Suna allanngortinneqarpa?
Atuisuuffiit akilerneqanngitsut maajip aallaqqaataaniit 2025 allatut periaaseqarfigilissavavut. Siornatigut akiliisimanngikkaluarlutit piffissap ilaani mobiilimut internettimullu kiffartuussissutinik atuisinnaanikuuvutit – taamaassinnaajunnaassaatit. Siunissami qaammatip nikinnerani atuisuuffiit akilerneqarsimanngippata matuneqartarumaarput, taamaalillutit sianersinnaajunnaassaatit, sms-ersinnaajunnaassaatit datamillu atuisinnaajunnaassallutit. Taamaattorli Tusassera-mi akiligassavit akilerneratigut ingerlaannartumik taakkuninnga atuisinnaaleqqissaatit.

Allannguut qaqugu atuutilissava?
Allannguut qaammatip nikinnerani, 30. april aamma maajip aallaqqaataata akornanni atuutilissaaq. Ullormit tassanngaanniit atuisuuffiit akilerneqarsimanngitsut qaammatip nikinnerani matuneqartalissapput.

Atuisuuffiga akilinngikkukku susoqassava?
Mobiilimut internettimulluunniit atuisuuffiit kingusinnerpaamik qaammatip naanerani akilinngikkukku qaammatip nikinnerani matuneqassaaq. Tassa imaappoq akiliinngikkuit sianersinnaajunnaassaatit, sms-ersinnaajunnaassaatit datamillu atuisinnaajunnaassallutit.

Qanoq akiliisinnaavunga qanorlu atuileqqissinnaavunga?
Nittartagarput Tusassera aqqutigalugu qaqugukkulluunniit akiliisinnaavutit ingerlaannarlu atuileqqissinnaallutit. Akiliiniarlutit imaluunniit kortit akiliutitit allanngortinniarlugit/nutarterniarlugit Tusassera-mut isersinnaavutit. Qaammatip aallartinnerani ullormi siullermi Tusassera saqqaatigut erngetumik akiliisinnaavutit.  Qulaani ”Una tooruk”-mik allannertalik toorneratigut erngertumik akiliisinnaavutit. Tamatuma saniatigut atuisuuffiup matunissaata atorunnaarsinnissaatalu tungaanut tallimanngornerit tamaasa aningaasanik nusussiniartarpugut.

Nutaamik kortimik akiliutitaarsimaguma qanoq iliussaanga?
Nutaamik kortimik akiliutitaarsimaguit nammineerlutit kortimut paasissutissaatitit nutartissavatit. www.tusass.gl -imi Tusassera ajornanngitsumik taamaaliorsinnaavutit. Korti nutartereerpat pissusissamisut akiliisalernissat isumagissavarput. Malugiuk qaammammi ullormi kingullermi korti allanngortikkukku pissusissamisut akiliinaviannginnavit.

Atuisuuffiga akilersimanngikkaluarlugu pinasuartoqartillugu suli sianersinnaassaanga?
Aap, atuisuuffinnik akiliisimannginnerit pissutigalugu atuisuuffiit matuneqarsimagaluartoq suli Politiinut (112)-imut Qatserisartunullu (113)-imut sianersinnaassaatit.

Aatsaat qaammatip qiteqqunnerani atuisuuffinnik akiliiguma qanoq akiliitigissaanga?
Assersuutigalugu qaammatip ulluisa qulinganni aatsaat akiliiguit ullut sinneruttut taamaallaat akilissavatit.

Qaqugu ilissinniit SMS-ersissaanga?
Atuisuuffiit akilersimanngikkukku ukuninnga nalunaarutisissaatit:

Qaammat aallartinnerani ulloq siulleq:
"Haluu X
[X] atuisuuffiit akilersimannginnakku, matuarput. Nittartakkatsinnut suli isersinnaavutit, tassani akiliillutit ingerlaannaq ammarteqqissinnaavat. Tamanna uani pissaaq [website] 
Inuss. Tusass"

Qaammammi tassani sms-isissaatit:
"Haluu X,
[x] atuisuuffiit suli akilersimanngilat. Eqqaammajuk [website] aqqutigalugu akiliinikkut ammartissinnaagakku. 
Inuss. Tusass"

Qaammatit pingasut qaangiunneranni SMS kingulleq: 
"Haluu X,
Maanna [x] atuisuuffiit [website] aqqutigalugu akilernissaanut periarfissaq kingullersaraat. Ulloq X sioqqullugu akiliisimaguit, atuisuuffiit ammarneqarsinnaassaaq. Akilersimanngippalli atuisuuffiit atorunnaarsinneqassaaq.
Inuss. Tusass"

Kiffartuussissutit akilersimanngisakka suli atorsinnaavakka?
Naamik, maajip aallaqqaataaniit atuisinnaajunnaassaatit – kiffartuussissutit akilersimanngisatit killilimmik aamma atorsinnaanavianngilatit. Sulili 808080-imut sianerfigisinnaassavatsigut, soorluttaaq nittartakkatsinnut aamma isersinnaasutit.

