Sumik ikiorsinnaavatsigit?

Ujaasiffissaq atorlugu imalt. aterpiaanukarlutit tuugassani ujaasigit.
Kina Danmarkimeersumik normutaarsinnaava?

Tusass mobiili atuisuuffigigukku Danmarkimeersumik normutaarsinnaavutit. Tusass immertakkamik imaluunniit atuisuuffimmik pisoqaanernik peqaruit Tusass mobiili atuisuuffimmut nuutseqqaassavat.

Qanoq sivisutigisumik Danmarkimeersumik normoqarsinnavunga?

Tusass mobiili atuisuuffigitillugu normu Danmarkimeersoq pigiuassavat. Tusass immertakkamut nuukkuit normu Danmarkimeersoq atuukkunnaassooq.

Normu Danmarkimeersoq qanoq akeqarpa?

Tusass mobiili atuisuuffigitillugu normu Danmarkimeersoq akeqanngilaq. Normumut Danmarkimeersumut SMS-t sianernerillu tigusatit aamma akeqanngillat.

Normu Danmarkimeersoq sunut atorsinnaavara?

Danmarkimi kiffartuussinerit assigiinngitsut Danmarkimi normoqarnissamik piumasaqaatilinnut tamanut atorsinnaavatit. Soorlu MobilePay, internetsikkut pisiniarnermi imaluunniit biilinut inissiisarfimmut app-imut.

Danmarkimi atuisuuffiga ajorpoq – kina saaffigisinnaavara?

Danmarkimi atuisuuffernut kiffartuussinermut akisussaasoq attavigissavat.

Tusass immertakkamut suut akigititaappat?
Tusass immertagaqAkit DKK
Sianernermut ataatsimut akiliutkr. 0,15
Nunap iluani sianerneq minutsimutkr. 1,20
TELEmit NIPI minutsimutkr. 1,00
SMS naqinnerit 160-ikkaarlugitkr. 0,15
MMSkr. 1,00
Mobildata MB ataaseqkr. 0,80
Mobilimi videokkut oqaluussineq - sianerneqkr. 0,15
Mobilimi videokkut oqaluussineq - minutsimut2,25/2,00
Akit allat
Poortugaq aallarniut (0 kr.-mut oqaluussisinnaaneq ilanngullugu)kr. 0,00
Aningaasanik sinneruttuutinik utertitsineqkr. 75,00
SIM-kortimik taarsiineqkr. 0,00
PIN & PUK-kode pillugu paasissutissinneqarneqkr. 0,00


Sooruna mobilikkut atuisuuffittaarniarunga CPR-nr. atortariaqariga?

Kinaassutsimik uppernarsaatitut aammattaaq akiligassaqarnermut misissuinermut CPR-nr. atortarparput

Mobilimik atuisuuffittaarniaruma qassinik ukioqartariaqarpunga?

18-inik ukioqalereersimassaatit atuisuuffittaarniaruit. Suli 18-liineqanngikkuit ilinnut oqartussaasuullutik akisussaasuusut mobilikkut atuisuuffimmik sanaattariaqassavaatsit

Sooq Tusassimi mobilikkut atuisuuffik toqqassavara?

Mobilikkut atuisuuffik ilinnut naleqquttuuvoq, mobilimut atuinermut kiffaanngissuseqarnerorusuttumut. Saniatigut ukua pitsaaqutit atulissavatit:

1. Oqaluussineq SMS-ernerlu killeqanngitsut.

2. Mobildata akikinneq, aamma datap angissusaa nammineq aalajangerneqarsinnaasoq.

3. Naatsorsuutiginngisamik akiligassartaqanngitsoq.

4. Ajornanngitsumik imminut kiffartuussinnaanngussaatit 'tusassera' atorlugu, atuinerit aqussinnaalerlugu malinnaaffigisinnaalerlugulu

Sumi mobilikkut atuisuuffitaarsinnaavunga?

www.tusass.gl-imi mobilikkut atuisuuffitaarsinnaavutit.

Internetimut attaveqanngikkuit Tusassimukarlutit atuisuuffiittaarsinnaavutit.

Mobilikkut atuisuuffiit tamarmik mobilikkut atuisuuffimmut nuutsinneqarsinnaappat?

