunit allanit. Taakkunani tamani akileeqqusissutit imarisat akiligassartaannut tunngasunut Tusass akileeqqusisartuuvoq.
Aammattaaq atuisup maluginiagassaraa imarisanik akiligassartalinnik kiffartuussutinut pisinermu atatillugu peqqissiminissamut malittarisassaqarsinnaammat allanik. Kiffartuussutit taamaattut pineqartillugit paasissutissiisoqartarpoq.
4.b. Ingerlatsineq sukkassuserlu
Atuisup nalunngilaa attaveqaqatigiinnerup sukkassusaa ilaatigut nikerarsinnaasoq. Tusass-ip Suliffeqarfinnut Sullissiviata mobilimut kiffartuussiviani teknikkikkut pisinnaasat pissutigalugit.
Tusass-ip Suliffeqarfinnut Sullissivianut attaveqaammik pilersuisoqartarpoq sukkassutsip annerpaaffissaa taallugu. Sukkassuseq nikerarsinnaavoq, aalajangiisuulluni atuisut qanoq amerlatigisut mobilikkut attaveqaammik/napparummik sakkortussaataasumik ataatsikkut atuinerisa qanoq innerat, ilutigisaanik aalajangiisuusarluni atuisoq sorpiaaniinnersoq (pisinnaasat ataatsimoorussat). Tusass-ip Suliffeqarfinnut Sullissiviani mobilimut kiffartuussivinnut tamanut atuuppoq sukkassutsimik nalunaaruteqarsimaneq, tassunga ilanngullugit datat immikkut nalunaarutigineqartussat.
Tusass imminut pisinnaatippoq Tusass-ip Suliffeqarfinnut Sullissiviani mobilimik kiffartuussinermi periarfissanik killilersuigallarsinnaanerminik, arlaannik pisoqarnera pissutigalugu missingiunneqarpat pisariaqartoq teknikkikkut, aserfallatsaaliuinikkut, isumannaallisaanikkullu, taamaaliornissamut pissutissaqartoq imaluunniit taamaaliornissaq pisortanit piumasaqaataappat.
Aammattaaq Tusass imminut pisinnaatippoq (atuisup Tusass-ip taarsiissuteqarnissaanik piumasaqaateqarfigisinnaanngisaanik) makkuninnga pisoqarsimappat:
Isaaffinnik ammasunik misileraaneq (tassunga ilanngullugit proxies) e-mailit serverii (relays) atuisup atortuiniittut, atornerluisoqarsinnaaneranik pilersitsisinnaasut.
E-mailinik isaasunik aniasunilluunniit itigartitsisinnaaneq, taakku nalilerneqarpata assersuutigalugu viruseqartut, nalunaaruteqartoq kissaatiginngisanik imaluunniit pinerlunniutaasut.
Allap Tusass-ip internettimut kiffartuussivianut attaveqaataanik mattussineq, attaveqaat nalilerneqarpat atornerluinerusoq, assersuutigalugu virusimik siaruarteriniartutut, kissaatiginngisanik nalunaaruteqartutut pinerlunniartutulluunniit.
Piffissalersukkanik SMS-inik, MMS-inik, e-mailinik assigisaanilluunniit atuinermik killilersuineq.
Attaveqaatinik atortussanillu allanik pisariaqartitsineq naapertorlugu pitsanngorsaaneq.
4.c. Internettimi iliuutsinut atuisup akisussaaffia
Atuisup internettimi iserfigisinnaasaanut Tusass sumilluunniit akisussaanngilaq. Internettimi atuinerup kingunerisinnaavaa atuisup hardware-ata (qarasaasiap atortuisa) imaluunniit software-ata (qarasaasiap aaqqissuussaanerata) virusimik aamma/imaluunniit software-ikkut ajoqutissamik allamik tunillatsinnera. Tusass-ip tamakku susinnaanngilai taamaattumillu ajoqusissappata aamma /imaluunniit annaasaqaateqartoqassappat akisussaatinneqarsinnaanani, internettemi iliuutsit atuisup nammineq iliuuserimmagit.
4.d. Qarasaasiakkut normumik paasiniaavimmi paasissutissat
Atuisup kissaatigissappagu, mobiltelefonip normua normumi paasiniaavimmiittoq ilisimatitsissutigineqarsinnaavoq aamma Tusass-ip internettikkut paasissutissiinermut kiffartuussiviani.
Atuisup mobiltelefoniata normua qaqugumulluunniit ajornartorsiornermi sianerfissamut 112-mut atatillugu ilisimatitsissutigineqarsinnaavoq politiinut nalunaarasuarnermilu neqeroorutilinnut allanut, kalerrisaarinermut atatillugu tamanna pisariaqartinneqassappat.
