Sumik ikiorsinnaavatsigit?

Ujaasiffissaq atorlugu imalt. aterpiaanukarlutit tuugassani ujaasigit.
Sooruna 3D security internetikkut akiliilernermi atussagiga

Tamanna kortimik akiliilernermi isumannaallisaanerulernissaq anguniarlugu 3D security atulersipparput. Namminnerluta isumannaallisaaneq angutserumavarput, saniatigulli suleqativut NETS aammalu Swedbanki EU-miit inatsisitigut 3D security atorneqalernissaannut piumasaqaataalernissaa ungasigunnaarmat.

Atuisutta ilisimasariaqassavaat, kortit akiliutitik "Verified by Visa"-mut imaluunniit "Mastercard ID Check"-imut mobilnormutik ilanngullugit nalunaarutigissagaat, qaavatigullu qarasaasiami ingalaajusaq nutaaq puttutissasoq. Pingaaruteqarpoq ilisimanissaa, mobilnormu tunniussaq Tusassimit aqunneqanngimmat. Tamannali atuisup bankianit taamaallaat aqunneqarmat, netbanki imaluunniit NemID aqqutingalugu allanngortinneqarsinnaalluni. 3D security atuutilernissaanut nalornilissaguit bankivit saaffiginissaa innersuussutigissavarput.

Annertunerusumik paasisaqarusukkuit uani atuarit

Korti akiliutaasoq 3D securitymut ilanngussimanngippat, atuutilernissaanut innersuussissaagut. Ilanngunneqarsimanngippat akiliinissaq iluatsinneqarsinnaanavianngilaq, taamaattumillu ilanngunnissa isumannaaqqaartariaqassalluni.

Tamanna akiliilernermi ingalaajusap nuinerani imaluunniit linkimi ataani saqqummiussami isumannaarneqarsinnaavoq. Tamanani NemID pisariaqassaaq.

NemID piginngikkaanni bankerisaq saaffigineqartariaqassaaq.

3D securitymut ilanngugit

Nordea-miit akiliut

Tusassimi atuisuuffinnut akiliiniarnermi Nordea-minngaanniit akiliutit ajoquteqartarsinnaapput. Misissuereerluta paasivarput ajornartorsiut Tusass-imiinngitsoq. Illit Nordea-miit kortinnik ajornartorsioruit bankit saaffigissavat.

Voucher

Voucheri atorlugu, abonnementimut akiliutigisartagaq avaqqullugu, kodemik pisisoqarsinnaavoq taamasillunilu piffissami aalajangersimasumi akisunerusumik atuisuuffeqalissagaanni, nikigassutaa allatut akiliinikkut pisisarineqarsinnaalluni imaluunniit tunissutigineqarsinnaalluni.
Assersuutingalugu sulisitsisoq sulisuminut atugassiamik voucherimik pisisinnaavoq, angerlarsimaffiani attavia aallarniutaasumik 5Mbit-iuppat 30 Mbit-imut piffissami aalajangersimasumik qaffassinnaallugu.

Tusassimut akiitsoqarlunga mobilikkut atuisuuffitaarsinnaavunga?

Akiitsoqaruit systemimi tamanna nalilersorneqaqqaassaaq. Tamanna pillugu nalorniguit atuisunut sullissivipput attavigisinnaavat 808080-mut sianerlutit imaluunniit atuisut@tusass.gl-imut allallutit

Akiliut kisiat pigaara, qanoq iliussaanga?

Mobilikkut atuisuuffittaarniaruit akiliinermut korteqartariaqarputit internetikkut pisinermi atorsinnaasumik. Mobilikkut atuisuuffik interneti aqqutigalugu isumaqatigiissut sanasussaammat Akiliut atorsinnaanngilaq. Kisianni MasterCard Debit bankivit neqeroorutigisinnaavaa Akiliummut tapertatut. MasterCard Debit mobilikkut atuisuuffimmut atorsinnaavoq.

Akiliutigisimasannut uppernarsaatit mailikkut pisinnaavakka?

Aap, tusass.gl-imut iseriarlutit aaqqinneqarsinnaasuni inississinnaavat akiliinermut allagartat mailikkut pisalernissaanut.


1. tusass.gl-imut iserit qulaanilu talerpiatungaani tuugassaq toorlugu

2. Mobilnormut imaluunniit emailit isissutissat allaguk

3. Kode sisamanik kisitsisitalik SMS-ikkut nassiunneqartoq isissutissaq allaguk

4. 'Aaqqiinerit' quppernerup saamiatungaaniittoq toqqaruk paasissutissaatitillu iserfingalugit

5. Quppernerup ataatungaani 'Nalunaarutit' takukkit, tassanilu uppernarsaatit emailikkut aamma/imaluunniit Uppernarsaatit SMS-ikkut tingusalernissaat toqqaruk, naggataatigullu toqqoruk toornissaa eqqaamallugu.