Aap, mobilimik atuisuuffiit tamarmik mobilikkut atuisuuffimmut nuutsinneqarsinnaapput. SIM-kort normullu taarsertariaqanngilatit. Mobilikkut atuisuuffittaarniaruit uani nittartakkami ajornanngitsumik pisaarisinnaavat, immikkut saniatigut akiliinak. Tusassiliaqqaartariaqanngilatit.

PIN- aamma PUK kodekka allanngussappat mobilikkut atuisuuffimmut nuukkuma?

Naamik, PIN- aamma PUK-kodetit allanngortinneqassanngillat.

Mobilikkut atuisuuffiga isertortumik normutaartissinnaavara?

Smartphoneqaruit normut aaqqissinnaavat isertortunngortillugu

Sunaana Tusass saldo?

Tusass saldo atorlugu takusinnaavat Tusass kontunni uninngasuutitit qanoq innersoq. Kontut imaqartariaqarpoq, normunut immikkut ittunut nunanut allanullu sianerneriaruit imaluunniit SMS-erniaruit.

Mobilima normua mobilikkut atuisuuffimmut nuukkuma nassarsinnaavara?

Aap, nassarsinnaavat. Nuunnermi normuit paariinnarnissaa pisariillunilu akeqanngilaq. Mobilimik atuisut tamarmik normutik allanngortinnagit SIM-kortillu taarsernagit, mobilikkut atuisuuffimmut nuussinnaapput. Nittartagaq www.tusass.gl aqqutigalugu nuussinnaavutit, Tusassiliaqqaartariaqarnak. Atuisuuffittaarneq pisariillunilu akitsuuteqanngilaq.

Mobilikkut atuisuuffinni telefoni nammineq akisartulersinnaavara?

Aap.


Nammineq akisartoq atuutsilerniarlugu uku toortassavatit:

Akisoqartinnagu: * * 61 * 50 mobilnormullu #

Sianerfiusinnaasup avataani: * * 62 * 50 mobilnormullu #

Optageqqatillugu: * * 67 * 50 mobilnormullu #

Sianertut tamaasa: * * 21 * 50 mobilnormullu #


Nammineq akisartoq atuutsikkunnaarlugu:

Nunani allaniitsillutit nammineq akisartoq atuutsillugu sianerfigitikkaangavit illit roamernermut akiligassaq akilissavat, aamma oqarasuaat angallattagaq qaminngagaluartoq.


Nammineq akisartoq atuutsikkunnaarniarlugu uku toortassavatit:

Akisoqartinnagu: # # 61 #

Sianerfiusinnaasup avataani: # # 62 #

Optageqqatillugu: # # 67 #

Sianertut tamaasa: # # 21 #

Mobilikkut atuisuuffeqaruma 0 GB data toqqarnikuullugu taava kontora atorlugu internetersinnaavunga?

Mobilikkut atuisuuffik internetimut atorusukkukku data ilannguteqqaassavat

Killeqanngitsumik oqaluussineq SMS-ernerlu sumi atorneqarsinnaappat?

Killeqanngitsumik oqaluussineq aamma SMS/MMS taamaallaat nunatsinni normunut atuuppoq. Normunut immikkut ittunut, ass. 118 immaqaluunniit nunanut allanut, ass. Danmark, sianerneq/SMS akit atuuttut malillugit Tusass kontomiit ilanngaanikkut akilertinneqartassapput. Imatut paasillugu, Tusass kontot imaqartariaqassaaq.

Tusassima imarisai qanoq paasiniarsinnaavakka?

1800-mut SMS-erit allallugu 'Saldo' imaluunniit Tusass.gl iserfigiuk.

Mobilikkut atuisuuffimmik mobildatalimmik toqqaaguma qaqugukkut mobildata atorsinnaalissavara?

Pisinerup nalunaarsorneqarnissaa systemimut sivisulaarsinnaavoq. Mobili qameriarlugu ikeqqinnera ilaannikkut iluaqutaasarpoq.

Mobilikkut atuisuuffik videoopkaldimut atorsinnaavaa?