5. Akiliuteqartarneq aamma atuisuunermut tunngasut
5.a. Akileeqqusissut
Tusass-ip Suliffeqarfinnut Sullissivianit neqeroorutigineqartunut kiffartuussinermi akigititat aalajangersarneqartarput Tusass-imit malittarisassallu taakkununnga atuuttut malillugit Naalakkersuisunit akuerineqartussaallutik.
5.b. Pisartagaqarneq atorneqanngitsoq
Tusass-ip Suliffeqarfinnut Sullissiviani atorneqanngitsumik pisartagaqarnermi utertitsisoqarsinnaanngilaq (tamakkiisumik ilaannakortumilluunniit), taamatullu pisartagarisimasaq atorneqanngitsoq piffissamut nutaamut nuunneqarsinnaanani.
5.c. Pisartakkat akornanni nikisitsineq
Tusass-ip Suliffeqarfinnut Sullissiviani mobilimik atuisutut pisartagaqarnermi nikisitsineq pissaaq www.tusass.gl-imi imminut kiffartuunnissamik aaqqiissut atorlugu.
Atuisup Tusass-ip Suliffeqarfinnut Sullissiviani mobilimik atuisutut pisartakkaminik nikisitsinera pippat qaammatip ulluisa 20-at sioqqullugu, allannguut atuutilissaaq qaammatip nikinnissaa tulliuttoq aallarnerfigalugu.
Atuisup Tusass-ip Suliffeqarfinnut Sullissiviani mobilimik atuisutut pisartakkaminik nikisitsinera pippat qaammatip ulluisa 20-ata kingorna, allannguut aatsaat atuutilissaaq qaammatip tulliuttup naanerani.
Atuisup Tusass-ip Suliffeqarfinnut Sullissiviani mobilimik atuisutut pisartakkani taarserpagu, kingunerisaanik qaammammi atuuttumi atuisup Tusass-ip Suliffeqarfinnut Sullissiviani mobilimik atuisutut pisartakkani nikisissinnaanngilaa taamatullu atuisup pisartakkani nikisissinnaanagu pilersitsinerup kingorna qaammatip siulliup ingerlanerani.
Atuisup nammineq akisussaaffigai Tusass-ip Suliffeqarfinnut Sullissiviani mobilimik atuisutut pisartagaqarnermini allannguutit tamaasa, nammineq iliuuseqarfigisani.
5.d. Pisartagaqarnerup saniatigut atuinermi
Oqaluussaqarluni:
Tusass-ip Suliffeqarfinnut Sullissiviani pisartagaqarnermi imarisani oqaluussinertalinni taamaallaat Tusass-ip oqarasuaatip normuinut mobilimullu sianernerit atuupput. Imarisani oqaluussineq atorneqartussaanngilaq immikkut normulikkanut, soorlu normunut 90-ertalinnut imaluunniit imarisamikkut akiliilluni kiffartuussivinnut assigisaanut (assersuutigalugu normunik paasiniaavimmut). Imarisani oqaluussinerit aamma nunanut allanut nunanillu allanit sianernermi atorsinnaanngillat – tassunga ilanngullugu roamingi. Kiffartuussivinni immikkut akiliilluni atorneqartartuni aamma imarisanik akiliilluni kiffartuussivinni malinneqarput Tusass-ip akigititai nalinginnaasut aamma taakku immikkut akilersinneqartarput.
Paasissutissat mobilimiittut:
Tusass-ip Suliffeqarfinnut Sullissiviani pisartakkamut ilaapput paasissutissat mobilimiittut taamaallaat Tusass-ip mobilimut attaveqaataanik atuinermut ilaasut. Atuisup paasissutissanik mobilimiittunik atuisinnaatitaanini qaangerlugu atuippat paasissutissanik mobilimiittunik atuinerunermut Tusass akiliisitsissaaq. Paasissutissanik mobilimiittunik atuinerussutinut akiligassiineq pissaaq Tusass-ip Suliffeqarfinnut Sullissiviani nioqqutissanut aalajangersimasunut tamanut akigititaasut atuuttut aamma immikkut akilerneqartussaasut.
Nunani allani atuinermut akigititat qaqugumulluunniit atuuttut malinneqassapput, taakkulu www.tusass.gl-iminassaarineqarsinnaapput.
Paasissutissanik mobilimiittunik atuisup atuinera naatsorsorneqartarpoq paasissutissanik mobilimiittunit 10 KB-nik aallartitsinerit tamaasa, nassiussinermi aamma/ imaluunniit tigusaqarnermi, taakkulu atuupput Kalaallit Nunaanni aamma nunani allani.
