Allakkat Frimærkillu
Tusassip allakkanik tamalaanik isumaginnittarlutik frimærkinillu saqqummersitsisarput.
Aallertarfimmut nalunaarit
Aallertarfik tassaavoq aallertarnermut aaqqiissut nutaaq, allakkanik poortukkanillu tigusinissannik ilinnut pisariinnerulersitsisoq. Aallerfik atorukku sumiiffinni aallertarfimmi aasassaqaleruit SMS-isissaatit imaluunniit e-mailisillutit.
Aallertarfik maanna Tusassip pisiniarfiutaani aalajangersimasuni atorsinnaalernikuuvoq, piffissalli ingerlanerani nuna tamakkerlugu periarfissaalissalluni. Sumiiffinni pisiniarfimmi Aallerfik atorsinnaalersimanersoq alakkaruk.
Kiffartuussissut nutaaq akeqanngilaq, taamaattumik ullumikkut Aallerfimmut ilanngugit.
Nutaarsiassat kingulliit
PostNord allakkisarnermut akisussaaffik annerpaaq DAO-imut ulloq 1. januar 2026 aallarnerfigalugu tunniuppaa.
Uani takusinnaavat tamanna qanoq isumaqassanersoq:
Nunatsinnit Danmarkimut allakkanik nassiussineq
✅ Nunatsinni atuisunut allanngortoqassanngilaq.
-
Allakkat naliginnaasut PostNord-miit DAO-imut tunniunneqassapput, tassanngaanniillu Danmarkimi nassiuffimminnut apuunneqarlutik.
-
Allakkat naqinneqartartut (ass. allakkat periarfissarsisinnaassusillit) naliginnaasumik PostNord-mit suliarineqartassapput.
Danmark-imit Nunatsinnut nassiussat
⚠️ Allanngortoqassaaq.
-
Allakkat DAO-imut tunniunneqassapput. PostNord ulloq 1/1-2026 aallarnerfigalugu allakkanik tigusisarunnaarput.
-
DAO taamaasilluni allakkat PostNord-imut tunniutissavaat tassuunalu Nunatsinnut nassiunneqarnissaat isumagissallugu.
Danmark-imi allakkanik nassiussinissamut paasissutissat allat uani paasisaqarfiginerusinnaavatit:
Nunani tamalaani allakkanik periarfissarsisinnaassusilinnik malittarisassat allanngortinneqarnerat
- januar 2026 aallarnerfigalugu allakkat periarfissarsisinnaassusilinnik Danmarkimut nunanullu tamalaanut nassiunneqartussat, pappiliaannarnik imaqarsinnaalissapput.
Ima isumaqarpoq, Allakkatigut Danmarkimut nunanullu tamalaanut nassiussassat, pisiassanik tigussaasunilluunniit nassiussassat periarfissarsisinnaassusilittut nassiunneqarsinnaajunnaassammata. Taamaallaalli allakkatut poortukkatullu naliginnaasutut kisiat nassiunneqarsinnaalerumaartut.
Nunattali iluani nassiussisarnerit allanngortinneqanngillat. Taamaammallu nassiussassat pisiassat imaluunniit tigussaasut periarfissarsisinnaassusilittut nassiussinnaajuarumaarlutik.
Allannguummut apeqqutissaqaruit saaffiginninnissannut tikilluaqqusaangaarputit, uunga: post@tusass.gl
imaluunniit Atuisunut Sullissivimmut oqarasuaat 565644 imaluunniit 565699.
USA-mut aamma Puerto Ricomut allakkanut tunngatillugu akitsuutitigut killilersuinerit nutaat
29. august 2025-miit nunani tamalaani allakkanik nassiussisarnermut sunniuteqartumik USA malittarisassanik nutaanik atuutilersitsissaaq.
✅ Nassiussinnaasatit:
-
Allakkat (allannguuteqanngilaq)
-
100 USD ataallugu allakkat/poortukkat inuinnarnit tunissutit
-
Poortukkat 800 USD sinnerlugu nalillit (nalinginnaasumik akitsuuserneqassapput)
❌ Nassiussinnaanngisatit:
-
Inuinnarnit allakkat poortukkallu 100–800 USD akornanni nalillit.
-
Suliffeqarfinnit allakkat poortukkallu 800 USD inorlugit nalillit
Allakkat nassiunneqartut tamaasa nalinginnaasumik isumagineqarsinnaaniassammata aaqqiissuteqarnissaq anguniarlugu Tusassip PostNord suleqatigivaa.
Nassiussat tamarmik piumasaqaatinik taakkuninnga naammassinninngitsut Kalaallit Nunaannut utertinneqarnissaat PostNordimiit ilisimatitsissutigineqarpoq.
Apeqqutissaqaruit uunga attavigisinnaavatsigut post@tusass.gl.
Sammisaq una pillugu paasissutissat sukumiinerusut linkimi PostNordimeersumi takuneqarsinnaapput: Paasisaqarnerugit
Allakkanik poortukkanillu nassiussinermi akit nutaat
2025 januaarip 1-aniit atuutilersut.
Nuuttussaavit?
Najukkat nutaaq nalunaarutigiuk, allakkat poortukkallu najukkannut nutaamut apuuttarniassammata.
Allakkanik nassiussineq
Allakkanik nassiussiniaruit arlalinnik periarfissaqarputit. Iluarinerusat toqqaruk.
Frimærkit
Frimærkit saqqummersitat assigiinngisititaartut neqeroorutigaavut, pisiassaapput ataasiakkaatut arlalikkaatulluunniit. Sisamakkaartut, qulikkaartut, nipitittakkat kiisalu tammajuitsussarsiassatut pisiassat. Aamma ukiup ingerlanerani saqqummersimasut ataatsimoortut piumaneqarluartartut aamma neqeroorutigaavut. Frimærkit tamarmik nalingat allanngortinnagit tunineqartarput.
Annertunerusumik uani atuarsinnaavutit:
Ammasarfiit
Poortukkat nassiussat, tikittussat assigisaalluunniit pillugit apeqqutissaqaruit Atuisunut Sullissivitsinnut saaffiginninnissannut tikilluaqqusaavutit.
