Sumik ikiorsinnaavatsigit?
Suna allanngortinneqarpa?
Atuisuuffiit akilerneqanngitsut maajip aallaqqaataaniit 2025 allatut periaaseqarfigilissavavut. Siornatigut akiliisimanngikkaluarlutit piffissap ilaani mobiilimut internettimullu kiffartuussissutinik atuisinnaanikuuvutit – taamaassinnaajunnaassaatit. Siunissami qaammatip nikinnerani atuisuuffiit akilerneqarsimanngippata matuneqartarumaarput, taamaalillutit sianersinnaajunnaassaatit, sms-ersinnaajunnaassaatit datamillu atuisinnaajunnaassallutit. Taamaattorli Tusassera-mi akiligassavit akilerneratigut ingerlaannartumik taakkuninnga atuisinnaaleqqissaatit.
Allannguut qaqugu atuutilissava?
Allannguut qaammatip nikinnerani, 30. april aamma maajip aallaqqaataata akornanni atuutilissaaq. Ullormit tassanngaanniit atuisuuffiit akilerneqarsimanngitsut qaammatip nikinnerani matuneqartalissapput.
Atuisuuffiga akilinngikkukku susoqassava?
Mobiilimut internettimulluunniit atuisuuffiit kingusinnerpaamik qaammatip naanerani akilinngikkukku qaammatip nikinnerani matuneqassaaq. Tassa imaappoq akiliinngikkuit sianersinnaajunnaassaatit, sms-ersinnaajunnaassaatit datamillu atuisinnaajunnaassallutit.
Qanoq akiliisinnaavunga qanorlu atuileqqissinnaavunga?
Nittartagarput Tusassera aqqutigalugu qaqugukkulluunniit akiliisinnaavutit ingerlaannarlu atuileqqissinnaallutit. Akiliiniarlutit imaluunniit kortit akiliutitit allanngortinniarlugit/nutarterniarlugit Tusassera-mut isersinnaavutit. Qaammatip aallartinnerani ullormi siullermi Tusassera saqqaatigut erngetumik akiliisinnaavutit. Qulaani ”Una tooruk”-mik allannertalik toorneratigut erngertumik akiliisinnaavutit. Tamatuma saniatigut atuisuuffiup matunissaata atorunnaarsinnissaatalu tungaanut tallimanngornerit tamaasa aningaasanik nusussiniartarpugut.
Nutaamik kortimik akiliutitaarsimaguma qanoq iliussaanga?
Nutaamik kortimik akiliutitaarsimaguit nammineerlutit kortimut paasissutissaatitit nutartissavatit. www.tusass.gl -imi Tusassera ajornanngitsumik taamaaliorsinnaavutit. Korti nutartereerpat pissusissamisut akiliisalernissat isumagissavarput. Malugiuk qaammammi ullormi kingullermi korti allanngortikkukku pissusissamisut akiliinaviannginnavit.
Atuisuuffiga akilersimanngikkaluarlugu pinasuartoqartillugu suli sianersinnaassaanga?
Aap, atuisuuffinnik akiliisimannginnerit pissutigalugu atuisuuffiit matuneqarsimagaluartoq suli Politiinut (112)-imut Qatserisartunullu (113)-imut sianersinnaassaatit.
Aatsaat qaammatip qiteqqunnerani atuisuuffinnik akiliiguma qanoq akiliitigissaanga?
Assersuutigalugu qaammatip ulluisa qulinganni aatsaat akiliiguit ullut sinneruttut taamaallaat akilissavatit.
Qaqugu ilissinniit SMS-ersissaanga?
Atuisuuffiit akilersimanngikkukku ukuninnga nalunaarutisissaatit:
Qaammat aallartinnerani ulloq siulleq:
"Haluu X
[X] atuisuuffiit akilersimannginnakku, matuarput. Nittartakkatsinnut suli isersinnaavutit, tassani akiliillutit ingerlaannaq ammarteqqissinnaavat. Tamanna uani pissaaq [website]
Inuss. Tusass"
Qaammammi tassani sms-isissaatit:
"Haluu X,
[x] atuisuuffiit suli akilersimanngilat. Eqqaammajuk [website] aqqutigalugu akiliinikkut ammartissinnaagakku.
Inuss. Tusass"
Qaammatit pingasut qaangiunneranni SMS kingulleq:
"Haluu X,
Maanna [x] atuisuuffiit [website] aqqutigalugu akilernissaanut periarfissaq kingullersaraat. Ulloq X sioqqullugu akiliisimaguit, atuisuuffiit ammarneqarsinnaassaaq. Akilersimanngippalli atuisuuffiit atorunnaarsinneqassaaq.
Inuss. Tusass"
Kiffartuussissutit akilersimanngisakka suli atorsinnaavakka?
Naamik, maajip aallaqqaataaniit atuisinnaajunnaassaatit – kiffartuussissutit akilersimanngisatit killilimmik aamma atorsinnaanavianngilatit. Sulili 808080-imut sianerfigisinnaassavatsigut, soorluttaaq nittartakkatsinnut aamma isersinnaasutit.
Qaammatit pingasut kingorna akiliisimanngikkuma susoqassava?
