Meeqqanut
Atuisuuffik meeqqanoortoq tallimaniit 17-inut ukiulinnoortuuvoq akikitsunnguaq.
Meeqqanoortup imarivaa killeqanngitsumik oqaluussineq SMS-ernerlu aamma 1 GB data, qaammammut taamaallaat 89 kr.-lik. Datamik saniatigut pisisinnaaneq aamma periarfissaavoq.
Taamaallaat piumasaqaatituaavoq inersimasup mobilikkut atuisuuffianut atanissaa, inersimasummi meeqqap atuisuuffia aamma akisussaaffigimmagu.
Meeqqat digitalimik pisut nalaanni toqqissisimanartumik akisussaassusilimmillu qanoq internetimik atuisinnaanerannut siunnersuutit ataani takusinnaavatit.
Digitalip silarsuaani meeqqat toqqissisimanartumik isumannaatsumillu atuinissaannut siunnersuutit pitsaasut
Digitalip silarsuaani meeqqat toqqissisimanartumik isumannaatsumillu atuinissaannut siunnersuutit pitsaasut
Silarsuarmi digitalimik atuiffiusumi inuuvugut – tamanna aamma meeqqatsinnut atuuppoq. Meeqqat pillugit aammalu internetimi ajutoorfiusinnaasut pillugit annilaarnarsinnaasunik akuttunngitsumik tusagaqartarpugut. Silarsuarli digitalimik atuiffiusoq ajortortaqarsinnaagaluartoq iluaqutissat ajoqutissanit amerlanerupput. Digitali atorlugu teknologii eqqortumik atoraanni assigiinngitsorpassuartigut inuunitsinni iluaqutissarsiffigisinnaavarput. Uagullu inersimasutut angajoqqaatullu meeqqagut ilinniartitassaraagut digitalip silarsuaani toqqissisimanartumik sapinngisamillu eqqortumik qanoq atuinissaannik. Qanoq atuisinnaanerannut siunnersuutitsialaat uani quppernermi atuarneqarsinnaapput.
Oqaloqatigiinneq pilersiguk
Meeqqavit silarsuaanut digitaliusumut peqataagit. Pimoorussisumik, ammasumik tapersersuerpalaartumillu pissuseqarnissaq pingaaruteqarpoq. Ilaqutariinni inuunissi ilaattut meeqqavit interneternerani peqatigisarsiuk. Pinnguaatinik pinnguaqatigiuk, app-it, pinnguaatit imaluunniit internertertarfiit nuannarinerpaasai pillugit oqaloqatigisarsiuk. Qanoq atugassaaneri aammalu atornerisigut sunik pissarsiaqarfigisinnaanerai paasiniarsigit. Interneternermini sunik misigisaqarsimanersoq, kikkut oqaloqatiginerai aamma arlaatigut ajornartorsiutinik iluaalliornartunilluunniit misigisaqarsimanersoq alapernaaffigisiuk. Qanorluunniit pisoqaraluarpat ilinnut saaffiginnittuarsinnaaneranik ilisimatissiuk. Internetimi nuanninngitsumik allaqateqarsimanini misigisaqarsimaniniluunniit pillugu nalunaaruteqarpat meeqqavit saaffiginninnera pimoorullugu tigujuk.
Malittarisassaliigit killissaliillutillu
Eqqaamajuk uaguugatta angajoqqaatut imaluunniit angajoqqaatut akisussaaffeqarutta meeqqatsinnut killiliisussaasut. Ukiuinut naleqquttunik digitalip silarsuaani atuinissaanut aammalu internetimut isernissaanut malittarisassaliorit unioqqutinneqarpata kinguneqartussannguillutit.
App-it nittartakkallu nuannarineqarluartut, soorlu YouTube, TikTok, Instagram aammalu SnapChat meeqqat inuusuttullu illersorniarlugit atuisussat ukiuinik killilersuinernik aalajangiussisarput. Taamaattumik akuersitinnak meeqqavit ukiui aamma qanoq piareersimatiginera eqqarsaatigilluaqqaakkit.
