Atuisuunermik allanngortitsineq

Atuisuuffinga Tusass Plusimiit GSM atuisuuffimmut nuutsissinnaavara?

Tusass Plusimiit GSM-imut (Mikisoq, Akulleq imal. Angisooq) atuisuuffiit nuutsinniarnerini periuutsit marluk atuupput:

1. Atuisuuffeqalerninniit ullut arfineq marluk qaangiutsinnagit, atuisuuffiillu suli atorsimatinnagu (mobildata), akiliinertaqanngitsumik GSM-imut utertitseqqissinnaavutit. Taama ittoqartillugu qinnuigissavatsigit atuisunik sullissivipput 808080-mut sianernikkut saaffigeqqullugu, taakkua utertsitsinissamut sullikkumaarmatit.

2. Tusass Plusimi atuisuuffittaat atoreersimagukku (mobildata), qaammatip 20-iat qaangertinnagu GSM-imut uteqqikkusullutit nammineq atuisuuffiit www.tusass.gl aqqutingalugu uterteqqissinnaavat, taama isiornikkut qaammatip tullianiit atuutilertussamik GSM imal. Tusass atuisuuffikornut uteqqissinnaassaatit.


Tusass Plus-era Tusass-imut nalinginnaasumut appartippara. Qanoq iliorlunga Tusass Plus-imik piseqqissinnaavunga?

Nittartakkamut isissaatitit ”Atuisuuffik”-llu iserfigeriarlugu ikillugu/qamillugu tuugassaq toorlugu Tusass Plus atulerseqqillugu. 


Atuisuuffinnik qaqugukkut allanngortitsisinnaavunga?

Tusass.gl "Iserit" aqqutigalugu qaqugukkulluunniit apeqqutaanani qaammatip qanoq isinerani Tusass Plusimut nuussinnaavutit, imaluunniit atuisuuffiit mobildatamik annertunerusumik ilallugu atuisuuffeqalissaguit, qaqugukkulluunniit allanngortissinnaavat. Atuisuuffiit annikinnerusumik imaqartilerusukkukku, Tusass Plus mobildatamik annikinnerusumik imaqartilernissaa isumagisariaqassavat. Imaluunniit Tusass naliginnaasumut uteqqikkusussaguit, Tusass Plus killeqanngitsumik oqaluussisinnaanera nunguterlugu aallaqqaataaneernissaa isumagisariaqassavat. Tamannalu qaammatip ulluisa 20-at qaangiutsinnagu appartittariaqassavat, taamaanngippammi atuisuuffiit qaammamik ataatsimik  ingerlaqqissammat. 


Qanoq akeqarpa datamik ilanngussineq?

Qaqugukkulluunniit datamik Tusass Plus-innut ilanngussisinnaavutit. Datamik ilanngussiguit, GB-it tamakkiisumik pissavatit qaammammilu atuuttumi ullunut sinneruttunut taamaallaat akiliillutit. Killeqanngitsumik oqaluussineq SMS-ernerlu aallaqqaataaniit pisiareqqissanngilatit Tusass Plus siumoortumik akilertagaammat.


Tusass-era TELE-POST-ip atorunnaarsissinnaavaa?

Aap, qaammatini 12-ni ataannartumik akiliisimanngikkuit TELE-POST-ip Tusass-it atorunnaartissavaa. Tamatuma kingorna nutaamik Tusass-itaartariaqassaatit.


Tusass Plus-era qanoq ilillunga atorunnaartissavara?

Tusass Plus-imik attartugaqarnerit unitsissinnaavat tusass.gl-ip iserfissaa qulaaniittoq iserfigalugu; "Atuisuuneq" toorlugu, taavalu "Oqaluussineq SMS-ernerlu & killeqanngitsut"-ip sanianiittoq attataasaq ikinneranut/qaminneranut tuugassaq toorlugu.

Tusass Plus-imik attartugaqarnerit qaammatip 20-a nallertinnagu atorunnaarsikkukku unissaaq. Qaammatip 20-ata kingorna atorunnaarsikkukku qaammat ataaseq suli akiligassarissavat.


www.tusass.gl-ikkut normora allamut tunniussinnaavara?

Naamik, www.tusass.gl aqqutigalugu normut allamut tunniussinnaanngilat. Atuisuunermik allamut tunniussinermut immersugassaq immersoriarlugu TELE-POST Centerimut tunniussinnaavat imaluunniit ordre@telepost.gl-imut nassiullugu. Immersugassaq TELE-POST Centerimi pissarsiarisinnaavat linkilluunniit ataanittut aqqutigalugit:

- Kalaallisut

- Qallunaatut


Tusass Plus-inni mobildata tamaat atorsimagukku susoqassava?

Mobildata nunguppat attaviata sukkassusaa 64 Kbps-mut appartinneqassaaq. Attavia sukkatseqqikkusukkukku data annertussusilersinnaavat 'tusassera' aqqutigalugu - datamik allanngortitsineq nikiseqqinneqanngikkuni atuutiinnassaaq.


Internetimut attaveqanngikkuma qanoq iliussaanga?

Mobildatamilluunniit nunguttooraluaruit www.tusass.gl-imut isertuaannarsinnaavutit.


Qaqugukkut atuisutut isumaqatigiissutiga allanngortissinnaavara?

Tusass Plusimut nuunneq mobildatamillu qaffaaneq qaqugukkulluunniit pisinnaavoq.

Tusass Plusimiit Tusassimut naliginnaasumut nuunneq aamma mobildatamik appaaneq, qaammammi atuuttumi ulloq 20-at qaangertinnagu isumagineqartariaqarpoq, qaammatip tulliani allannguutit atuutsilerniaraanni.


Mobilimik atuisuuffinnut allannguiniaruma akeqarpa?

Naamik, mobilimik atuisuuffiit Tusass-imiit Tusass Plus-imut nuunniarukku imaluunniit killormut akeqanngilaq. Datamik allannguineq aamma akeqanngilaq.