Ataavartumik nakkutilliinissani paasissutissanik mobilimiittunik atuinini pillugu, Tusass-ip imminut kiffartuunnissamut aaqqiissutaa www.tusass.gl-imiittoq atorlugu.
SMS/MMS:
SMS-it aamma MMS-it akeqanngitsut pisartakkamut ilaapput. SMS-it aamma MMS-it akeqanngitsut atorneqarsinnaapput mobilit normuinut nalinginnaasunut Kalaallit Nunaanniittunut, Tusass-ip mobilimut attaveqaataanut ilaasunut.
SMS-it aamma MMS-it akeqanngitsut makkunani atuunneq ajorput:
Kiffartuussinerni imarisanik akiliuteqarfiusartuni, SMS-it imaluunniit MMS-it atorlugit inniminnikkani.
SMS-ini aamma MMS-ini nunanit allanit nassiussani.
Nittartakkakkut SMS-it aamma MMS-it.
SMS-it aamma MMS-it neqeroortitsisunut allanukartut, tassunga ilanngullugit mobilip normui nunanit allaneersut.
Tamakku akilersinneqartarput akigititat atuuttut malillugit.
SMS-ikkut nalunaarutit nunami allamit nassiussat akilersinneqartarput roamingimut takussutissiaq www.tusass.gl-imi takuneqarsinnaasut malillugu.
Imarisanut akiligassartalinnut SMS-ikkut nalunaarutit (assersuutigalugu tunniussinerit) akit qaqugukkulluunniit aalajangersarneqarsimasut malillugit akilersinneqartarput. Tamanna ima paasisariaqarpoq SMS-ikkut nalunaarutit taamaattut akeqanngitsuunngitsut, aalajangiisuutinnagu atuisup akeqanngitsumik atuisinnaatitaanera. Assersuutigalugu katersuiniarnermi aningaasamik tunissuteqarniaraanni, taamaallaat akeqanngitsortaavoq SMS-ikkut nalunaarut. Tunissut akiligassami immikkut akileqquneqartussaavoq.
Atuisup nammineq akisussaaffigisussaavaa SMS-imik/MMS-imik nammineq atuinermi nakkutiginissaa, Tusass-ip imminut kiffartuunnissamut aaqqiissutaa www.tusass.gl-imiittoq aqqutigalugu.
Atornerluineq:
SMS-ikkut aamma MMS-ikkut nalunaarutit imaattuussanngillat:
Maskinamit pilersitat (maskinamik aqunneqarlutik sianernerit)
Maskinamik pilersinneqarsimasut (maskina atorlugu nassiussat) – Kalerrisaarutit kisiisa pinnagit.
SMS-ikkut aamma MMS-ikkut nalunaarutit assigiiaat tulleriaarlugit tigusisussamut tassungarpiaq nassiuteqattaakkat
Inunnik ataasiakkaanit eqimattanilluunniit ajoqusersuinerit imaluunniit spam-it
Atornerluisoqartillugu Tusass-ip atuisup pisartagaa ingerlaannaq atuutilersumik matussavaa.
5.e. Roaming
Nalunaarasuartaaseriviit nunani allaniittut arlallit Tusass-ip isumaqatigiissuteqarfigai taamaalillutillu Tusass-ip atuisuisa mobilimik kiffartuussivik taakku mobilinut attaviinut atasoq atorsinnaavaat.
Tusass -ip akisussaaffiginngilai qanoq attaveqarsinnaatigineq aamma roamingimik atuisinnaaneq assigisaalu.
Atuisumit maluginiarneqassaaq nunani allamiut mobilinut attaviini mobilimut kiffartuussivimmik atuinermi Tusass-ip attaveqaataani akigititat allaanerusut atorneqartarmata kiisalu roamingimut akitsuut atuisoq sianerfigineqartillugu namminerlu sianertillugu, tassunga ilanngullugu paasissutissanik paasiniaalluni sianernerit – atuisup nammineq sianerneri akiliuteqarfiusarmata. Paasissutissanut mobilimiittunut tunngatillugu megabytesit nassitsinermi tigooraanermilu atuuttut pineqarput.
Aammattaaq atuisup maluginiagassaraa nunani allani mobilinut attavinnik atuinermut akiliisitsiniarnerit kingusiinnaa pisinnaasarmata, Tusass-imit utaqqeqqaarneqartarmat mobilimut attaveqaatinik pilersuisut pineqartut utaqqimaaqqaarnissaat, Tusass-ip nammineq atuisuminik akiliisitsiniannginnerani.
Tusass-ip Suliffeqarfinnut Sullissiviani mobilimik atuinermik pisartagallit roamingimik atuinerat akiligassamut ilanngunneqartarpoq.