Videoopkald marloqiusatut paasineqarsinnaavoq:

1. Samsung mobilit nutaajunerusut sananeqaatimikkut videoopkaldernissamut peqareertarput, kisiannili aatsaat mobilikkut attaveqaatit taamatut atorsinnaappata.

Malugiuk: Ajoraluartumik mobilikkut attaveqaatit mobilikkut atuisuuffimmi atortut taamatut videoopkald atorlugu sianersinnaanngillat.

2. Mobilit smartphonesit ullumikkut apps atorlugit videopkaldersinnaapput, taamaalillutit oqaluussat takusinnaallugu. Apps-it atorsinnaasat assersuutitut makkuupput FaceTime, Messenger, Hangouts il.il. Taamatut sianerneq mobildatanik kisiat atuisarpoq, taamaalillutit taamatut sianersinnaarusukkuit taava mobilikkut atuisuuffik mobildatalik toqqassavat.

Mobilikkut atuisuuffinni mobildata tamaat atorsimagukku susoqassava?

Mobildata nunguppat attaviata sukkassusaa 32 Kbps-mut appartinneqassaaq. Attavia sukkatseqqikkusukkukku data annertussusilersinnaavat 'tusassera' aqqutigalugu - datamik allanngortitsineq nikiseqqinneqanngikkuni atuutiinnassaaq.

Atuisuuffinnik qaqugukkut allanngortitsisinnaavunga?

Tusass.gl "Iserit" aqqutigalugu qaqugukkulluunniit apeqqutaanani qaammatip qanoq isinerani Tusass mobiilikkut atuisuuffimmut nuussinnaavutit, imaluunniit atuisuuffiit mobildatamik annertunerusumik ilallugu atuisuuffeqalissaguit, qaqugukkulluunniit allanngortissinnaavat. Allannguut iluatsinngitsuusuusippat mobiltelefonit qameriarlugu ikeqqissavat, allannguutivit atuutilernera isumannaavinniarlugu.

Atuisuuffiit annikinnerusumik imaqartilerusukkukku, Tusass mobiilikkut atuisuuffik mobildatamik annikinnerusumik imaqartilernissaa isumagisariaqassavat. Imaluunniit Tusass immertakkamut uteqqikkusussaguit, Tusass mobiilikkut atuisuuffik killeqanngitsumik oqaluussisinnaanera nunguterlugu aallaqqaataaneernissaa isumagisariaqassavat. Tamannalu qaammatip ulluisa 20-at qaangiutsinnagu appartittariaqassavat, taamaanngippammi atuisuuffiit qaammamik ataatsimik ingerlaqqissammat.

Malugiuk: Atuisuuffiit taamaallaat apparsinnaavat qaammammi tassani qaffassimanngikkukku. Qaffaasimaguit qaammammi tassani appaasinnaajunnaassaatit.

Mobilikkut atuisuuffimmik atuisutut immertagaq sooq immereerlugu datamik atuisinnaanngilanga?

Mobilikkut atuisuuffimmik atuisuuguit atuisuuffiit atorlugu oqarasuaatip angallattakkap dataa atorsinnaanngilat. Tassunga taarsiullugu oqarasuaammut angallattakkamut atuisuuffimmik annertunerusumik, datamik ilalimmik, pisissaatit. Taamaaliorsinnaavutit www.tusass.gl iserfigeriarlugu normut atorlugu ”Atuisuuffik” iserfingalugu datap annertussusissaa sanimut toortakkat atorlugu toqqaanikkut.

Qanoq ilillunga 118-imut, Nalunaaquttamut, Silassamut assigisaannullu sianersinnaavunga?



Taakkununnga sianerneq normunut immikkut ittunut sianernertut akeqartinneqarpoq, taamaattumik konto imaqartariaqarpoq taakkununnga normunut sianerniaraanni.

Ujakkat nassaarisinnaanngiliuk? Taamaappat attavigisigut
‘Attavigisigut’ tooruk apeqqutillu nassiullugu. Sapinngisamik piaartumik akineqarumaarputit.
Attavigisigut

Attavigisigut

Saaffiginnissutinnut qujanaq,
ulluinnaat 5-t qaangiutsinnagit attavigineqassaatit.
*
*
*
*
*
*
*