Tusass Plus-ip atornera

Tusass Plussinni telefoni nammineq akisartulersinnaavara?

Ajoraluartumik Tusass Plus telefoni nammineq akisartulerneqarsinnaanngilaq.


Sooq nittartakkami ingerlaqqissinnaanngilanga?

Qupperneq nutarterukku iluaqutaasinnaavoq, assersuutigalugu qarasaasiap naqitassartaaniittoq F5 toorlugu, imaluunniit browseri alla atorlugu misiliisinnaavutit, soorlu Explorer/Safari/Chrome/Opera il.il. 


Unammisitsinerit aamma katersuiniarnerit

Tusass Plussilittut pingaaruteqarpoq unammisitsinernut peqataarusukkuit imaluunniit katersuiniaqataarusukkuit Tusass kontovit imaqarnissaa. 

Tusass Plussi atuisuuffiuvoq tassanilu akilerneqartarpoq killeqanngitsumik oqaluussisinnaaneq aamma sms-ersinnaaneq, tassanngaannillu allanik kiffartuussissutinik ilaasoqarani. 

Unammisitsinernut peqataarusukkuit imaluunniit katersuiniaqataarusukkuit, atuisutut Tusass kontot www.tusass.gl-ikkut immersinnaavat imaluunniit pisiniarfinni Tusass-taletidinik pisisinnaavutit. 


Tusass Plus-eqaruma 0 GB data toqqarnikuullugu taava Tusass kontora atorlugu internetsersinnaavunga?

Tusass Plus internetsimut atorusukkukku data ilannguteqqaassavat.


Tusass Plus-itaareerlunga mobilera attaveeruppoq, sooruna?

Mobilinni flytilstand qamikkiarlugu ikeqqissavat, taamaasillutit mobilivit attavineqqinnerani Tusass Plusit atulissooq.


Killeqanngitsumik oqaluussineq SMS-ernerlu sumi atorneqarsinnaappat?

Killeqanngitsumik oqaluussineq aamma SMS/MMS taamaallaat nunatsinni normunut atuuppoq. Normunut immikkut ittunut, ass. 118 immaqaluunniit nunanut allanut, ass. Danmark, sianerneq/SMS/MMS akit atuuttut malillugit Tusass kontomiit ilanngaanikkut akilertinneqartassapput. Imatut paasillugu, Tusass kontot imaqartariaqassaaq.


Tusass Plus videoopkald-imut atorsinnaavaa?

Videoopkald malloqiusatut paasineqarsinnaavoq:

1. Samsung mobilit nutaajunerusut sananeqaatimikkut videoopkaldernissamut peqareertarput, kisiannili aatsaat mobilikkut attaveqaatit taamatut atorsinnaappata.

Malugiuk: Ajoraluartumik mobilikkut attaveqaatit Tusass Plusimi atortut taamatut videoopkald atorlugu sianersinnaanngillat.

2. Mobilit smartphones-it ullumikkut apps atorlugit videopkaldersinnaapput, taamaalillutit oqaluussat takusinnaallugu. Apps-it atorsinnaasat assersuutitut makkuupput FaceTime, Messenger, Hangouts il.il. Taamatut sianerneq mobildata-nik kisiaat atuisarpoq, taamaalillutit taamatut sianersinnaarusukkuit taava Tusass Plus mobildatalik toqqassavat.


Tusass Plus-innut akiliisinnaanngikkuma qanoq iliussaanga?

Akiliisimanngikkuit sianersinnaajunnaassaatit, SMS/MMS-ersinnaajunnaassaatit mobildatamilluunniit atuisinnaajunnaassallutit (Tusass kontut imaqaraluarpalluunniit). Taamaattoq suli ajornartoornermi sianersinnaavutit imaluunniit normunut akeqanngitsumik sianerfiusinnaasunut  sianersinnaallutit (soorlu Atuisunut Sullissivimmut, napparsimavimmut).

Tusass Plus-imik atusuuffiit mikinerulertinniarukku imaluunniit Tusass-inngortinniarukku, allannguinerit ingerlaannaq atuutilernavianngilaq - allannguineq atugassarititatut isumaqatigiissutit malillugit pissaaq.

Aamma www.tusass.gl iserfigiuaannarsinnaavat atuisuunerit allanngortinniarukku, aningaasanik ikisiniaruit imaluunniit kreditkortinnut paasissutissat allanngortinniarukkit.


Tusass Plus-era isertortumik normutaartissinnaavara?

Smartphoneqaruit normut aaqqissinnaavat isertortunngortillugu.


www.tusass.gl-ikkut normora allamut tunniussinnaavara?

Naamik, www.tusass.gl aqqutigalugu normut allamut tunniussinnaanngilat. Atuisuunermik allamut tunniussinermut immersugassaq immersoriarlugu TELE-POST Centerimut tunniussinnaavat imaluunniit ordre@telepost.gl-imut nassiullugu. Immersugassaq TELE-POST Centerimi pissarsiarisinnaavat linkilluunniit ataanittut aqqutigalugit:

- Kalaallisut

- Qallunaatut


Sunaana Tusass saldo?

Tusass saldo atorlugu takusinnaavat Tusass kontunni uninngasuutitit qanoq innersoq. Kontut imaqartariaqarpoq, normunut immikkut ittunut nunanut allanullu sianerneriaruit imaluunniit SMS-erniaruit. 


Internetimut attaveqanngikkuma qanoq iliussaanga?

Mobildatamilluunniit nunguttooraluaruit www.tusass.gl-imut isertuaannarsinnaavutit.


Nunatsinni sumiikkaluaraanniluunniit mobildatap sukkassuaa assigiippa?

Mobilteknologi piffinni sorleq atorneqarnersoq apeqqutaavoq: 

4G: Download 10-70 Mbps / Upload 10-40 Mbps.

3G: Download 2-14 Mbps / Upload 1-2 Mbps.


Tusass-ima imarisai qanoq paasiniarsinnaavakka?

1800-mut SMS-erit allallugu 'Saldo' imaluunniit Tusass.gl iserfigiuk.


Tusass-era matusinnaavara?

Tusass-it matorusukkukku atuisunut sullissivimmut 808080-imut sianerit imaluunniit atuisut@telepost.gl -imut allagaqarit.