Tusass-ip nunani allani attaveqaatit atorneqartut attaveqaataat, pitsaassusiat, isumannaallisarneqarnerat kiffartuussinermilu neqeroorutaat akisussaaffiginngilai. Tusass -ip akisussaaffiginngilai pilersuisut nunani allaneersut paasissutissanik inummut tunngasunik qanoq atuineri.
6. Korti isissutissallu
Tusass-ip Suliffeqarfinnut Sullissiviata mobilimik atuisunut pisartagaanik atuilissagaanni Tusass-ip SIM-kortianik atuinissaq pisariaqarpoq. Atuisoq Tusass-imi atuisooreerpat, amerlanerpaani SIM-korti pigeriigaq atorneqarsinnaavoq. Aatsaat atuisunngoraanni SIM-kortimik pissarsisoqartariaqarpoq, taannalu Tusass-ip pisiniarfiani pissarsiarineqarsinnaavoq, marlunnik isertuussassanik isissutissartalik, Inuttut ilisarnaat PIN aamma PUK-kode, isumannaallisaanermut atorneqartartoq. PIN aamma PUK-kodet atorneqartarput SIM-kortip atornerlunneqarsinnaanera pinngitsoortinniarlugu. SIM-korti, PIN-kode aamma PUK-kode inuup nammineq pigisarai, isumannaatsumut toqqoqqasassat.
PIN-kodit, PUK-kodit allallu isissutissat Tusass-imit atukkiussat Tusass-ip pigai pisartagaqarnerlu taamaatippat utertitassatut isigineqartut. PIN-kodet tulleriiginnarnik pingasoriarlutit kukkusumik toortarsimagukku, SIM-kortit ingerlaannaq matuneqassaaq tamatumalu kingorna aatsaat ammaqqinneqarsinnaalluni PUK-kodet atorlugu. PUK-kode tulleriiginnarnik quleriarluni kukkusumik toortarneqarpat, SIM-korti matuneqassaaq atorunnaarsinneqavillunilu.
Atuisup PIN-kodeni imaluunniit PUK-kodeni annaappagit, taakku www.tusass.gl -imi imminut kiffartuunnissamut aaqqiissummi nassaassaapput.
Atuisup kodenik SIM-kortianillu allat atornerluinerannut atuisoq nammineq akisussaasuuvoq. Atornerluisoqartillugu, kode tammarpat imaluunniit PIN-kode allap susassaqanngitsup paasippagu atuisup piaartumik Tusass kalerrissavaa, atornerluisoqaqqissappat Tusass mattussisinnaaniassammat.
Atuisup SIM-kortini tammarpagu, atuisup piaartumik Tusass tamanna pillugu nalunaarfigissavaa.
Atuisoq SIM-kortimik nutaamik pisissaaq, SIM-kortini pisoqaq annaasimaguniuk imaluunniit atorsinnaajunnaarpat. Taamaalioreeruni atuisup SIM-kortini nutaaq www.tusass.gl -imi immi-nut kiffartuunnissamut aaqqiissut aqqutigalugu nalunaarsussavaa.
7. Pisartagaqarnermik taamaatitsineq
Tusass-ip Suliffeqarfinnut Sullissiviani mobilimik atuinermut pisartagaqarneq taamaatinneqassaaq www.tusass.gl -imi imminut kiffartuunnissamut aaqqiissut aqqutigalugu.
Atuisup pisartakkani kingusinnerpaamik qaammatip ulluisa 20-at tikitsinnagu taamaatissavaa, qaammatip ingerlasup naanerani taamaatitsineq atuutilissappat. Qaammatip ulluisa 20-at qaangiutereersoq taamaatitsineq pippat taamaatitsineq aatsaat qaammatip tulliuttup naanerani atuutilissaaq.
8. Atuuttussanngortitsineq
Tusass-ip Suliffeqarfinnut Sullissiviani mobilimik atuinermi kiffartuussinermut atugassarititaasut aalajangersimasut matumani allassimasut Naalakkersuisunit akuerineqarlutik atuuttussanngortinneqarput ulloq 18. november 2025-mi.
1. Atuisuunermi atugassarititaasut annertussusiat
Internettikkut kiffartuunneqarnissamik inuussutissarsiortunut Tusass-ip ingerlatseqatigiiffittut akuerineqarsimanera naapertorlugu isumaqatigiissuteqarnissanik neqerooruteqarnermi makkua kiffartuussinermut immikkut tunngasut atuupput, Tusass-ip kiffartuussiviinik pilersuinermi ingerlatsinermilu atugassarititaasunut nalinginnaasunut ilassutaallutik. Atugarissarititaasut akornanni aaqqiagiinngissuteqartoqartillugu atuisunut atugassarititaasut kiffartuussinermut immikkut tunngasut salliutinneqarlutik atuuttussaapput.