Maligassiuisuugit
Inersimasut digitalimik atueriaasiat meeqqat malugisarpaat. Oqaaqqissaarineq ajornanngittaraluaqaaq, namminerli teknologiimik atuinermi aamma atueriaaserisap eqqumaffiginerunissaa pingaaruteqarpoq. Taamaattumik maligassiuisuugit malittarisassanik nammineq aamma malitsitsinikkut. Imaluunniit meeqqatit nassuiaatikkit malittarisassat inersimasunut sooq allaanerunersut. Taamaasilluta meeqqat digitalip silarsuaani akisussaassusilimmik qanoq internetimik atuisinnaanerannik ikiorsinnaavagut.
Digitalip silarsuaani
innuttaasut akisussaaqataanerat
Digitalip silarsuaani
innuttaasut akisussaaqataanerat
Meeqqap digitalimik atuinera nakkutigiuk
Meeqqavit digitalimik atuinermini sunik sillimaffeqarnissaanik ilinniartiguk. Assersuutigalugu googlemi ujaasigaangatta, YouTubekkut videomik isiginnaaraangatta imaluunniit facebookimi quppernitsinni paasissutissanik uagutsinnut tunngasunik allakkaangatta "tumeqalersarpugut".
Meeqqanut minnernut malittarisassaq ajornaannerpaaq tassaasariaqarpoq meeqqap atini, mobilnormuni imaluunniit assini angajoqqaat angajoqqaatulluunniit akisussaassusillit akuersisimatinnagit allassanngikkaa.
Meeqqat angajulliunerumaat inuit attaveqaqatigiittarfiinik atuisut, soorlu Facebookimik, imminnut tunngasunik paasissutissanik sunik aammalu assinik sorlernik ikkussinissartik isumaliutigilluaqqaartariaqartassavaat.
Paasissutissat namminermut tunngasut internetimi qanorluunniit inissinneqarsimagaluarpata kikkunnit takuneqarnerat imaluunniit qanoq atorneqarnerat tamakkiisumik aqussinnaanavianngilat. Taamaattumik aamma meeqqavit assinginik internetimut ikkussitinnak akuersiseqqaarnissaat eqqaamagiuk.
Internetertillutit apeqqusiisinnaagit
Meeqqat – inersimasutuulli – eqqumaffigissavaat paasissutissat internetimiittut tamarmik eqqortuujuaannanngitsut, ilaat eqqoqqissaartuuneq ajorput imaluunniit naleqquttuuneq ajorlutik. Meeqqap paasissutissanik nalilersuinissaanik ilinniartissiuk, apeqqusiisinnaanissaanik aammalu paasissutissanik inunnillu internetertunik qanoq eqqumaffiginnittarnissaanik ilitsersorlugu.
Meeqqanut killilersuutit iPhonekkut ima atulersissinnaavatit
iPhonekkut meeqqavit isumannaatsumik mobilersinnaanissaa qanoq qulakkeerinneqataaffigisinnaanerlugu takuuk.
Meeqqanut killilersuutit Androidikkut ima atulersissinnaavatit
Androidikkut meeqqavit isumannaatsumik mobilersinnaanissaa qanoq qulakkeerinneqataaffigisinnaanerlugu takuuk.
Meeqqavit isumannaatsumik internetimik atuilernissaanik ikioruk
Digitalip silarsuaani meeqqap isumannaatsumik isumatusaartumillu atuinissaanut uagut inersimasut qanoq ilinniartitsisinnaanitsinnik siunnersuutitsialannik pissarserusukkuit nittartagaq redbarnet.gl aqqutigalugu paasisaqarsinnaavutit.
Pitsaaqutit
Tusass meeqqanut
Tusass meeqqanut
Atuisuuneq akikitsunnguaq
Meeqqavit pissarsiareriaannaassavaatit - taamatullu illit meeqqat pissarsiareriaannaassavat
Datamik annerusumik pisinissaq periarfissaavoq
Meeqqavit illillu atuisuunersi piffimmi ataatsimi aqussinnaavatit nakkutigalugillu
Suliffeqarfiup mobilimik atuisuuffianut aamma atassuserneqarsinnaavortaaq