Internetimik aaqqiissutissannik ujarlerit
Internetimut atuisuuguit iserit. Nuutaajuit? ‘Ujaruk’ tooruk, sukkassutsillu assigiinngitsut toqqagassat misissorlugit.
Interneteqariinngikkuit
Sukkassuseq uuttortaruk
Internetip sukkassusaata uuttornissaa pisariaqartippiuk?
Taava uani uuttortarsinnaavat.
5G, attaveqaatit kinguaariit tallimaat
5G sukkanerusoq, utaqqinertaqanngitsumik piginnaasalik, mobilikkullu attaveqaatit aqqutigalugit sukkasuumik datanik nassiussillutillu tigooraavigisinnaasat pillugu paasisaqarnerugit. 5G illoqarfinni qulini ullumikkut pissarsiarineqarsinnaavoq*
*Qaammataasanut attavilinnut nunaqarfinnullu atuutinngilaq
Suliffeqarfinnut interneti
Tusass Suliffeqarfinnut internetimik patajaatsumik isumannaatsumillu pilersuisuuvoq. Internetimut atuisuuffimmik imaluunniit allaffippit avataani attaveqarnissannik pisariaqartitsiguit mobilimut internetimik flatratemik toqqaagit.
Ilisimasassat pitsaasut
Tusass speedtest
Una toorlugu internetip sukkassusaa uuttortaruk
Internetip sukkassusaanut uuttuutip misissortarpaa Tusassip serverianut attaviit qanoq sukkatiginersoq.
Internetip sukkassusaata uuttortarnissaanut kigornalu inerneranut akornutaasinnaasut arlaqarput. Pitsaanerpaamik eqqornerpaamillu uuttorniarukku pingaaruteqarpoq ethernet kabeli toqqaannaq computerimut attavilerlugu uuttuinissaq.
Imatut eqqortumik internetip sukkassusaa uuttorsinnaavat:
Modemmimiit ethernet kabeli computerimut attavileruk
Atortorissaarutit allat modemmimut attaveqarsinnaasut qamikkit
Computerinni wifi qamiguk
Computerinni programmit ammasut matukkit
Computerimi firewall aammalu antivirusit atorunnaarseqqaakkit
Tusass.gl-imut iserniaruma qanoq iliussaaga?
Tusass.gl saqqaani qulaani talerperlermi tuussavat "Iserit". Taava mobiilivit normua allakukku SMS-kut kodemik isissutissarnik pissaatit. E-mail allallugu aamma isersinnaavutit, kinguneranilu kode isissutissatut nalunaarsornikuusat allallugu.
Isereeruit atuisutut isumaqatigiissutitit allanngortissinnaavatit, soorlu akiliisarnermut korti allanngortillugu, mobildatap annertussusaa allanngortillugu imaluunniit akiliisimanernut nalunaarsuutit takullugit.
Atuisuuffimmik akiliisarnermut malittarisassat nutaat
Suna allanngortinneqarpa?
Atuisuuffiit akilerneqanngitsut maajip aallaqqaataaniit 2025 allatut periaaseqarfigilissavavut. Siornatigut akiliisimanngikkaluarlutit piffissap ilaani mobiilimut internettimullu kiffartuussissutinik atuisinnaanikuuvutit – taamaassinnaajunnaassaatit. Siunissami qaammatip nikinnerani atuisuuffiit akilerneqarsimanngippata matuneqartarumaarput, taamaalillutit sianersinnaajunnaassaatit, sms-ersinnaajunnaassaatit datamillu atuisinnaajunnaassallutit. Taamaattorli Tusassera-mi akiligassavit akilerneratigut ingerlaannartumik taakkuninnga atuisinnaaleqqissaatit.
Allannguut qaqugu atuutilissava?
Allannguut qaammatip nikinnerani, 30. april aamma maajip aallaqqaataata akornanni atuutilissaaq. Ullormit tassanngaanniit atuisuuffiit akilerneqarsimanngitsut qaammatip nikinnerani matuneqartalissapput.
Atuisuuffiga akilinngikkukku susoqassava?
Mobiilimut internettimulluunniit atuisuuffiit kingusinnerpaamik qaammatip naanerani akilinngikkukku qaammatip nikinnerani matuneqassaaq. Tassa imaappoq akiliinngikkuit sianersinnaajunnaassaatit, sms-ersinnaajunnaassaatit datamillu atuisinnaajunnaassallutit.