2. Tunngavissast
Atuisutut isumaqatigiissuteqarnermi matumani pumasarineqarpoq pilersuineq Tusass-ip internettikkut kiffartuussinerani attaveqaatitigut anguneqarsinnaasuniinnissaa. Attaveqaatitigut anguneqarsinnaasut pillugit paasissutissat Tusass-imut saaffiginninnikkut pineqarsinnaapput. Atuisup isumaqatigiissusior-nermi imaluunniit kingusinnerusukkut Tusass-ip attaveqaataanit anguneqarsinnaassanngippat, Tusass-imit pisussaaffigineqanngilaq kiffartuussutinik pilersuinissaq.
3. Tusass-ip pilersuinermi pisussaaffii, tassunga ilanngullugu mailboksi
Tusass-ip tuniniakkanut quppersagaani takuneqarsinnaavoq atuisooriaatsimi toqqakkami atuisoq Tusass-ip internettimut atortorissaarutaanut isersinnaanersoq.
4. Atuisuuffimmik aqutsineq imminullu kiffartuunnermik atuineq
www.tusass.gl-ikkut imminut kiffartuunnissamut aaqqiissutaasoq atorlugu atuisoq pilersorneqartussatut allatsissaaq.
www.tusass.gl-ikkut internettimut kiffartuussinermut nuunneq imminut kiffartuussamut aaqqiissutikkut pissaaq.
Internettikkut kiffartuussivimmik pilersitsineq – Sulisunut Interneti, kiffartuussutinik pisineq, internettimik kiffartuussinermik allannguinerit imaluunniit taamaatitsinerit – Sulisunut Interneti atuisup nammineq suliarissavaa imminut kiffartuunnissamut aaqqiissutaasoq www.tusass.gl-imiittoq atorlugu.
Imminut kiffartuunnermik eqqortumik atuinissaq atuisup nammineq akisussaaffigis-savaa, tassunga ilanngullugit nakkutigissallugit pisinerup, allannguuteqaratitsinerup, taamaatitsinerup paasissutissallu eqqortuunissaat.
Internettimi kiffartuussinermik pilersitsinermi, allanngortitsinermi imaluunniit taamaatitsinermi kukkusoqassagaluarpat – Angerlarsimaffimmi sullivimmi imminut kiffartuunnermi, nalunaaquttap akunneri 24-t qaangiutsinnagit atuisup Tusass nalunaarfigalugu allaffigissavaa. Tusass-ip pisinnaasat naapertorlugit ajoqutaasinnaasut iluarsissavai. Iluarsiineq ajornassappat imaluunniit killiliussaq nallertinnagu nalunaarut tiguneqarsimanngippat, allannguut atugassarititaasut atuuttut naapertorlugit atuisumut pituttorsimasussaavoq.
Atuisup ingerlaannaq Tusass nalunaarfigissavaa, atuisup attavigiinnissamut paasissutissat allan-nguuteqarpata, tassunga ilanngullugit e-mailit nutaat aamma paasissutissat atuisuunermut attuumassuteqartut allat pillugit.
Tusass-imit akisussaaffigineqarsinnaanngillat annaasat, kukkunerit imaluunniit amigaatit, imminut kiffartuussivimmik atuinerup kinguneranik iliuutsit tunuliaqutaralugit pinngorsimasut.
5. Ingerlatsineq sukkassuserlu
Tusass pisinnaatitaavoq internettimut kiffartuussivimmi pisariaqartunik allannguisinnaanissaminut, tassunga ilanngullugit ilaatigut atuisup atiinik, isissutissaaanik, IP-adressemik isissutissanillu allanik Tusass-imut atuisuunermut tunngatillugu tunniunneqarsimasunik, taamaaliornissaq teknikkimut, aserfallatsaaliuinermut ingerlatsinermullu pissuteqartumik Tusass-imit pisariaqartutut nalilerneqarpat. Tusass aamma pisinnaatitaavoq allannguinissaminut oqartussaasut piumasaqaataat malinniarlugit pisariaqartunut. Streamiilluni kiffartuussinermik atuinerup sukkassusaanik arriinnerulersitsinissamut Tusass imminut pisinnaatippoq. Allannguutinut atatillugu atuisup aningaasartuutigisinnaasai Tusass-ip susassarinngilai, tassungalu atatillugu Tusass-imut taarseeqqusisoqarsinnaanngilaq.
Internettimut kiffartuussiviup teknikkikkut pisinnaasai aamma internettip pissusaa immikkuullarissoq pissutigalugu attaveqaqatigiinnerup internettimik kiffartuussivikkoortup sukkassusaa allanngorarsinnaasarpoq. Tusass-ip internettimut kiffartuussiviinut tamanut atuuppoq sukkussutsinik nalunaarsimaneq, tassunga ilanngullugit attaveqaatit pillugit paasissutissiineq.
