Akiliineq

Tusass Plus-imik datalimmik piseqqammerlunga sooq data atorsinnaanngilara?

Pisinerup nalunaarsorneqarnissaa systemimut sivisulaarsinnaavoq. Oqarasuaat angallattagaq qameriarlugu ikeqqinnera ilaannikkut iluaqutaasarpoq.


Akilereeraluarlunga Tusass Plus-era sooq atorsinnaanngilara?

Pisinerpit systememit nalunaarsorneqarnera sivisusinnaavoq. Oqarasuaat angallattagaq qameriarlugu ikeqqinnera ilaannikkut iluaqutaasarpoq. 


Immeereernerma kingorna akiliutinnut uppernarsaat sooq uanga mailinnut nassiunneqarsinnaanngila?

Atortulersuut taanna suli atuutilersinneqanngilaq, aaqqiissutissamilli suliaqartoqarpoq. 


Unammisitsinerit aamma katersuiniarnerit

Tusass Plussilittut pingaaruteqarpoq unammisitsinernut peqataarusukkuit imaluunniit katersuiniaqataarusukkuit Tusass kontovit imaqarnissaa. 

Tusass Plussi atuisuuffiuvoq tassanilu akilerneqartarpoq killeqanngitsumik oqaluussisinnaaneq aamma sms-ersinnaaneq, tassanngaannillu allanik kiffartuussissutinik ilaasoqarani. 

Unammisitsinernut peqataarusukkuit imaluunniit katersuiniaqataarusukkuit, atuisutut Tusass kontot www.tusass.gl-ikkut immersinnaavat imaluunniit pisiniarfinni Tusass-taletidinik pisisinnaavutit. 


Tusass konto atorlugu Tusass Plussi akileruk

Tusass Plussilittut akiliutigisartakkat qaammammi 27-ani oorinik imaqanngippat, periarfissarivat Tusass konto aqqutigalugu akiliinissat. 

Periarfissat unaavoq, Tusass kontot immissavat, taamaalilluta oorit tigussavagut qaammammullu Tusass Plussip atornissaa akilerlugu.

Eqqaamaannassavat akiligassavit nalinga Tusass kontonniissammat. 


Mobil Bredbånd Simple maana immersinnaavara?

Aap, Mobil Bredbånd Simple immersinnaavat nittartakkap saqqaaniittoq "Immiigit" toorlugu.


Qaqugukkut Tusass Plus-imik atuisuuffiga akilertassavara?

Apeqqutaavoq qanoq ittumik akiliinermut kort-eqarnersutit:

Debetkorti: Qaammatip nikinnissaa ullunik marlunnik sioqqullugu akiliitinneqassaatit qaammatip aallartinneraniit Tusass Plus-ippit aamma atuunnissaa qulakkeerniarlugu.

Kreditkorti: Qaammatip naanerani unnuap qeqqanut akiliitinneqassaatit, ullualuit sioqqullugit kreditkortinni aningaasat inniminnereertaratsigit.


Qanoq akeqarpa datamik ilanngussineq?

Qaqugukkulluunniit datamik Tusass Plus-innut ilanngussisinnaavutit. Datamik ilanngussiguit, GB-it tamakkiisumik pissavatit qaammammilu atuuttumi ullunut sinneruttunut taamaallaat akiliillutit. Killeqanngitsumik oqaluussineq SMS-ernerlu aallaqqaataaniit pisiareqqissanngilatit Tusass Plus siumoortumik akilertagaammat.


Tusass Plus videoopkald-imut atorsinnaavaa?

Mobilit nutaajunerusut amerlanerpaartaat app-it assigiinngitsut atorlugit (FaceTime, Messenger, Skype o.l.) videoopkald-ersinnaapput.

Videoopkald-it mobildata-mik ilanngaanikkut akilertinneqartarput, taamaattumik videoopkald-erniaraanni Tusass konto imaqartariaqarpoq.

Mobilit nutaannginnerusut (soorlu iPhone 4-mit nutaannginnerusut) aamma videoopkald-ersinnaapput.