Qaammatit pingasut kingorna akiliisimanngikkuma susoqassava?
Qaammatit pingasut kingorna suli akiliisimanngikkuit atuisuuffiit tamakkiisumik matuneqarlunilu atorunnaarsinneqassaaq. Tassa imaappoq uagutsinni atuisuuffeqarunnaassaatit. Atuisunngoqqikkusukkuit aallaqqaataaniit atuisunngoqqissaatit – tassa imaappoq nutaamik SIM-kortimik aallissaatit nutaamillu normutaarlutit.

Internetivit nutaap atuutilerniarlugu nalunaaruit isumaqatigiissutitoqqavit isumaqatigiissutillu nutaap nikingassutaat nammineerluni nalimmassassaaq.

Internetsimut atuiffiusoq nutaaq qaammammut siumut akilerneqassaaq. 

Iia, tusassimi imminnut sullinnissamut iserfimmut iseriarlutit taamaaliorsinnaavutit. Imminut sullinnissamut quppernerup naqqani toorsinnaavat ”Voucher atuuttunngortiguk”.  Taava voucherpit isissutaa allassavat kingornalu ”Ingerlaqqigit” toorlugu uppernarsarlugulu voucher atorniarlugu. Taamaaliornikkut voucher atuuttunngorpoq internetsillu sapinngisaqarnerulerluni.    

Isumaqatigiissummik nutaamik inniminniiguit kontunni aki tamakkiisoq inniminnerneqassaaq.  Modemillu nutaaq aagukku inniminniinermi akiliut peerneqassaaq. Tamatuma kingorna akit nikingassutaat kisiat akilissavat, tassaasoq akiliinermut uppernarsaammi allassimasoq.

Aap, Tusass.gl-imut iseriarlutit aaqqinneqarsinnaasuni inississinnaavat akiliinermut allagartat mailikkut pisalernissaanut.

1. tusass.gl-imut iserit qulaanilu talerpiatungaani tuugassaq toorlugu

2. Mobilnormut imaluunniit emailit isissutissat allaguk

3. Kode sisamanik kisitsisitalik SMS-ikkut nassiunneqartoq isissutissaq allaguk

4. 'Aaqqiinerit' quppernerup saamiatungaaniittoq toqqaruk paasissutissaatitillu iserfingalugit

5. Quppernerup ataatungaani 'Nalunaarutit' takukkit, tassanilu uppernarsaatit emailikkut aamma/imaluunniit Uppernarsaatit SMS-ikkut tingusalernissaat toqqaruk, naggataatigullu toqqoruk toornissaa eqqaamallugu.

Qaammammi bankip ammasarfiani kingullermi akiliineq pisarpoq. 2023-mi qaammammi bankip ammasarfii kingulliit ukuupput:

31. januar 2023, Marlunngorneq

28. februar 2023, Marlunngorneq

31. marts 2023, Tallimanngorneq

28. april 2023, Tallimanngorneq

31. maj 2023, Pingasunngorneq

30. juni 2023, Tallimanngorneq

31. juli 2023, Ataasinngorneq

31. august 2023, Sisamanngorneq

29. september 2023, Tallimanngorneq

31. oktober 2023, Marlunngorneq

30. november 2023, Sisamanngorneq

29. december 2023, Tallimanngorneq

Internetimut akiliisimanngikkuit qaammat siulleq internetimik atuinissat 1 Mbit-imut sukkassusilerlugu allanngortinneqassaaq tamatumalu kingorna matuneqassalluni.

Kortit atorneqarsinnaasut ukuupput: Dankort, Visa/Dankort, MasterCard aamma Visa Elektron. Akiliut atorlugu Tusass.gl-imi akiliisinnaanngilatit.

Maluginiaqqussavarput debitkortimik akiliilernermi atuisuuffimmut akiligassaq tamakkiisoq bankimut inniminnerneqareertarmat. Internetimillu attavinitsinneqareernerup kingorna nikingassutaasinnaasut utertiivigineqarumaarmata.

Naamik, internet kontomiit akilersinnaanngilaq. Kisimi mobilikkut atuisuuffiik tusass kontomiit akilersinnaavoq, korti akiliutaasartup imai amigarpata.

Qaammap naanerani akiliinngitsooraanni qaammatip tulliata aallartinnerani ullut tallimat atuisuuffik naliginnaasutut atuutissaaq. Ullut arfinillissaanniit suli internettersinnaavutit kisianni sukkassuseq arriillissaaq, aatsaallu sukkatseqqissalluni atuisuuffik akilerpat. Qaammatip allartinneraniit ullut tallimat qaangiunnerani suli akiliisoqarsimanngippat Tusass imminut pisinnaatippoq atuisuuffimmik unitsitssisinnaanissaminut.   

Aatsaat qaammat iluitsoq akiliisimanngikkaanni internetti matussaaq. Kisianni Tusass.gl iserfigiuaannarsinnaavat, akiligassatillu akileriarlugit atuisuuffiit ammarteqqillugu.