Ingerlatsinermut isumannaallisaanermullu tunngasut pissutigalugit Tusass imminut pisinnaatippoq internettimik kiffartuussinerup killilersorallarsinnaaneranik.
Tusass aammattaaq imminut pisinnaatippoql (atuisup Tusass-imut taarseqqusissummik piumasaqaateqarfigisinnaanngisaanik, tulliuttunik pisoqartillugu):
Isaaffinnik ammasunik misileraanissamut (tassunga ilanngullugu proxiesit) aamma e-mailinut serverit (relays) atuisup atortuaniittunik, atornerluinermut pissutaasinnaasunik.
E-mailinik isaasunik aniasunillu itigartitsisinnaanermut, nalilerneqarpat assersuutigalugu viruseqartut, spamiusut imaluunniit phisningiusut (ajoqusiiniartuusut).
Tusass-ip internettikkut kiffartuussivianut atuisumik allamik mattussisinnaaneq, nalilerneqarpat atornerluisoqartoq, soorlu virus-imik, spam-imik imaluunniit phisningimik (ajoqusiiniarnermik) siaruarterisoqartoq.
Piffissap ilaani e-mailit amerlassusissaanik killiliinissamik.
Pisariaqartitsineq naapertorlugu serversoftwaremik imaqarnerulersitsinermik.
6. IP-adresse allanngorartoq
IP-adresse allanngorartoq pillugu, nalinginnaasumik
IP-adressemik allanngorartumik atuinikkut akuerisassaraat IP-adresseppit siumut nalunaarutigineqanngitsumik allanngorsinnaanera illillu nammineq akisussaaffigisussaavat aamma attaveqaatit katitigaanerisa imaluunniit kiffartuussiviisa qulakkeerniarnissaat, IP-adressemut allanngorartuunngitsumut atuisariaqalernissaat naleqqussagassaasarmat.
Atuineq Pisussaaffiillu
IP-adressemik allanngorartumik atuinikkut akuerisassaraat IP-adresseppit siumut nalunaarutigineqanngitsumik allanngorsinnaanera illillu nammineq akisussaaffigisussaavat aamma attaveqaatit katitigaanerisa imaluunniit kiffartuussiviisa qulakkeerniarnissaat, IP-adressemut allanngorartuunngitsumut atuisariaqalernissaat naleqqussagassaasarmat.
Akisussaaffimmik atorunnaarsitsineq
Tusass A/S -ip akisussaaffiginngilai illit IP-adressevit allanngorartuunerata kingunerisaanik ajornartorsiutaalersinnaasut. Tassunga aamma ilaapput, taakkuinnaanatilli, serverit avataaniittunut , VPN-inut attaveqaatinut, ungasianiit isersinnaanermut imaluunniit kiffartuussivinnut allanut, aalajangersimasumik IP-adresseqarnissamik piumasaqaatilinnut isersinnaajunnaarnerit.
7. Isumannaallisaaneq aamma nammineq inuunerisaq
Angerlarsimaffimmi sullivippit internettimut attaviata IP-adressia akulikitsunik allanngorartartussaavoq, taamaammallu avataanit suliaqartunut ajornakusoorsinnaavoq attaveqaammik atuillutit suliaqarnerpit siunnerfeqartinniarnissaa. Isumannaallisaatilli nalinginnaasut malissavatit, tassunga ilanngullugit, isissutissat iserfigeriaannaanngitsut, VPN-imut kiffartuussiviit aamma isumannaallisaanermut najoqqutassat nutartikkat.
8. IP-adressemut allanngorartuunngitsumut aaqqiissut
IP-adressemik aalajangersimasumik allanngorartuunngitsumillu pisariaqartitsiguit, Tusass Inuussutissarsiorneq attavigisinnaavat aaqqiissutissamik piumallutit. Taamatut kiffartuussineq qinnuteqartunut neqeroorutaavoq aningaasartuuteqarnerulernermik atugassarititaasunillu aalajangersimasunik piumasaqaateqarfiusinnaasoq.
9. Akiliutinik allanngortitsineq
Kiffartuussineq isumannaallisaanerlu tamakkiisut isumannaarniarlugit imminut pisussaatippugut IP-adresset allanngorartut allannguiffigisarnissaannut imaluunniit nutarteriffigisarnissaannut. Allannguut sunaluunniit atuuttussanngortitaagaangami internettimut attaveqaatinnut pingaarutilimmik sunniuteqartarpoq, sapinngisarpullu naapertorlugu ilisimatittarnissat anguniartarparput, allannguutit annertunerusut pisussaatillugit.