Tusass Plus-innut akiliisinnaanngikkuma qanoq iliussaanga?

Akiliisimanngikkuit sianersinnaajunnaassaatit, SMS/MMS-ersinnaajunnaassaatit mobildatamilluunniit atuisinnaajunnaassallutit (Tusass kontut imaqaraluarpalluunniit). Taamaattoq suli ajornartoornermi sianersinnaavutit imaluunniit normunut akeqanngitsumik sianerfiusinnaasunut  sianersinnaallutit (soorlu Atuisunut Sullissivimmut, napparsimavimmut).

Tusass Plus-imik atusuuffiit mikinerulertinniarukku imaluunniit Tusass-inngortinniarukku, allannguinerit ingerlaannaq atuutilernavianngilaq - allannguineq atugassarititatut isumaqatigiissutit malillugit pissaaq.

Aamma www.tusass.gl iserfigiuaannarsinnaavat atuisuunerit allanngortinniarukku, aningaasanik ikisiniaruit imaluunniit kreditkortinnut paasissutissat allanngortinniarukkit.


Tusass-era nammineertumik qanoq immertittalersinnaavara?

Illit qupperninni Tusass-it nammineertumik immertittalersinnaavat, tamatigullu Tusass kontut 20 kr. ataakkaangagu nammineertumik kreditkorterniit immertinneqartassaaq.


Qanoq ilillunga Tusass Plus-era nunani allani atorsinnaavara?

Nunani allani Tusass Plus-it atorniarukku, Tusass kontut imaqartariaqarpoq. www.tusass.gl –imi iserlutit Tusass kontut immersinnaavat kreditkortit atorlugu.  

Nammineertumik kontut immertittarnissaanut Tusass-inni aaqqissinnaavat, tamatigullu Tusass kontut 20 kr. ataakkaangagu nammineertumik kreditkorterniit immertinneqartassaaq.


Tusass Plus-imut nuunniaruma mobilimik atuisuuffinniit sinneruttuutikka ilanngullugit nuunneqassappt?

Tusass Plus-imut nuukkuit, qaammammi atuuttumi mobilimik atuisuuffinnut aningaasartuutitit qaammatip tulliata naanerani ilinnut utertinneqassapput. Tusass Plus-ip imarisai tamakkiisumik pissavatit, akialu qaammammi ulluni atuuttuni taamaallaat akilerlugu.


Akiliinermut kortit sorliit www.tusass.gl-imi atorsinnaavakka?

Kortit atorneqarsinnaasut ukuupput: Dankort, Visa/Dankort, MasterCard aamma Visa Elektron. Akiliut atorlugu akiliutigisinnaanngilat tusass.gl-imi.


TELE-POST-imut akiitsoqarlunga Tusass Plus-itaarsinnaavunga?

Akiitsoqaruit systemimi tamanna nalilersorneqaqqaassaaq. Tamanna pillugu nalorniguit atuisunut sullissivipput attavigisinnaavat 808080-mut sianerlutit imaluunniit atuisut@telepost.gl-imut allallutit.


Internetimut attaveqanngikkuma qanoq iliussaanga?

Mobildatamilluunniit nunguttooraluaruit www.tusass.gl-imut isertuaannarsinnaavutit.


Akiliinissamut kreditkort-eqanngilanga, qanoq iliussaanga?

Tusass Plus-itaarniaraanni kreditkort-eqartariaqarpoq.


Mobilimik atuisuuffinnut allannguiniaruma akeqarpa?

Naamik, mobilimik atuisuuffiit Tusass-imiit Tusass Plus-imut nuunniarukku imaluunniit killormut akeqanngilaq. Datamik allannguineq aamma akeqanngilaq. 


Pisininnut uppernarsaatit qanoq ilillunga pisassavakka?

Pisinernut uppernarsaatit SMS-ikkut nassiunneqartassapput, aamma maani illit quppernerisanni tamaasa nassaarisinnaavatit.