Atuisoq nutaaq

Tusass Plus-itaareerlunga mobilera attaveeruppoq, sooruna?

Mobilinni flytilstand qamikkiarlugu ikeqqissavat, taamaasillutit mobilivit attavineqqinnerani Tusass Plusit atulissooq.


Mobilimik atuisuuffiit tamarmik Tusass Plus-imut nuutsinneqarsinnaappat?

Aap, mobilimik atuisuuffiit tamarmik Tusass Plus-imut nuutsinneqarsinnaapput. SIM-kort normullu taarsertariaqanngilatit. Tusass Plus-itaarniaruit uani nittartakkami ajornanngitsumik pisaarisinnaavat, immikkut saniatigut akiliinak. TELE-POST Centeriliartariaqanngilatit.


Tusass Plus-imut nuunniaruma mobilimik atuisuuffinniit sinneruttuutikka ilanngullugit nuunneqassappt?

Tusass Plus-imut nuukkuit, qaammammi atuuttumi mobilimik atuisuuffinnut aningaasartuutitit qaammatip tulliata naanerani ilinnut utertinneqassapput. Tusass Plus-ip imarisai tamakkiisumik pissavatit, akialu qaammammi ulluni atuuttuni taamaallaat akilerlugu.


Mobilimik atuisuuffinniit Tusass Plus-imut nuussaguma qaavatigut akiliissaanga?

Mobil Mikisoq / Akulleq / Angisooq-miit Tusass Plus-imut nuunniaruit qaavatigut akiliissanngilatit.


Sooq Tusass Plus-itaassaanga?

Tusass Plus ilinnut naleqquttuuvoq, mobilimut atuinermut kiffaanngissuseqarnerorusuttumut. Saniatigut ukua pitsaaqutit atulissavatit:

1. Oqaluussineq SMS-ernerlu killeqanngitsut.

2. Mobildata akikinneq, aamma datap angissusaa nammineq aalajangerneqarsinnaasoq.

3. Tupaallannartunik akiligassartaqanngitsoq.

4. Ajornanngitsumik imminut kiffartuussinnaanngussaatit 'tusassera' atorlugu, atuinerit aqussinnaalerlugu malinnaaffigisinnaalerlugulu.


Mobilt bredbåndimik atuisuuffinniit Tusass Plus-imut nuussinnaavunga?

Naamik, mobilt bredbåndimik atuisuuffinniit Tusass Plus-imut nuussinnaanngilatit.


TELE-POST-imut akiitsoqarlunga Tusass Plus-itaarsinnaavunga?

Akiitsoqaruit systemimi tamanna nalilersorneqaqqaassaaq. Tamanna pillugu nalorniguit atuisunut sullissivipput attavigisinnaavat 808080-mut sianerlutit imaluunniit atuisut@telepost.gl-imut allallutit.


Sumi Tusass Plus-itaarsinnaavunga?

www.tusass.gl-imi Tusass Plus-itaarsinnaavutit.

Internetimut attaveqanngikkuit TELE-POST Centerimi nammineerlutit Tusass Plus-itaarsinnaavutit.


Atuinissamut isumaqatigiissut GSM-imiit Tusass-imut nuutsikkukku atugassarititaasut suut atuutilissappat?

Tusass-imut atugassarititat nutaat atuutilissapput.


PIN- aamma PUK kode-kka allanngorpat? Sumi takusinnaavakka?

Naamik, PIN- aamma PUK-kode-tit allanngortinneqanngillat. Tusass.gl-imi 'Tusassera' iserfigalugu kode-tit takusinnaavatit.


Tusass Plus-itaarniaruma qassinik ukioqartariaqarpunga?

18-inik ukioqalereersimassaatit Tusass Plus-itaarniaruit. Suli 18-liineqanngikkuit ilinnut oqartussaasuullutik akisussaasuusut Tusass Plus-itaartissinnaavaatsit.