Killilersuisoq tassaavoq internetikkut attaveqaatip sukkassusaanik arriilisitsisinnaasoq. Assersuutigalugu angerlarsimaffimmi WiFi-mut atortut imaluunniit ataatsikkut atuisut arlaqarpata attaveqaatip sukkassusaanik arriilisitsisinnaammata. Taannalu killilersuisinnaavoq.

Nittartakkatsinni ajutoornermi nalunaarutit misissorsinnaavatit ’Atuisunik sullissineq’ toorlugu malitsigisaanillu ’ajutoornermi nalunaarut’ toorlugu.  

Sumiiffinni paasissutissiisoqanngippat, Orbi App aqqutigalugu modemit qameriarlugu ikeqqissinnaavat. Iluaqutaanngippat modemit naqqaniit aallarteqqissinnaavat. Suli internetimut attavinissimanngikkuit qinnuigaatsigit ammasarfitsinni atuisunut sullissivik 80 80 80-imut sianerfigissagitsigut.      

Atortorissaarutit ilaat WiFi-mut attaveqarsinnaappata allalli attaveqarsinnaanngippata, atortorissaarutit ilaat pisoqaanerusimasinnaanerannik peqquteqarsinnaavoq. Taamaattumik atortoq attaveqarsinnaanngitsoq WiFi 6-mik atuisinnaanersut misissoruk.

Angerlarsimaffinni Wifi-p atornerata pitsanngortinnissaanut makku iliuuserikkit:

- Sikaaviit iluinut, pequtit tunuinut assigisaannulluunniit inissinneranut taarsiullugu routerit angerlarsimaffinni qaffasissumut aammalu qiterpasissumut inissiguk: Routerip antenniisa nassiussuilluarnerusinnaanerat pitsanngortinneqassaaq.

- Atortut ledningeqanngitsut imaluunniit suut saviminertallit allat allamut inissikkit: Routerivit atortut ledningeqanngitsut allat qanittuaniinnginnissaa isumagiuk, soorlu nipilersornermi sakkuutit, telefonit ledningeqanngitsut, meeraaqqat sunerinut kalerrisaarutit, mikroovnit assigisaallu. Atortut ledningeqanngitsut aammalu kissarsuutit, igat, imermik kissartuusiviit Wifiinnik ajorseriartitsisinnaapput.

- Pisariitsuutitsigit: Tusass-ip teknikeriisa angerlarsimaffimmi attaveqaasersuisimanerit takusarpaat, tassalu tallisaasiisimanerit aammalu attaveqaatinut atortunik pisariaqanngitsunik attavilersuisimanerit, soorlu switche-nik, pissutaallutik paasissutissanik ingerlatitsinermut sukkassutsimik ajorseriartitsisunik.

- Interneti sukkanerpaaq pissarsiarikkajunnerussavat ethernetip ikkuffia qarasaasiannut toqqaannartumik ikkukkukku.

Atortunik artukkiineq peeruk

- Amerlasuut Wifi-mut attaveqaammut ataatsimut ataatsikkut attavillit, sukkassutsimut sunniisinnaaqaat. Angerlarsimaffimmi attaveqaatit artukkerneqarsinnaapput mobiltelefoninit, tabletinit, qarasaasianit angallattakkanit aammalu smart tv-mit, Wifimut ikkusimasimappata.

- Qarasaasiavit tunuani programmerpassuarnik ingerlatitaqaruit, tamanna Wifiinnut atorsartitsisinnaavoq. Tassani pingaartumik pineqarput programmit piffissami tassani internetimik aamma atuisut. Assersuutigalugu Skype, Dropbox imaluunniit fil-inik avitseqatigiinnernut programmit, illit nipilersukkanik filiminillu aallerfigisatit. Browserit aamma virusininnaveersaarutit (antivirus-software) nutartikkit imaluunniit qarasaasianni isumannaallisaanermut ajoqutaasinnaasunik allanik scanneralutit ujaasigit.

- Qarasaasiavit naammattunik RAM-eqarnissaa isumagiuk: Qarasaasiavit eqqaamasaqarsinnaassusia naammanngippat, suna tamarmi sukkaatsuararsuartut isikkoqarsinnaavoq.

Qulaani allassimasut arlaannaalluunniit iluaqutaanngippat, Atuisunik Sullissivik 808080-mut sianerfigiuk.

WiFi-mut artukkiineq annikillisissinnaavat:

• Atortut atorneqanngitsut qaminnerisigut

• Programmit internetimik atuisut matusarnerisigut

• Browserit aammalu isumannaallisaanermut programmit nutarsartuarnerisigut

• Qarasaasiavit eqqaamassusaa naammannersoq qulakkeerneratigut

Modemit angerlarsimaffimmi qiterpasinnerusumut inissinniaruk. Taamaaliornikkut atortut modemimit ungasinnerusumiittut pitsaanerusumik WiFi-mut attaveqarluarsinnaanngussapput.