10. Atuinermi killilersuutit
Kiffartuussutit imalunniit applikationit ilaat, IP-adresse-nut aalajangersimasunut isersinnaanissaminnut pisariaqartitsiuaannartut, IP-adressemut allanngorartumut aporaaffeqarsinnaapput. Illit akisussaaffigaat qulakkiissallugu kiffartuussinerit eqqortumik IP-adressemik allanngorartumik attaveqarlutik ingerlanissaat. Tusass A/S-ip akisussaaffiginngilai kiffartuussivinnik taamaattunik atuinermi killilersuutaasinnaasut qamittoornerilluunniit.
E-mail adresset
Tusass-ip tuniniaanermut quppersagaani saqqummiunneqartutut internettimut attaveqarnermut atuisuuffissatut toqqakkami atuisoq pisinnaatitaaffeqarnersoq elektroniskimik allakkerisarfeqarnissamik imaluunniit email adressenik arlalinnik peqarnissamik. Email adressiusinnaasut Tusass-ip pigisarai atuisup atuisuunissamik isumaqatigiissuteqarnerata nalaani taamaallaat atorneqarsinnaasut.
Atuisup akisussaaffigaa email adresseni inuup allap pisinnaatitaaffigisinnaasaanik narrunarsaannginnissani. Atuisup tuniniaanermut quppersakkami toqqortaqarsinnaanermut piginnaatitaanini qaangertussaanngilaa taamatullu emailinut ingerlaartinneqarsinnaasunut killigititaasoq.
Pisartagaqarnermut isumaqatigiissut
Tusass pisartagaqarnermut isumaqatigiissuteqarnissamik itigartitsisinnaavoq, atuisoq Tusass-ip suliffeqarfissuani kiffartuussinermi akilerneqarsimanngitsunik akiligassaqarpat.
Tusass-imit qinnuigineqarnermi atuisutut ilisarnaannaat paasissutissallu eqqortuunerat uppernarsarneqassapput. Kinaassutsimut uppernarsaat assitalik piumasarineqarsinnaavoq. Aamma najukkap allanngornerani tamanna piaartumik Tusass-imut nalunaarutigineqassaaq.
Atuisup akisussaaffia
Pisartakkap normua, atuisup aqqa, isissutissaq, IP-adressiusinnaasoq imaluunniit kodet allat pisartagaqarnermut tunngasut Tusass-imit tunniunneqartarput. Pisartakkap normua, isissutissaq assigisaalu inummut allamut tunniunneqaqqusaanngillat, taanna atuisutut nalunaarsimasuunngippat. Paasissutissanik tamakkuninnga allap atornerluinera atuisup akisussaaffigaa.
Pisartakkap normua, atuisup aqqa, isissutissaq, IP-adresset aamma kodet allat tunniunneqartut Tusass-ip pigisarai pisartagaqartuunerlu taamaatinneqarpat utertinneqartussaallutik.
Atuisup nammineq akisussaaffigaa paasissutissat sorliit internettimi atorniarnerlugit. Tamatumani internettimi paasissutissat suulluunniit pineqarput.
Atuisoq internettimit pissarsiassanik atuinermini aallernerminiluunniit imaluunniit e-mailikkut nassiussanik programminik ammaanermini virusilinnik qarasaasiamini tuniluuttunik pissarsisoorsinnaavoq imaluunniit internettimik atuinermini nalinginnaasunik avataanit ajoqusersuutinik pissarsisoorsinnaalluni. Tusass-ip pissutsit taamakku sunniuteqarfigisinnaanngilai ajoqusiinerillu annaasaqarnerilluunniit tamakkuninnga aallaaveqartut akisussaaffigisinnaanagit.
Atuisup paasissutissat tamaasa internetti aqqutigalugu allanut tunniussuuttakkani nammineq akisussaaffigai, taamaaliornerminilu pissutsini suugaluartuniluunniit Tusass ajoqusernaveersaartussaallugu. Atuisup aammattaaq akisussaaffigai internettimeersunik atuinermi piginnittussaatitaanermut tunngasut qulakkeerneqarnissai.
Atuisup internetti atorlugu niuernerniarneranut imaluunniit internettikkut kiffartuussinermeersunik pissarsiniarneranut Tusass akisussaasuusinnaanngilaq, tamaaliorneq atuisup inuullu allap akornanni ingerlanneqarmat.
Internettimut kiffartuussillunilu pilersuinermi atuisup innaallagissamik atuinini Tusass-illu atortuutaanik illersorsinnaasumik paarsinissani nammineq isumagisassarai. Tassunga tunngatillugu akiligassaqarpat taakku atuisup akiligassarai.
Atuisup sumiginnaa (Tusass'-ip matusisinnaatitaanera).