Qaqugukkut mobilikkut atuisuuffiga imaluunniit interneti akilertassavara?

Qaammammi bankip ammasarfiani kingullermi akiliineq pisarpoq. 2022-mi qaammammi bankip ammasarfii kingulliit ukuupput:

Januaari : 31. januar
Februaari : 28. februar
Marsi : 31. marts
Apriili : 29. april
Maaji : 31. maj
Juuni : 30. juni
Juuli : 29. juli
Aggusti : 31. august
Septembari : 30. september
Oktobari : 31. oktober
Novembari : 30. november
Decembari : 30. december

Mobilikkut atuisuuffiup akilinngitsoornera

Mobilikkut imaluunniit internetikkut atuisuuffimmut qaammammut akiliutaasartoq akilerteriaraluarparput. Akiliinngitsoorneq makkuninnga pissuteqarsinnaavoq:

- Korti akiliutigisartakkat allanngorsimavoq – kortippit paasissutissartai nutartikkit

- Korti matuneqarsimavoq – bankit attavigiuk

- Korti akiliinissamut aningaasanik naammattunik imaqanngilaq

Tusass mobiili atuisuuffiit aamma akilersinnaavat Tusass kontut naammattunik imaqarpat. Maana nittartakkatigut Tusass kontut aamma immersinnaavat imaluunniit pisiniarfinni Tusassiseriarlutit immersinnaavat.

Atuisuuffiit akilinngikkukku makkua kinguneqaataassapput:

Qaammap naanerani akiliinngitsooraanni qaammatip tulliata aallartinnerani ullut tallimat atuisuuffik naliginnaasutut atuutissaaq. Ullut arfinillissaanniit suli allallutillu sianersinnaavutit imaluunniit internettersinnaavutit kisianni data arriillissaaq, aatsaallu sukkatseqqissalluni atuisuuffik akilerpat.

Aatsaat qaammat iluitsoq akiliisimanngikkaanni allassinnaanermut sianersinnaanermullu periarfissat matussapput.

Piffissami taaneqartumi suli politiinut, qatserisartunut, napparsimavimmut assigisaanillu sianersinnaatitaavutit.

Tusass internet akilinngitsooraanni sukkassuseq qanoq appassava?

30/5 Mbit appassaaq 1Mbit-mut

10/2 Mbit appassaaq 512 Kbit-mut

5/1 Mbit appassaaq 256 Kbit-mut

Akiliinermut kortit sorliit tusass.gl-imi atorsinnaavakka?

Kortit atorneqarsinnaasut ukuupput: Dankort, Visa/Dankort, MasterCard aamma Visa Elektron. Akiliut atorlugu Tusass.gl-imi akiliisinnaanngilatit.

Maluginiaqqussavarput debitkortimik akiliilernermi atuisuuffimmut akiligassaq tamakkiisoq bankimut inniminnerneqareertarmat. Internetimillu attavinitsinneqareernerup kingorna nikingassutaasinnaasut utertiivigineqarumaarmata.

Tusassikkut interneti kontomiit akilersinnaava?

Naamik, internet kontomiit akilersinnaanngilaq. Kisimi mobilikkut atuisuuffiik tusass kontomiit akilersinnaavoq, korti akiliutaasartup imai amigarpata.

Tusass internetimik atuisuuffinnut akiliisinnaanngikkuma qanoq pisoqassava?

Qaammap naanerani akiliinngitsooraanni qaammatip tulliata aallartinnerani ullut tallimat atuisuuffik naliginnaasutut atuutissaaq. Ullut arfinillissaanniit suli internettersinnaavutit kisianni sukkassuseq arriillissaaq, aatsaallu sukkatseqqissalluni atuisuuffik akilerpat.

Aatsaat qaammat iluitsoq akiliisimanngikkaanni internetti matussaaq. Kisianni Tusass.gl iserfigiuaannarsinnaavat, akiligassatillu akileriarlugit atuisuuffiit ammarteqqillugu .

Ujakkat nassaarisinnaanngiliuk? Taamaappat attavigisigut
‘Attavigisigut’ tooruk apeqqutillu nassiullugu. Sapinngisamik piaartumik akineqarumaarputit.
Attavigisigut

Attavigisigut

Saaffiginnissutinnut qujanaq,
ulluinnaat 5-t qaangiutsinnagit attavigineqassaatit.
*
*
*
*
*
*
*