Qanoq akiliisinnaavunga qanorlu atuileqqissinnaavunga?
Nittartagarput Tusassera aqqutigalugu qaqugukkulluunniit akiliisinnaavutit ingerlaannarlu atuileqqissinnaallutit. Akiliiniarlutit imaluunniit kortit akiliutitit allanngortinniarlugit/nutarterniarlugit Tusassera-mut isersinnaavutit. Qaammatip aallartinnerani ullormi siullermi Tusassera saqqaatigut erngetumik akiliisinnaavutit. Qulaani ”Una tooruk”-mik allannertalik toorneratigut erngertumik akiliisinnaavutit. Tamatuma saniatigut atuisuuffiup matunissaata atorunnaarsinnissaatalu tungaanut tallimanngornerit tamaasa aningaasanik nusussiniartarpugut.
Nutaamik kortimik akiliutitaarsimaguma qanoq iliussaanga?
Nutaamik kortimik akiliutitaarsimaguit nammineerlutit kortimut paasissutissaatitit nutartissavatit. www.tusass.gl -imi Tusassera ajornanngitsumik taamaaliorsinnaavutit. Korti nutartereerpat pissusissamisut akiliisalernissat isumagissavarput. Malugiuk qaammammi ullormi kingullermi korti allanngortikkukku pissusissamisut akiliinaviannginnavit.
Atuisuuffiga akilersimanngikkaluarlugu pinasuartoqartillugu suli sianersinnaassaanga?
Aap, atuisuuffinnik akiliisimannginnerit pissutigalugu atuisuuffiit matuneqarsimagaluartoq suli Politiinut (112)-imut Qatserisartunullu (113)-imut sianersinnaassaatit.
Aatsaat qaammatip qiteqqunnerani atuisuuffinnik akiliiguma qanoq akiliitigissaanga?
Assersuutigalugu qaammatip ulluisa qulinganni aatsaat akiliiguit ullut sinneruttut taamaallaat akilissavatit.
Qaqugu ilissinniit SMS-ersissaanga?
Atuisuuffiit akilersimanngikkukku ukuninnga nalunaarutisissaatit:
Qaammat aallartinnerani ulloq siulleq:
"Haluu X
[X] atuisuuffiit akilersimannginnakku, matuarput. Nittartakkatsinnut suli isersinnaavutit, tassani akiliillutit ingerlaannaq ammarteqqissinnaavat. Tamanna uani pissaaq [website]
Inuss. Tusass"
Qaammammi tassani sms-isissaatit:
"Haluu X,
[x] atuisuuffiit suli akilersimanngilat. Eqqaammajuk [website] aqqutigalugu akiliinikkut ammartissinnaagakku.
Inuss. Tusass"
Qaammatit pingasut qaangiunneranni SMS kingulleq:
"Haluu X,
Maanna [x] atuisuuffiit [website] aqqutigalugu akilernissaanut periarfissaq kingullersaraat. Ulloq X sioqqullugu akiliisimaguit, atuisuuffiit ammarneqarsinnaassaaq. Akilersimanngippalli atuisuuffiit atorunnaarsinneqassaaq.
Inuss. Tusass"
Kiffartuussissutit akilersimanngisakka suli atorsinnaavakka?
Naamik, maajip aallaqqaataaniit atuisinnaajunnaassaatit – kiffartuussissutit akilersimanngisatit killilimmik aamma atorsinnaanavianngilatit. Sulili 808080-imut sianerfigisinnaassavatsigut, soorluttaaq nittartakkatsinnut aamma isersinnaasutit.
Qaammatit pingasut kingorna akiliisimanngikkuma susoqassava?
Qaammatit pingasut kingorna suli akiliisimanngikkuit atuisuuffiit tamakkiisumik matuneqarlunilu atorunnaarsinneqassaaq. Tassa imaappoq uagutsinni atuisuuffeqarunnaassaatit. Atuisunngoqqikkusukkuit aallaqqaataaniit atuisunngoqqissaatit – tassa imaappoq nutaamik SIM-kortimik aallissaatit nutaamillu normutaarlutit.
..
..
..