Tusass-ip suliffeqarfissuartut ingerlatsineranut tunngatillugu atuisoq pingaarutilimmik pisussaaffimminik sumiginnaappat Tusass pisinnaatitaavoq internettimut kiffartuussivimmik atuisup atuineranik taamaatitsilluni.
Sumiginnaanerit pingaarutillit ilaatigut makkuusutut isigineqarput:
Internettimi qarasaasianut allanut isissutissanik atuisup pissarsiniarnera imaluunniit aaqqissuussanut internettimut attavillip allap pigisaanut inerteqqutaasumik iserniarnerit (hackiiniarnerit).
Atuisup ilisimanngisaanik atuisup attaveqaataa atornerlunneqartillugu, assersuutigalugu virusimik, spam-imik, qarasaasiamik saassussinermik assigisaanilluunniit pisoqartillugu.
Atuisup inuup allap piginnittussaatitaanera, downloaderinikkut, siammarterinikkut assigisaatigulluunniit atornerluppagu.
Atuisup paasissutissanik aallakaatitanik peqquserlulluni allanngortitsippat, tassunga ilanngullugit ip-adressset imaluunniit paasissutissat qulequtaat.
Internettimi malittarisassanik allassimanngitsunik qaqugumulluunniit attuuttunik atuisoq arlaleriarluni unioqqutitsippat.
Internettimut kiffartuussiviup unitsinnerata kingunerisussaanngilaa pisartakkamut akiliutip piffissamut akiliuteqarfissamut atuuttup ikilisaaffigineqarnissaa.
Siuliani taaneqartutut atuisup attavia kipineqarpat, Tusass-ip pisartagaqarnermut isumaqatigiissut nalunaaqqaarani taamaatissinnaavaa.
Tusassip atugassarititaanut nalinginnaasunut aalalajangersakkat sumiginnaanermi aamma atuutilissapput.
11. Pisartagaqarnermik taamaatitsineq
Internettimut kiffartuussivimmik atuinermi – Angerlarsimaffimmi sulliviup imminut kiffartuunnissamik aaqqissuussineq www.tusass.gl-imiittoq atorlugu pisartagaqarnini taamaatillugu nalunaarutigissavaa.
Atuisup pisartakkani taamaatinniarlugu nalunaarutigissavaa kingusinnerpaamik qaammatip ulluisa 20-anni, qaammatip ingerlasup naanerani taamaatitsineq atuutilissappat. Taamaatitsineq qaammatip ulluisa 20-at qaangiutereersoq pippat, taamaatitsineq aatsaat qaammatip tulliuttup naanerani atuutilissaaq.
12. Atuutilersitsineq
Atugassarititaasut Naalakkersuisunit akuerineqarsimapput atuutilersinneqarsimallutillu 01.09.2010-mi. Atuisunulli Tusass-ip internettikkut kiffartuussiviinit pilersorneqarnissamik ingerlatsinermillu 01.09.2010 sioqqullugu isumaqatigiissuteqarsimasunut atugassarititaasut aatsaat atuutilersin-neqarsimapput 01.12.2010 aallarnerfigalugu.
13. Flatrate Internettimut Inuussutissarsiortunut tapiliussatut piumasaqaatit tuniniakkanut aalajangersimasunut atuuttut makku atuupput:
Flatrate Internettimi, Inuussutissarsiortunut taamaallaat atorneqarsinnaavoq suliffeqarfinnit Tusass A/S-imit isumaqatigiissuteqarsimasunit. Atukkiuteqqusaanngilaq, avitseqatigiissutaaq-qusaanngilaq, tuneqqinneqaqqusaanngilaq imaluunniit Flatrate Internet, Inuussutissarsior-tunoortoq inummit allamit atoqqusaanngilaq. Atornerluinerup kinguneranik Flatrate Internet, Inuussutissarsiortunoortoq siumut nalunaaqqaarnani qaminneqassaaq, tak. Tusass A/S-ip kiffartuussutaani pilersuinermi ingerlatsinermilu atugassarititaasuni nalinginnaasuni imm. 12 H atornerluinerlu eqqartuussivikkut suliassiinissaq siunertaralugu oqartussaasunut nalunaarutigineqassaaq.
Tusass A/S-ip kiffartuussutaani Inuussutissarsiortunut pilersuinermi ingerlatsinermilu atugas-sarititaasuut tuniniaanermi taakkununnga tunngasut piumasaqaatinik imaluunniit Internettimik kiffartuussinermi atugassarititaasunut qaqugumulluunniit atuuttunik unioqqutitsisoqartillugu tuniniaanermi piumasaqaatit matumani allassimasut salliutinneqarlutik attuuttussaapput.