Qaammatit pingasut kingorna suli akiliisimanngikkuit atuisuuffiit tamakkiisumik matuneqarlunilu atorunnaarsinneqassaaq. Tassa imaappoq uagutsinni atuisuuffeqarunnaassaatit. Atuisunngoqqikkusukkuit aallaqqaataaniit atuisunngoqqissaatit – tassa imaappoq nutaamik SIM-kortimik aallissaatit nutaamillu normutaarlutit.
Modemit atuutilersikkukku ulloq taanna sullissivik 808080-mut sianerlutit imaluunniit ordre@tusass.gl-mut emailerlutit attavigissavat, Flatratemillu internetitaarsimanerit nalunaarutigalugu. Taava internetikut matutinneqassaaq. Qaammammi tassani internetikunnik atuiffigisatit ullut suli akilertussaassavatit.
Internetsimut atuiffiusoq nutaaq qaammammut siumut akilerneqassaaq.
Mobilikkut atuisuuffittaarniaruit akiliinermut korteqartariaqarputit internetikkut pisinermi atorsinnaasumik. Mobilikkut atuisuuffik interneti aqqutigalugu isumaqatigiissut sanasussaammat Akiliut atorsinnaanngilaq. Kisianni MasterCard Debit bankivit neqeroorutigisinnaavaa Akiliummut tapertatut. MasterCard Debit mobilikkut atuisuuffimmut atorsinnaavoq.
Aap, Tusass.gl-imut iseriarlutit aaqqinneqarsinnaasuni inississinnaavat akiliinermut allagartat mailikkut pisalernissaanut.
tusass.gl-imut iserit qulaanilu talerpiatungaani tuugassaq toorlugu
Mobilnormut imaluunniit emailit isissutissat allaguk
Kode sisamanik kisitsisitalik SMS-ikkut nassiunneqartoq isissutissaq allaguk
'Aaqqiinerit' quppernerup saamiatungaaniittoq toqqaruk paasissutissaatitillu iserfingalugit
Quppernerup ataatungaani 'Nalunaarutit' takukkit, tassanilu uppernarsaatit emailikkut aamma/imaluunniit Uppernarsaatit SMS-ikkut tingusalernissaat toqqaruk, naggataatigullu toqqoruk toornissaa eqqaamallugu.
Mobilikkut imaluunniit internetikkut atuisuuffimmut qaammammut akiliutaasartoq akilerteriaraluarparput. Akiliinngitsoorneq makkuninnga pissuteqarsinnaavoq:
Korti akiliutigisartakkat allanngorsimavoq – kortippit paasissutissartai nutartikkit
Korti matuneqarsimavoq – bankit attavigiuk
Korti akiliinissamut aningaasanik naammattunik imaqanngilaq
Tusass mobiili atuisuuffiit aamma akilersinnaavat Tusass kontut naammattunik imaqarpat. Maana nittartakkatigut Tusass kontut aamma immersinnaavat imaluunniit pisiniarfinni Tusassiseriarlutit immersinnaavat.
Atuisuuffiit akilinngikkukku makkua kinguneqaataassapput:
Qaammap naanerani akiliinngitsooraanni qaammatip tulliata aallartinnerani ullut tallimat atuisuuffik naliginnaasutut atuutissaaq. Ullut arfinillissaanniit suli allallutillu sianersinnaavutit imaluunniit internettersinnaavutit kisianni data arriillissaaq, aatsaallu sukkatseqqissalluni atuisuuffik akilerpat.
Aatsaat qaammat iluitsoq akiliisimanngikkaanni allassinnaanermut sianersinnaanermullu periarfissat matussapput.
Piffissami taaneqartumi suli politiinut, qatserisartunut, napparsimavimmut assigisaanillu sianersinnaatitaavutit.
Internetimut akiliisimanngikkuit qaammat siulleq internetimik atuinissat 1 Mbit-imut sukkassusilerlugu allanngortinneqassaaq tamatumalu kingorna matuneqassalluni.
Kortit atorneqarsinnaasut ukuupput: Dankort, Visa/Dankort, MasterCard aamma Visa Elektron. Akiliut atorlugu Tusass.gl-imi akiliisinnaanngilatit.
Maluginiaqqussavarput debitkortimik akiliilernermi atuisuuffimmut akiligassaq tamakkiisoq bankimut inniminnerneqareertarmat. Internetimillu attavinitsinneqareernerup kingorna nikingassutaasinnaasut utertiivigineqarumaarmata.
Naamik, internet kontomiit akilersinnaanngilaq. Kisimi mobilikkut atuisuuffiik tusass kontomiit akilersinnaavoq, korti akiliutaasartup imai amigarpata.
Qaammap naanerani akiliinngitsooraanni qaammatip tulliata aallartinnerani ullut tallimat atuisuuffik naliginnaasutut atuutissaaq. Ullut arfinillissaanniit suli internettersinnaavutit kisianni sukkassuseq arriillissaaq, aatsaallu sukkatseqqissalluni atuisuuffik akilerpat. Qaammatip allartinneraniit ullut tallimat qaangiunnerani suli akiliisoqarsimanngippat Tusass imminut pisinnaatippoq atuisuuffimmik unitsitssisinnaanissaminut.
Aatsaat qaammat iluitsoq akiliisimanngikkaanni internetti matussaaq. Kisianni Tusass.gl iserfigiuaannarsinnaavat, akiligassatillu akileriarlugit atuisuuffiit ammarteqqillugu.