Oqarasuaateqarnermik aaqqiissut tamakkerlugu Tusassimit aqunneqassaaq nutarterneqartassallunilu, taassuma ataani licensit softwarenillu nutarterineq. Atuisoq taamaallaat internetimut attaveqassaaq applikationimillu aallersinnaassalluni.

Atuisuuffimmi atugassarititaasut

Atuisuuffik tassaavoq ingerlaavartumik sullinneqarnissamut isumaqatigiissut piffissami aalajangersimasumi atuuttoq. Atuisuuffik pilersinneqarpat atuisoq Tusass Flowimik atuisinnaalissaaq.

Atuisoq atuisuuffimmut qaammatip ulluani siullermi akiligassinneqartassaaq, qaammammullu siumoortumik akiliisassalluni. Kingusinnerpaamik akiliiffissaq qaammatip naanerani killeqarpoq.

Atuisuunermi qaammat siulleq aatsaat qaammatip tulliani akilerneqassaaq. Tamanna isumaqarpoq akiliiffimmi siullermi qaammatit marluk akilerneqassammata – atuisuuffimmik pilersitsinermi qaammat kiisalu qaammat aggersoq.

Atuisuuffik qaqugukkulluunniit unitsinneqarsinnaavoq. Unitsitsinermut ulloq killissarititaasoq tassaavoq qaammammi ullut 20-at, taamaalilluni qaammammi tulliuttumiit unitsitsineq atuutilissaaq. Unitsitsinermut ullussarititaasoq qaangerneqarsimappat qaammatip tullia ilanngullugu akilerneqassaaq, unitsitsinerlu qaammammik kinguassaaq.

Neqeroorummut tunngatillugu atugassarititaasut

Tusass Flow tassaavoq oqarasuaateqarnermik aaqqiissut systemilu. Hardwarit, soorlu nerrivimmi oqarasuaatit ataatsimiinnermilu oqarasuaatit isumaqatigiissummi uani ilaatinneqanngillat, atorfissaqartinneqassappatalu immikkut isumaqatigiissusiorfigineqarsinnaassapput. Aaqqiissummut tamakkiisumut Tusassip licensit isumagissavai, taamaalilluni atuisoq telefonisystemimik atuisinnaanissaminut akuerineqassaaq.

Atornerlueriataartoqarsinnaanissaanut sillimaniarneq eqqarsaatigalugu Tusass Flowimik atuisunut tamanut Tusass Flowip avataatigut sianersinnaanermut killissarititaasoq qaammammut 50 tiimiuvoq (fair use). Fair use-mi killissarititaasoq oqaluussisinnaanermut killiliissutaanngilaq.

Data pillugit oqartussaassuseqarneq

Datat isumaqatigiissummik atsiornermiit Tusassimut suliassanngortitat pillugit, kiisalu datanik suliarinninnerniit inernerit pillugit atuisoq oqartussaassuseqassaaq piginnittussaatitaallunilu. Datalli taakku Tusassimiit isumaqatigiissut naapertorlugu suliaqarnermi atorneqarsinnaassapput isumannaassutsimut malittarisassat qaqugukkulluunniit atuuttut naapertorlugit.

Isumaqatigiissutip atuukkunnaareerneraniit datanik isumaqatigiissummik atsiornermiit atuisumiit Tusassimut suliassanngortitanik piginniinnarnissaq Tusassip pisinnaatitaaffiginngilaa. Illua-tungeriit akornanni isumaqatigiinnginnernik assigisaannilluunniit pisoqassappat Tusassip datanik tigumminninnissaminut pisinnaatitaaffeqanngilaq. Saniatigut aamma Tusass atuisumit inanneqarnermi kiffartuussisunut allanut datanik nuussinissi pisussaaffigaa.

Tusass Flowimik aaqqiissummik kiffartuussisinnaanissamut datat inummut tunngassuteqartut nalunaarsorsinnaasariaqarput kiffartuussinermullu peqataasunut Telavoximut ingerlateqqinneqarsinnaassallutik. Datat taakku sullissinermi taamaallaat atorneqassapput allanullu ingerlateqqinneqassanatik. Datat ukua tassani pineqarput: Atuisutut normu, Ateq, Mobilnormu, Tusass Flowip normua aamma E-mailadresse.

Akiliinissamut piumasaqaatit (takuuk: ”Tuniniaanermi, tunniussinermi qularnaveeqqutinullu tunngatillugu piumasaqaatit nalinginnaasut”) malinneqarsimanngippata, Tusass atuisup paasissutissaataanik paarinninnissamut pisinnaatitaavoq akiligassat akilerneqarnissaasa tungaannut, kingornalu Tusassip pisussaaffigaa akileereersimanermiit qaammatit 6-it iluanni taakkua nungutersimassallugit.